Budyšin (SN/bn). Pod nadpismom „Krajina wutroby – basnje wo Serbach“ staj Smolerjec kniharnja a čěske Towarstwo přećelow Serbow (SPL) wčera dwójnu knižnu prezentaciju w Budyšinje wuhotowałoj. Najprjedy předstaji Milan Hrabal něhdźe 50 zajimcam w kopatym połnym předawanišću swoju nowu zběrku poezije „Domluvená šifra“, wopřijimacu 40 mjez druhim Benediktej Dyrlichej, Hance Krawcec a Benej Budarjej wěnowanych basnjow. Na to čitaše Ondřej Šrámek wurězk ze swojeho přełožka libreta spě­wohry „Wodźan“ Handrija Dučmana, ­wudateho runja Hrabalowej zběrce jako ­publikacija rjadu „Łužickosrbská poezije“.

Hraja wo postupDruhe wolejbulowe mustwo muži sportoweho towarstwa Viktorije Worklecy hraje jutře wot dopołdnja dźesaćich wo postup z wokrjesneje na wobwodnu runinu. Načolnik wokrjesneje klasy stafla sewjer ma hišće tři zbywace hry. Hrać budu w sportowej hali Léona Foucaultoweho gymnazija.Kopańca kónc tydźenjaW Ralbicach a tež w Chrósćicach přewjedźetej so njedźelu hnydom dwě hrě. Brizantny wokrjesny derby Budyšin – Rakecy změja jutře w měsće. Wobaj cyłkaj stejitaj z 30 dypkami jedyn ličak wyše zestupneje smužki.04.05.  15:00  Póst Germania Budyšin     – Rakečanske ST04.05.  15:00  TSV Wachau –  ST Radwor05.05.  12:30  SJ Chrósćicy II –  TSV Wjernarjecy05.05.  12:30  HZ Ralbicy II / Pančicy II   – HZ Běła/Cunnersdorf/    Němske Pazlicy III05.05.  14:00  Budissa Budyšin –  FC Grimma05.05.  15:00  SJ Njebjelčicy –  Njeswačidło05.05.  15:00  SJ Chrósćicy –  Módro-běli Zschachwitz05.05.  15:00  SG Großnaundorf –  Módro-běli Kulow05.05.  15:00  Sokoł Ralbicy/Hórki –  ST Horni kraj-SprjewjaKć ...

TDrogi, lubosć a italska hudźba młodźinapjatk, 3. Meje 2024SERBSKE NOWINY – KÓNCTYDŹENSKA PŘIŁOHAankownja na jewišću ma swój najlěpši čas za sobu. Wšo je stare, wšo někak zerzawe. ­Sudy za wolij a bencin su ze­zer­zawjene. Wšelaki čapor so wšu­dźe wala: šalki, graty ... Nade wšěm: ­cunje swětło ranja, słónčko schadźa. Setting lětušeho krucha činohrajneho studija Němsko-Serbskeho ludoweho dźiwadła skutkuje kaž apokalypsa ­moderny. Mjez zańdźenosću a přicho­dom bydli Erla. Wona je wjesoła, na prěni pohlad znajmjeńša. W pozdat­nje ženje pochmurjenej holcy, ko­truž Bernadet Šnajdrec předsta­ja, pak tči ćmowši charakter. W ži­wjenju je hižo někotružkuli traw­mu dožiwiła. Najwjetša bě, zo je ju mać wopušćiła. Nětko bydli Erla w něhdyšej tankowni; sama, wosamotnjena, tola na­dźi­ju njespušćejo. Do Italskeje, do Nea­pela by chcyła, to je jeje són.

