Budyšin (SN/bn). Tradicionelnje z wutřělemi pistolow resp. kanonki su intendant Němsko-Serbskeho ludoweho dźiwadła Lutz Hillmann, Budyski wyši měšćanosta Karsten Vogt a krajny rada wokrjesa Budyšin Udo Wićaz (wobaj CDU) wčera 28. Budyske lěćne dźiwadło na Budyskim Hrodźe zahajili. Premjera inscenacije „Spuk unterm Riesenrad – Jetzt ist Bautzen dran“ bě wupředata, nimale tysac přihladowarjow mytowachu wukon na jewišću a za nim skutkowacych z dołho trajacym přikleskom. Po předstajenju dźakowaše so Hillmann swojemu mustwu, wuzběhnywši předewšěm wuhotowarja jewišća Mirosława Nowotneho a rjemjeslnikow, kotřiž jeho „naročne, často překwapjace a hdys a hdys bjezmała kołwrótne ideje zwoprawdźeja“. Jako režiser spektakla pod hołym njebjom wón zjima: „Wuspěšna premjera njeby móžna była, njesměł z absolutnymi profijemi hromadźe dźěłać, na kotrychž móžu so w kóždejžkuli situaciji spušćeć. Za to dźakuju so z cyłeje wutroby. ...

Rozžohnowanje w ChrósćicachPrěnje koparske mustwo SJ Chrósćicy njerozžohnuje so juře, sobotu, jenož z poslednjej domjacej hru w krajnej klasy wot swójskeho přiwiska, ale zdobom tež wot třoch koparskich legendow, kiž su w zašłym lětdźesatku wulki podźěl na wuspěchu SJ Chrósćicy měli. Tak mjez druhim hrajer a trenar Pavel Runt. Mjeztym zo su Chróšćenjo hižo z krajneje klasy do wokrjesneje wyšeje ligi zestupili, póńdźe w samsnym času w Rakecach za wobě mustwje hišće wo zachowanje klasy. Cyle wosebitu hru změje prěnje koparske mustwo Biskopičanskeho KT w Arnstadtće. Tam móhli so chowancy trenarja Franka Ričela z mištrom we wyšej lize stać a samo do regionalneje ligi postupić.08.06.  14:00  Budis. Budyšin – Kśišow08.06.  14:00  ST Arnstadt –  Biskopičanske KT08.06.  15:00 SJ Chrósćicy –  TSV Rotacija Drježdźany08.06.  15:00  Rakečanske ST –  Radebergerske STMinistrantska kopańca

ŠunowLipskWorklecyHórkiMFeliks Haza (4), Filomena Kurjatec (2)eja je nimo a z tym tež čas mejemjetanjow. Wjele jich lětsa bě. W někotrych wsach běchu wjesnjenjo samo prěni raz meju mjetali. Na přikład we Łušću, Bukecach abo Zejicach. Mejemjetanja su stajnje zaso rjany pomnik žiwych našich serbskich tradicijow a zwjazuja njemało wjeskow do cyłka. Młodostnym je wočiwidnje dźeń a wažniše nałožk tež dźěćom spřistupnić, čehoždla mějachmy lětsa w tójšto wsach wjacore mejske kralowske pory. Marathon je zdokonjany, tež za nas jako redakcija Serbskich Nowin. Smy spytali telko mejemjetanjow kaž móžno wotbłyšćować a rozžohnujemy so z někotrymi poslednimi impresijemi mejemjetanjow z pisanymi rejemi a wjeselimy so hižo nětko, waše fota klětu zaso wozjewić. TMěsac połny pisanych wjerškowmłodźinapjatk, 7. JUNIJA 2024 SERBSKE NOWINY – KÓNCTYDŹENSKA PŘIŁOHA

Składnostnje 25lětneho wobstaća noweho Serbskeho zakonja Sakskeje su dźensa Budyski serbski zapósłanc Marko Šiman, prezident krajneho sejma dr. Matthias Rößler (wobaj CDU) a direktor krajneje centrale za politiske kubłanje dr. Roland Löffler (wotlěwa) w krajnym sejmje serbsko-němske wudaće sakskeje wustawy prezentowali. Prěni tajki projekt bě krajna centrala hižo 2001 sama zdokonjała, aktualne wudaće je zhromadne předewzaće ze sakskim parlamentom. Foto: Steffen Füssel

