Wjace atomarnych brónjow
NATO chce wjace bombow USA w Europje zaměstnić
Brüssel (dpa/SN). Dokelž z Ruskeje dźeń a wjetši strach hrozy, chce NATO swoje nuklearne kapacity rozšěrić. Powěsćernja dpa je při rešeršach wuslědźiła, zo drje je jedna z móžnych opcijow, zo dalše atomowe brónje z USA w Europje zaměstnja. Eksperća měnja, zo su USA snano hižo bomby typa B61-12 do Wulkeje Britaniskeje na lětarsku bazu Lakenheath dowjezli. Jeli so situacija dale přiwótřa, móhli bomby tež w Pólskej, Finskej a Litawskej stacionować. Tuchwilu planuja z atomarnymi brónjemi, kotrež njejsu strategiske. Tute zasadźuja na přikład za bombardowanje regimentow njepřećela, lětanišćow, přistawow, komandowych centralow a druheje wojerskeje infrastruktury. Hinak hač strategiske atomowe brónje nimaja tele bomby hižo tajku wulku móc. Njestrategiske brónje transportuja z lětadłami abo raketami, kotrež hižo tak daloko lećeć njemóža.
To a tamne (31.07.26)
Na swojorazny spektakl so ludźo lěto wob lěto we Wótšowcu (Bischdorf) blisko Lubnjowa zetkawaja: Z kolesami jědu po wuskich deskach přez wjesny hat. Jězdnja je při tym jenož 15 centimetrow šěroka, rozprawja organizator Fritz Heinze. Na wšěch 35 entuziastow so kóžde lěto wubědźuje. Najwjace z nich padnje znajmjeńša jónu ze swojim kołom do wody. Dotal běchu so stajnje jenož mužojo na tym wobdźělili. Lětsa pak je prěni raz tež žona mjez „sportowcami“. Na wšěch 1 500 hosći wočakuja we wjesce z něhdźe 200 wobydlerjemi.
Na wšěch 450 000 ludźi bě wustajeńcu sławneje japanskeje wuměłče Yayoi Kusama w Kölnskim muzeju Ludwig wopytało. Tole je w stawiznach doma najwuspěšniša wustajeńca wšěch časow. Hač do njedźele pisane twórby molerki hišće pokazuja.
„Cyłkownje optimistisce do přichoda zhladuju“
Interview ze Serbskim superintendentom n. w. a bywšim předsydu Maćicy Serbskeje Janom Malinkom
Składnostnje 70. narodnin Jana Malinka dźensa je so Marcel Brauman ze Serbskim superintendentom na wuměnku wo jeho widźe na wšelake načasne bytostne prašenja serbskeho ludu a towaršnosće w Němskej rozmołwjał. Runja mnohim ludźom zbliska a zdaloka gratuluje tež redakcija našeho wječornika jubilarej ke kulojtym narodninam a přeje jemu do přichoda bohate Bože žohnowanje, krutu strowotu a dale spomóžne skutki we winicy Knjezowej. Zdobom so dźakujemy jemu tež w mjenje čitarstwa za wjelelětne dobre zhromadne dźěło.
Sće so do wulkeje swójby narodźił a sam nan wulkeje swójby. W zjawnosći Was skerje jako intelektualneho duchowneho widźimy. Kotru rólu wulkoswójba we Wašim žiwjenju hraje?
Kandidatury njedowola
Hannover (dpa/SN). W Nižosakskej su znajmjeńša štyrjoch politikarjow AfD wot wólbow do nawjedowacych funkcijow w komunach wuzamknyli. Naposledk njedowoli wólbny wuběrk wokrjesa Lüneburg wicepředsydu krajneho zwjazka AfD Stephana Botheho jako kandidata za zastojnstwo krajneho rady. Swój rozsud wopodstatnichu z tym, zo dyrbjeli kandidaća za zastojnstwo dopokazać, zo so za swobodu a demokratiju zasadźuja. AfD chce přećiwo rozsudam skoržić.
Pjeć procentow ma wostać
Berlin (dpa/SN). Wicepředsyda frakcije Unije w zwjazkowym sejmje Günter Krings wotpokazuje žadanje, při wólbach mjezu pjeć procentow za strony znižić. „Toho měli so wzdać“, rjekny wón Redakciskej syći Němska (RND). „Runje dźensa trjebamy wjac, nic mjenje stability w parlamentariskim dźěle. Hdyž mjezu pjeć procentow při wólbach znižimy, budźe hišće ćešo, knježerstwo wutworić“, wón doda.
W Francoskej so dešćowało
Tole wone potajkim su – někotre z namjetow za nowy design ...
Apeluja na knježerstwo
Dotal nimale 10 000 mortwych
Horcoty dla přisadźichu tysacy ludźi swoje žiwjenje
Berlin (dpa/SN). Institut Roberta Kocha (RKI) trochuje, zo je lětsa hižo nimale 10 000 ludźi po cyłej Němskej horcoty dla zemrěło. Ličba smjertnych padow, kotruž su wysoke temperatury zawinili, bě hač do 19. julija na 9 800 stupała, zdźěla RKI w swojej tydźenskej rozprawje wo smjertnosći horcoty dla. Tole je wjace mortwych hač we wšěch lětach po 2016. Najwjace mortwych horcoty dla zličichu w zašłych dźesać lětach w lěće 2018, jako wysokich temperaturow dla w běhu lěta 9 000 ludźi zemrě.
5 000 ludźi bě lětsa swoje žiwjenje w horcych dnjach w druhej połojcy junija přisadźiło. Tehdy běchu temperatury po cyłej Němskej nad 40 stopnjemi stupali. Wot spočatka apryla hač do 12. julija trochuje RKI ličbu smjertnych woporow na 7 900. W tydźenju wot 13. do 19. julija bě jich hišće raz 1 900 wjace.
Wysoke temperatury su wosebje za staršich ludźi strašne. Lětsa bě 5 420 smjertnych woporow z najstaršeje starobneje skupiny nad 85 lětami. Zdźěla ludźo bjezposrědnje horcoty dla zemrěja, často pak je kombinacija horcoty a hižo znatych chorosćow přičina smjerće, rěka z RKI.
