Dotalne wuskutki wójny w Iranje su ­wočiwidne – po wšěm swěće je wolijowa a płunowa kriza, dokelž Iran Hormuski přeliw blokuje, hdźež dyrbja łódźe čakać, zo so situacija polěpši. Na wikach faluje wjac hač dwaceći procentow suro­wiznow, njestupaja jenož płaćizny bencina a diesela, ale tež plasty abo hnojidłow, kotrež so z wolija produkuja.

To je najwjetša tajka kriza stawiznow, wona je wjetša hač w 1970tych lětach. W někotrych statach Azije wolij cyle faluje a jich hospodarstwo je zlemjene. Mjez druhim wukazuja staty štyridnjowski dźěłowy tydźeń, začinja zawody a bencin jenož na přidźělenki poskićuja. Situacija je hórša hač w času korony. Ratarjo na Filipinach na polach ničo njewusywaja a ludźo dyrbja jedyn dźeń wob tydźeń wot doma dźěłać. W Thailandskej poručeja ludźom so mjenje zwoblěkać, zo ­njebychu klimatizaciju wužiwać trjebali. W indiskim Mumbaiju su pjećinu hotelow a hosćencow zawrěli. Wšudźe čorne wikowanje z wolijom přiběra.

Serbske Nowiny wudawaja so w Domowina-Verlag GmbH Ludowym nakładnistwje Domowina 

Jednaćel: Syman Pětr Cyž

Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.

Šefredaktor a zamołwity redaktor w zmysle

nowinarskeho zakonja: Marcel Brauman 577 232/233 Wyša redaktorka: Bianka Šeferowa 577 230

tel.: 03591 577 232 faks: 03591 577 202 e-mail:  www.serbske-nowiny.de

Adresa redakcije a nakładnistwa: Sukelnska 27, 02625 Budyšin

Adresse der Redaktion und des Verlages: Tuchmacherstraße 27, 02625 Bautzen

Serwis za abonentow: 577 263

Předań nawěškow: Jadwiga Šołćic 577 266 e-mail:

Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory

Vertriebskennzeichen: 2 B 2560 B

Socialistiska nowina nd (hač do 2022 Neues Deutschland) wot wčerawšeho hižo wšědny dźeń w ćišćanej formje njewuchadźa. Jenož kónctydźenske wudaće so hišće na papjerje produkuje. Něhdyši centralny organ SED (wot 1946) měješe 1989 hišće 1,2 milionaj abonentow, ­tuchwilu je jich 12 000. Wudawaćel je nd.drustwo. Wutoru su so z titulom „Tschüss Papier, HALLO PIXEL“ ze wšědnym ćišćanym wudaćom rozžohnowali.

Tři hodźiny w sněze za psom pytali su pomocnicy hórskeje słužby njedaloko Berchtesgadena. Na kóncu móžachu zwěrjo njezranjene zaso jeho wobsedźerce přepodać. Wona bě ze sněhakami ze swojim złotym labradorom na zasněženych horach po puću, jako so pos z nahłeje skały do hłubiny suny. Žona njemóžeše jeho hižo namakać, tuž zawoła hórsku słužbu na pomoc.

Serbska měrowa iniciatiwa so w Budyšinje skonstituowała

Budyšin (at/SN). W Serbach pomhać mysl měra šěrić, to chce Serbska měrowa iniciatiwa. Wona je so póndźelu, 30. měrca w Serbskim ludowym ansamblu wu­tworiła. Dwanatk ludźi, Serbja a Němcaj z Hornjeje a Delnjeje Łužicy, so z hosćom Gerhardom Emilom Fuchsom-Kittowskim, prezidentom Němskeje měroweje rady z.t. z Berlina, wo tym wuměni.

Wuchadźišćo za dalše rozmyslowanje wo měrje leži dwě lěće wróćo. „Tehdy su so serbske wosobiny na iniciatiwu Marka Sucheho na prezidentow Ruskeje federacije a Ukrainy z namołwu wobroćili, zo by so wójna w Ukrainje tak spěšnje kaž móžno zakónčiła“, Hajko Kozel podšmórny. Mało je so po tym stało. Je na času, sej nadawki měroweje politiki w Serbach wuwědomić. Wona akcija najmjeńšeho słowjanskeho ludu za kónc bratrowskeje wójny je Fuchsa-Kittowskeho přewšo jima­ła. „Jeničce tale symbolowa politika fascinuje. Móžemy wot was něšto nawuknyć“, wón přizna.