Dalšu testowu partiju wuspěšnje wobstali
Rakečanske ST II
– ST Marijina hwězda 1:3 (1:1)
Zestawa hosći: Matik – Fe. Langer, K. Pakoßnick, Hawš, T. Jurš, Čornak, Schmidt, Pjetaš, Lugge, D. Jurš, J. Pakoßnick, Eldor, Ladewig, Fa. Langer, R. Cyž, Kral
Kader prěnjeho koparskeho mustwa ST Marijineje hwězdy za sobotnu testowu partiju w Rakecach njebě runjewon přewulki. Trenarjej Bodej Pjetašej pobrachowachu mjenujcy tójšto stajnych hrajerjow. Najebać to chcychu Pančičenjo tež tónle přihotowansku hru za nowu sezonu wuspěšnje wuhrać, štož so jim poradźi.
Pančičanki a Worklečanki treningowe lěhwo přewjedli
Nowa sezona, nowe koło, nowy přeběh. Hrajna doba 2020/2021 so bliži.
W awgusće přewjedźechu wolejbulistki Hrajneho zjednoćenstwa Pančicy-Worklecy třidnjowske treningowe lěhwo w domjacej hali we Worklecach. Zazběh dyrbješe pjatk treningowa jednotka w Porchowskej kupjeli pod hołym njebjom tworić. Tón pak je posłownje do wody padnył. Dešćik a hrimanje běštej zamołwitej, zo mějachu so žony wo alternatiwu starać. Dźakowano mužam-wolejbulistam Viktorije Worklecy, kiž běchu jich treningowy čas žonam přewostajili, dokelž bě jich wotprajeny, bě prěnja zwučowanska jednotka w hali móžna. Na planje steještej mustwowe posedźenje kaž tež prěni trening, wopřijacy hrajne formy a zakónčacu treningowu hru.
Treningowe dopołdnjo sobotu při přijomnych temperaturach z lochkim rańšim běhom wokoło a přez Worklecy započachu. Slědowaše prěnja jednotka, w kotrejž wolejbulistki hłownje hornje přihraće zwučowachu. Mjez druhim pospytachu so hrajerki w přihrawce přez hłowu, štož bě za přistajerki wažne zwučowanje. Prěni blok wotzamknychu z hru.
Serbska koparska wubranka přećiwo šulskej wubrance
Serbska koparska wubranka młodźiny D nastupi srjedu, 2. septembra, w 17 hodź. w Njebjelčicach přećiwo šulskej wubrance gymnazija Ehrenfried-Walther-von-Tschirnhaus z Drježdźan. Přećelsku hru we wobłuku fondsa „Čiń sobu!“ chcychu poprawom hižo kónc zašłeho šulskeho lěta přewjesć. Tehdy płaćiwe předpisy hygieny pak tajku hru hišće njedowolichu.
Sudnik přećelskeje hry budźe André Strelow z Drježdźan. Přihladowarjo smědźa sej partiju wobhladać, hosćenc při sportnišću pak wotewrjeny njebudźe. Kilian Hrjehor
Módro-běli testowali
Wuslědki (25.08.20)
Kopańca
regionalna liga muži
Borussia Berlin – Chemija Lipsk 1:3 (0:2)
Lok Lipsk – Berlinski AK 2:1 (0:1)
Halberstadt – Biskopičanske KT 2:3 (1:2)
BFC Dynamo – Hertha BSC II 1:2 (1:1)
Meuselwitz – Choćebuz 2:0 (1:0)
1. BSG Chemija Lipsk 2 6 :2 6
2. ZFC Meuselwitz 2 4 :0 6
3. Biskopičanske KT 2 5 :2 6
3. Hertha BSC II 2 5 :2 6
5. VSG Altglienicke 1 3 :2 3
6. SV Lichtenberg 47 1 2 :1 3
6. Viktoria Berlin 1 2 :1 3
8. FSV 63 Luckenwalde 1 1 :0 3
9. Berlinski AK 2 4 :4 3
10. Lok Lipsk 2 3 :4 3
11. FC Carl Zeiss Jena 1 1 :1 1
11. SV Babelsberg 1 1 :1 1
13. Union Fürstenwalde 1 2 :3 0
14. Kamjeničanski FC 1 1 :2 0
15. Germania Halberstadt 2 2 :4 0
16. Optik Rathenow 1 0 :2 0
16. VfB Auerbach 1 0 :2 0
18. Tennis Borussia Berlin 2 3 :6 0
19. BFC Dynamo 2 2 :5 0
20. FC Energija Choćebuz 2 1 :4 0
Chróšćenjo z pokalneho koła won
Mišnjanske ST 08 – SJ 1981 Chrósćicy 2:1 (1:1)
Zestawa hosći: Králíček – Matješk, F. Cyž, Sentivan, L. Zahrodnik, Zynda, Runt, G. Zahrodnik, F. Zahrodnik, Vokáček, M. Zahrodnik
Do hry derje startowali
FC Energija Choćebuz
– SZ Lichtenberg 1:2 (1:0)
Zestawa domjacych: Stawecki – Florian Brügmann, Koch, Storb, Borgmann, Erlbeck, Pelivan, Mäder (75. Postelt), Gladrow (90. N. Geisler), Kremer (66. Hoppe), Felix Brügmann
Pavel Patka (srjedźa, Budyšin) spyta tu na wrota přećiwnika ...
Widźał, słyšał, napisał (24.08.20)
„Wšako je kopańca najwažniši sport we Łužicy.“ – kónčna sada kolumny zašłeho tydźenja je mje trochu k přemyslowanju hnuła. Móžu intenciju wuprajenja sćěhować, hdyž wěm, zo přińdźe z pjera někoho, kiž je sam wot swojeje młodosće sem kopańcu hrał a so dale po aktiwnej karjerje za swój sport zasadźuje. Štož je wšeje chwalby hódne, přetož tajkich ludźi, hač jako sudnik, trenar, organizator, kóžda sportowa družina trjeba.
Sport (21.08.20)
Kónctydźenske koparske hry
22.08. 13.00 FSV Budissa Budyšin
– SC Borea Drježdźany
22.08. 14.00 Módro-běli Kulow
– ST Ćisk
22.08. 15.00 Mišnjanske ST 08
– SJ 1981 Chrósćicy
(krajny pokal)
22.08. 15.00 Rakečanske ST II
– ST Marijina hwězda
22.08. 15.00 Lok Slepo
– Sokoł Ralbicy/Hórki
22.08. 17.00 Jednota Kamjenc
– FC Hornja Łužica
Neugersdorf U19
23.08 14.00 SJ Chrósćicy II
– SZ Drjewnica
23.08. 15.00 Fortuna Trjebin 1996
– Hartmannsdorfer SV
(krajny pokal)
23.08. 15.00 ST 1922 Radwor
– FSV Bretnig-Hauswalde
25.08. 18.00 Módro-běli Kulow
– SJ Njebjelčicy
Kónčna hra we Wjelećinje
Finale wo wokrjesny pokal sezony 2019/2020 Zapadołužiskeho koparskeho zwjazka wuhraja jutře, popołdnju wot 15 hodź. we Wjelećinje. Potom nastupitej ST Horni kraj Sprjewja a SZ Großnaundorf přećiwo sebi. Sudnik hry budźe Robert Heinrich, asistentaj Maik Ruprecht a David Ackermann.
Prěni koparski cup na Boršći