Sławny duchowny oratorijBudyšin. Spěwni solisća Christina Roterberg, Sarah Keller, Stephanie Hauptfleisch, Florian Neubauer a Clemens Heidrich, Budyski chór ewangelskeho kantorstwa swj. Pětra kaž tež chór a orchester Serbskeho ludoweho ansambla předstaja zajutřišim, njedźelu, pod nawodom cyrkwinskohudźbneho direktora Michaela Vettera oratorij „Elias“ Felixa Mendelssohna Bartholdyja w Budyskej cyrkwi swj. Pětra. Twórba słuša k najwuznamnišim kompozicijam swojeho razu. Koncert započnje so w 17 hodź. a je zdarma přistupny. Hižo dźensa maja zajimcy w 19 hodź. na samsnym městnje a tohorunja zdarma składnosć, oratorij na zjawnej generalce dožiwić. Pjenježny dary so na woběmaj zarjadowanjomaj njewotpokazuja.Jazz, funk a wjace na zahrodźe

„Heja ze zornowca“ rěka tema, z kotrejž so Corinna Seiler w swojim modowym ateljeju El.le tuchwilu zaběra. We wukładnym woknje na Budyskej Jerijowej wustaja wona tohodla drastu předewšěm w šěrych a čornych barbach, kaž tež kamjenje ze zornowca. Foto: SN/Bojan Benić

Radwor (SN/mb). Krajny zarjad za šulu a kubłanje (LaSuB) chce na Radworskej serbskej zakładnej šuli „Dr. Marja Grólmusec“ přihotujo přichodny štwórty lětnik serbsku rjadownju likwidować. To je kubłanska referentka Domowiny Katrin Suchec-Dźisławkowa po wčerawšim digitalnym krizowym posedźenju zastupjerjow sakskeho kultusoweho ministerstwa, LaSuB, Serbskeho šulskeho towarstwa a třěšneho zwjazka Serbow wobkrućiła. LaSuB dale na tym wobsteji, po prózdninach šěsć šulerjow serbskeje rjadownje aktualneho třećeho lětnika z 19 němskimi šulerjemi do zhromadneje rjadownje fuzioněrować – štož by serbski rěčny rum, kotryž je sej staršiska iniciatiwa před třomi lětami wuwojowała, zaso skóncowało. Tohodla je Suchec-Dźisławkowa, zdobom rěčnica staršiskeje iniciatiwy, připowědźiła, zo „budu so starši wobarać“. Tež zwjazkowe předsydstwo Domowiny chce so na swojim dźensnišim wuradźowanju z naležnosću zaběrać. LaSuB wusprawnja swoje postupowanje z personelnymi problemami na němskich šulach a trěbnym wotrj ...

Daniel Nuk z Radworja poćahuje so w swojim dopisu na přinošk „Žane wětrniki w Delanach!“, wozjewjeny w SN wutoru, 4. junija:Zrědka čitam w Serbskich Nowinach přinošk, kiž je na niwowje Bild – tutón přinošk to pak na kóždy pad bě. Połny wopačnych wuprajenjow a emocionalnych hódnočenjow. Jako sobudźěłaćer předewzaća na polu regeneratiwnych energijow cyle jednorje njemóžu hinak, hač swój žonop k tomu dodać a dwě wuprajeni skorigować.Sprěnja njeje regionalny planowanski zwjazk žane stejnišća nastupajo wětrniki wozjewił: Tuchwilu wuleži róžkowa papjera (Eckpunktepapier), kotraž kriterije wobrysuje, přez kotrež ma so cil „dwaj procentaj sakskeje płoniny za wětrnikowu energiju“ docpěć. Karty z dokładnje zarysowanymi městnosćemi za wětrniki tam žane wozjewjene njejsu.

Marko WjeńkaNjeboh farar Rudolf Kilank je swój čas, hdyž bě wólbna njedźela, w Budyšinje wěriwych po Božej mši rady ze słowami rozžohnował: „Wy wšak wěsće, koho maće wolić!“ Sym sej wěsty, zo by wón z tutymi słowami dźensa do tójšto bjezradnych mjezwočow hladał.Najbóle mje zamyla, hdyž widźu plakaty SPD ze zwjazkowym kanclerom Olafom Scholzom a Katarinu Barley, kotraž zajutřišim, njedźelu, za Europski parlament kandiduje: „Jasny kurs we wichorojtych časach“ abo „SPD wolić – měr zaručić“, tam steji. Kajki ma to jasny kurs być? Je SPD woprawdźe na prawym puću, měr zaručić?