Dobrowólni pomocnicy su tež dźensa zhromadnje z wojakami pobrjoh ...

pjatk, 04. januara 2019 spisane wot:
Dobrowólni pomocnicy su tež dźensa zhromadnje z wojakami pobrjoh nižozemskeje kupy Ameland rjedźili a tam wěcy zběrali, kotrež pochadźeja wot kontejneroweje łódźe MSC Zoe. Łódź bě w nocy na srjedu při wichoru wjace hač 300 kontejnerow zhubiła. W někotrych běchu strašne maćizny. Foto: dpa/Jan Spoelstra

dale čitać ...

Hospodarstwo: Bliža so njeměrne časy

pjatk, 04. januara 2019 spisane wot:
Berlin (dpa/SN). Hospodarstwo Němskeje hotuje so spočatk noweho lěta na hospodarsce njeměrne časy. Přiwšěm wočakuja tež 2019 rozrost. „Najlěpše konjunkturne časy pak su nimo“, praji prezident Zwjazka němskeje industrije Dieter Kempf powěsćerni dpa. Prezident Zwjazka dźěłodawarjow Ingo Kramer měni: „Njesměli konjunkturu hubjenu rěčeć. Na horiconće pak jewja so njewjedrowe mróčele, kotrež su hižo poměrnje bliske. Předewzaća planuja krótkodobnišo, hač su to dotal činili. Zawody su hišće poměrnje derje wućežene, ale njewěstosć přiběra.“ Kramer mjenuje w tym zwisku wjacore rizika: „Wulki faktor njewěstosće su mjezynarodne wikowanske konflikty a protekcionistiske wuwića. Wosłabjaca konjunktura w Chinje tež němske hospodarstwo trjechi. Nichtó njewě, što budźe z brexitom a z Italskej.“

dale čitać ...

Bomba před běrowom AfD

pjatk, 04. januara 2019 spisane wot:
Döbeln (dpa/SN). Před běrowom AfD w sakskim Döbelnje je wčera wječor k detonaciji dóšło. Tam bě dotal njeznata substanca rozbuchnyła, kaž rěčnik policije zdźěli. Pozadki njejsu dotal znate. Nichtó so njezrani. Na domje kaž tež na susodnych twarjenjach wobškodźichu so wokna a durje, tež wjacore parkowace awta su wobškodźene. Nimo toho so wabjenski material zapali. Cyłkowna škoda njeje hišće zwěsćena. Medije tukaja na politisce motiwowany njeskutk, štož policija pruwuje. Krajny kriminalny zarjad je informowany. Policija je kónčinu zaraćiła a přepytowanja zahajiła. Tež wohnjowa wobora je zasadźena. Zastupowacy mininisterski prezident Sakskeje Martin Dulig (SPD) je nadpad na běrow AfD zasudźił. Za akciju njeje žaneje legitimacije, wón dźensa rano internetnje zdźěli. „Namóc njesłuša k srědkam demokratije. Přećiwo AfD měło so politisce wojować a nic z rozbuchlinu. Tutón nadpad pomha AfD a škodźi demokratiji“, Dulig piše.

dale čitać ...

Daty rozšěrjeli

pjatk, 04. januara 2019 spisane wot:
Berlin (dpa/SN). Masowe wozjewjenje sensibelnych datow politikarjow, stron a prominentnych zbudźa wulke rozhorjenje po cyłej Němskej. Po informacijach rozhłosa RBB běchu dotal njeznaći wulke mnóstwa wosobinskich datow a dokumentow stow politikarjow w interneće rozšěrjeli. Potrjechene su wšitke strony nimo AfD. Do zjawnosće dóstali pak su so tež daty hudźbnych skupin, moderatorow a žurnalistow. K woporam słuša zwjazkowy prezident Frank-Walter Steinmeier. Nawodnistwa stron a frakcijow so mjeztym z naležnosću zaběraja. Pozadki akcije njejsu dotal znate.

dale čitać ...

Žane nowe stawki

pjatk, 04. januara 2019 spisane wot:
Frankfurt n. M. (dpa/SN). Pasažěrojo Němskeje železnicy njetrjebaja so přichodne lěta stawkow personala bojeć. Po dojednanju z dźěłarnistwom EVG je so železnica nětko tež z dźěłarnistwom GdL dojednała. Wobě stronje stej dźensa w Frankfurće nad Mohanom dołhodobne tarifowe zrěčenje hač do kónca februara 2021 wotzamknyłoj. Něhdźe 36 000 sobudźěłaćerjow železniskeho personala dóstanje w dwěmaj schodźenkomaj cyłkownje 6,1 procent wjace mzdy a jónkrótnje tysac eurow. Nimo toho dojednachu so w prašenju dźěłoweho časa a přestawkow.

dale čitać ...

To a tamne (04.01.19)

pjatk, 04. januara 2019 spisane wot:

W drjewjanym sudźe Atlantik přeprěčić chce 71lětny Jean-Jacques Savin z Francoskeje. Tydźenja je so dyrdomdejnik z Kanariskich kupow na puć podał. Tři metry wysoke žołmy jeho nuzuja připasany spać, kaž na Facebooku piše. Tři metry dołhi a dwaj metraj šěroki sud je kaž bydlenčko­ zarjadowany. Dźakowano satelitowemu systemej GPS móže kóždy jězbu 71lětneho w interneće sćěhować. Za tři měsacy chce wón Karibiku docpěć.

