Pjatk 3. do 5.8.   Festiwal při Kulowskim měšćanskim haće

   Zetkanje wlečakow w Koblicach

   15. lětanske dny w Lětonju

  19:30 Swójbna ekskursija Kamjenskeho Muzeja zapadneje Łužicy pod hesłom „Njetopyrje – hońtwjerjo nocy“

Sobotu 4.8. 11:00 Lětni swjedźeń we Wojerowskim Domje zetkanja

  13:30 Wolejbulowy turněr na trawniku wohnjoweje wobory w Smjerdźacej

  14:00 Zelowe wodźenje po Miłočanskej skale Při Krabatowym kamjenju

  17:15 Łužiske hudźbne lěćo – „Hudźba šěsć lětstotkow“ w Budyskej tachantskej cyrkwi

  18:00 Łužiske hudźbne lěćo – Duchowny koncert „Salve Regina“ z SLA w klóštrje Marijinej hwězdźe w Pančicach-Kukowje

Njedźelu 5.8. 9:00 Prózdninske pućowanje NABU po Dubrjenskim bahnje; start w Michałkach

  13:30 Wohnjowoborne wubědźowanje na teritoriju zarjad­niskeho zwjazka Při Klóšterskej wodźe w Smjerdźacej

  14:00 Wotewrjenje noweje pokazki z wuměłskimi kneflemi ze zběrki ludoweho wuměłca Michaela Vogta­ z Hornjeho kraja w Njeswačanskim domizniskim muzeju

  19:00 Zakónčenje Łužiskeho hudźbneho lěća z „wulkim wottrubjenjom“ na Budyskim Hłownym torhošću a na radnicowej wěži

njedźelu hornjoserbsce

11:00 Łužica tutón tydźeń, mjez druhim wo putnikowanju serbskich ministrantow do Roma

11:15 Suchota a horcota w Hornjej Łužicy

11:45 Rozmołwa z nowej intendantku Serbskeho ludoweho ansambla Judith Kubicec

12:00  Nabožne wysyłanje

 (farar Měrćin Deleńk)

po tym zbožopřeća

delnjoserbsce

12:30 Aktualny magacin, mjez druhim z přinoškom na temu „Serbska rěč w swójbach“

13:00  Choćebuski komponist Hans Hütten

13:40 Nabožne wusyłanje

 (Hartmut Leipner)

Něhdźe 70 000 ministrantow ze wšeho swěta přebywaše wot 30. julija do dźensnišeho w Romje. Tež serbscy ministranća běchu so minjenu njedźelu na puć do wěčneho města podali. Wjeršk bě wutorna awdienca z bamžom Franciskusom. Kamerateam Wuhladka je serbsku skupinu přewodźał a bě wězo tež při awdiency ze swjatym wótcom na městnje, tak chcedźa w jutřišim wusyłanju wo dožiwjenjach młodych křesćanow rozprawjeć.

Wěnować budu so serbscy telewizijnicy w sobotnym wudaću, kotrež započnje so w 11.45 hodź. na MDR, tež po­daw­kej před 50 lětami w Čěskej, kotryž je do ­stawiznow jako „Praske nalěćo“ zašoł. Wuhladko wobswětla podeńdźenja lěta 1968 wokoło Alexandera Dubčeka a jeho reformowych myslow kaž tež wokoło wojerskeho zasaha jednotkow statow Waršawskeho pakta w tehdyšej Čěskosłowakskej. Wospjetowanje budźe póndźelu, 6. awgusta, w 6.40 hodź. na MDR a sobotu, 11. awgusta, w 13.30 hodź. w telewiziji RBB. SN

Z kapsnej lampu do přirody

Kamjenc. Pod hesłom „Njetopyrje – hońtwjerjo nocy“ přeproša Kamjenski Muzej zapadneje Łužicy wšitkich lubowarjow přirody a dalšich zajimcow jutře, pjatk, 3. awgusta, na ekskursiju do nócneho swěta Lessingoweho města. Arndt Hochrein ze Sakskeho zwjazka za slědźenje a škit njetopyrjow poda so z kapsnej lampu a ultrazwukowym detektorom na slědy małych hóntwjerjow. Zarjadowar prosy so pod telefonowym čisłom 03578/ 78 830 přizjewić. Dokładnu městnosć zetkanja wšitcy při přizjewjenju zhonja. Započatk je w 19.30 hodź. Za ně­hdźe dwuhodźinsku ekskursiju zběra muzej popłatk pjeć eurow, potuńšene tři eura.

Na najwjetšu lětansku show