Na campusu uniwersity w New-Yorkskim měšćanskim dźělu Manhattan su studenća minjene dny stawkowali, žadajo sej swobodu za Palestinu, skónčenje morjenja w Gazaskim pasmje a zastajenje kóždeježkuli podpěry ameriskeho knježerstwa za Israel. Uniwersita hrožeše stawkowacym z disciplinariskimi konsekwencami hač k eksmatrikulaciji. Najebać to su studenća swoje akcije po cyłej USA dale wjedli. Policija je New-Yorkski camp mjeztym rozpušćiła a 300 studentow zajała. Foto: Trudla Malinkowa

Něhdy čiła nabožnosćBukecy. Kulturnohistoriski muzej w Bukecach je zajutřišim, njedźelu, z hosćićelom přednoška dr. Lubiny Malinkoweje. Pod nadpismom „Pobožni, prědarjo a profetojo – Nabožne njeměry w Bukečanskej wosadźe w 18. a 19. lětstotku“ chce stawiznarka Serbskeho instituta tehdyše „čiłe zwonkacyrkwinske nabožne žiwjenje w narańšich Serbach“ wobswětlić. Zdarma přistupne zarjadowanje započnje so w 15 hodź.Dujerjo w njewšědnej wobsadceBudyšin. Skupina Brass Band Sachsen, ze swojimi 25 blachowymi dujerjemi a třomi bijadłami drje jónkrótna w Sakskej, słuša k najbóle profilowanym cyłkam swojeho razu w Němskej. Zajutřišim, njedźelu, koncertuje pod hesłom „O Magnum mysterium“ w Budyskej Marje-Marćinej cyrkwi. Program wopři­jima wobdźěłanja sławnych cyrkwinskohudźbnych kruchow a započnje so w 15 hodź., zastup je darmotny.Nalětni koncert

Pućować a při tym serbować bě njedawno pozadk nalětnjeho pućowanja wokoło Njeswačanskich hatow, kotrež organizowaše rěčna motiwatorka projekta ZARI Raphaela Wićazowa. Z projektowej koordinatorku Njeswačanskeje přirodoškitneje stacije Madlenu Mičkec podachu so wobdźělnicy na šěsć kilometrow dołhi puć. W přestawkach zhonichu woni wjele zajimaweho z přirody, wosebje njeznate serbske pomjenowanja rostlin a zwěrjatow. Při zakónčenju w Njeswačanskim hosćencu běchu sej wšitcy přezjedni, zo měli so tajke serbske poskitki prawidłownje přewjedować. Foto: Raphaela Wićazowa

Marcel Brauman„Rewolucija swoje dźěći žerje“ – hrónčko płaći tež za digitalnu rewoluciju. Nimale wšitcy drje po šmóratku šmóraja, tola: Štó zamóže hišće tři sady porjadnje pisać? Starši, kotřiž zažnemu přistupej dźěći do swěta šmóratka zadźěwaja, su domjacym nadawkam digitalizowaneje šule druhdy hižo na puću. A hdyž budźe posledni stary nopašk poslednjeje domizniskeje stwy w digitalnym rowje pochowany, budźemy widźeć: Serbske žiwjenje z toho njeschadźa. Sćěhuješ dźěłarnički digitalizacije, hdźež maja zajimcy „so wuspytać“, maš zaćišć, zo je třihanje sekwencow so hibacych pisanych wobrazow dźensniši dźeń „klučowa kompetenca“.

Na 20 lět čłonstwa w Europskej uniji Pólska pozitiwnje zhladujeWaršawa. 20. róčnica přistupa k Europskej uniji je Pólskej přičina wulkeho wjesela a mnohich swjedźenjow. Kraj bě 1. meje 2004 z dźewjeć dalšimi Europskej uniji přistupił. Wot toho časa dožiwja Pólska hospodarske wuwiće, kotrež je wočiwidne. Wona słuša k tym čłonam zhromadźenstwa statow, kotrež maja najwjetše pjenježne lěpšiny: Lěta 2022 bě kraj 5,8 miliardow eurow do fondsa EU płaćił, sam pak 12,5 miliardow eurow wuzbytkował. Měješe-li na přikład lěta 2004 runje 725 kilometrow awtodróhi, je jich dźensa 5 116 kilometrow.