Jeničku winicu Hamburga chcedźa wotstronić. Kaž rěčnik města zdźěli, ma so tak po 24 lětach plahowanje wina zakónčić. Hłowna přičina toho su twarske dźěła w zwisku z rozšěrjenjom přistawa. Winicu­ běchu 1995 z połsta winowymi pjenkami wutworili, kotrež běchu Stuttgartscy winicarjo Hamburgej darili. Nadźěłane wino bě město wuzwolenym hosćom jako wosebitostku dariło.

dale čitać ...

Za lěpšu mobilnu syć

štwórtk, 03. januara 2019 spisane wot:

Berlin (dpa/SN). W diskusiji wo špatnej mobilnotelefonowej syći w Němskej so wjacori čłonojo wulkeje koalicije za to zasadźeja, problem ze stron stata rozrisać. „Chcemy mócnu ofensiwu z nowej statnej infrastrukturnej towaršnosću zahajić. Hdźež wutwar syće njefunguje, tam měł stat přichodnje mobilnoškričkowe sćežory nastajeć“, rjekny šef krajneje skupiny CSU Alexander Dobrindt. Němska měła najmodernišu syć swěta měć.

Zapósłancy CSU w klawsurje

Seeon (dpa/SN). Z narěčemi Horsta Seehofera, Markusa Södera a šefa krajneje skupiny Alexandera Dobrindta je so dźensa w bayerskim Seeonje klawsura zapósłancow CSU w zwjazkowym sejmje zahajiła. Nimo­ politiskeju rozprawow Seehofera a jeho naslědnika na čole strony, bayerskeho ministerskeho prezidenta Markusa Södera, wočakowachu nowu debatu wo tym, kak wobchadźeć z požadarjemi azyla, kotrymž wumjetuja kriminelne njeskutki. Nastork su namócnosće silwestersku nóc w Ambergu.

Demokraća nětko z wjetšinu

dale čitać ...

Ćežke rozbuchnjenje płuna w ruskim Magnitogorsku je sej po ...

štwórtk, 03. januara 2019 spisane wot:
Ćežke rozbuchnjenje płuna w ruskim Magnitogorsku je sej po najnowšich dopóznaćach znajmjeńša 37 smjertnych woporow žadało.­ Minjenu nóc su pomocnicy dalše ćěła z rozwalinow wućahnyli, medije rozprawjeja. Póndźelu bě so cyły zachod dźesaćposchodoweho domu ze sowjetskeho časa zwjezł. Magnitogorsk ma 400 000 wobydlerjow. Foto: dpa/Maksim Bogodwid

dale čitać ...

Strukturneje změny so njebojeć

štwórtk, 03. januara 2019 spisane wot:
Podstupim (dpa/SN). Z wida braniborskeho hospodarskeho ministra Jörga Steinbacha (SPD) njeměł sewjer zwjazkoweho kraja w debaće wo strukturnej změnje ćerpjeć. Najebać wjace angažementa krajneho knježerstwa, financne srědki Zwjazka we Łužicy zasadźeć, měłoj tež regionaj Prignitz a Uckermark wjetšu podpěru dóstać, rjekny Jörg Steinbach wčera rozhłosej RBB. „Wěrju, zo tež tu digita­lizacija a moderna datowa technika k tomu přinošujetej, zo so ludźo hižo bojeć­ njetrjebaja, zo swoje dźěłowe městno zhubja. To je woprawdźe opcija“, braniborski hospodarski minister wuzběhny. Regiony měli so hospodarskemu niwo­wej južneje Braniborskeje přiměrić. Wona je tuchwilu jako industrijny region wusměrjena.

dale čitać ...

Přepytuja njezbožo

štwórtk, 03. januara 2019 spisane wot:
Kopenhagen (dpa/SN). Po najhóršim njezbožu ćaha minjenych 30 lět w Danskej tam dale z wotmachom za přičinami pytaja. Dźensa chcychu znjezboženy wosobowy ćah a wobdźěleny nakładny ćah wotwlec, kaž zamołwići zdźěleja. Toho­runja dźensa wočakowachu informacije k identiće­ smjertnych woporow. Wčera rano bě wosobowy ćah ze 131 pasažěrami na mórskim mosće znjezbožił, kotryž danskej kupje Fünen a Sjælland zwjazuje. Za čas njezboža tam chětro wichorješe. Dotal z toho wuchadźeja, zo je prózdny připowěšak nakładneho awta z napřećo přijěduceho nakładneho ćaha padnył a katastrofu zawinował. Wosom pasažěrow při njezbožu zemrě, 16 so zrani.

dale čitać ...
strona 449 wot 571

Chróšćan Šulerjo

e-paper-wudaće:14.11.2025

Dwurěčnosć ma normalita być

dźěłowe městna w LND

aktualne wupisanja

nowostki LND

Nowe poskitki knihow LND namakaće w lětušim wudaću Nowinkarja!

Nowinkar 2025