Wyša šula „Korla Awgust Kocor“ Kulow
rjadownja 10b: Jessica Buchheim, Lena Günther, Alina Klose, Michelle ...
rjadownja 9HS: Lina Frenzel, Jolina Klinge, Justine Schiemenz, ...
Dźěći přežiwjeja rjane dny z LIPU
Porjedźenka
Dwurěčnosć je kubłanišću najwažniša
Radworska šula „Dr. Marja Grólmusec“ bu 1926 jako wjesna šula załožena, do kotrejež přewažnje dźěći serbskeho pochada chodźachu. W samsnym šulskim twarjenju wuknjechu mjeztym generacije dźěći z Radworja a wokoliny. Wot časa politiskeho přewróta je Brigita Grundmannowa zakładnu šulu nawjedowała a bu kónc šulskeho lěta 2016/2017 na wuměnk rozžohnowana. Jeje najlubše městno na šuli bě mjez dźěćimi.
Na Radworskej zakładnej šuli skutkowaše minjene šulske lěto 15 wučerkow. A wuknyło je tam 168 dźěći 1. do 4. lětnika, mjez nimi mnohe z němskorěčnym pozadkom. Wšitke pak su so na wučbje serbšćiny wobdźělili. „Prócujemy so wšitkich šulerjow we woběmaj rěčomaj derje kubłać. To je naš prěni zaměr. Dokelž maja šulerjo wšelake wuměnjenja je wažne wědźeć zo něšto wosebje derje móža. Tak je ‚šula pod słóncom‘, hesło našeho dźěła“, Brigita Grundmannowa wuzběhnje.
Koncepciju 2plus zwoprawdźić
Nowa hotline požadarjam
Drježdźany (SN/JaW). Sakska kubłanska agentura (SAB) poskića ze swojimi regionalnymi wotnožkami wot dźensnišeho wšitkim požadarjam wo wučerske městno w Sakskej nowy serwis. We wšěch wotnožkach maja wot dźensnišeho serwisowu hotline, piše sakske ministerstwo za kultus w nowinskej zdźělence. „Tam poradźuja fachowcy SAB zajimcow w prašenjach k požadanju a přistajenju w sakskim šulstwje kaž tež wo zwoprawdźenju paketa wučerskich naprawow“, kaž z ministerstwa rěka. Telefoniske poradźowanje poskićeja w Budyskej wotnožce kubłanskeje agentury pod čisłom 0160/984 77 525 stajnje wot póndźele do pjatka wot 8 do 17 hodź. Kaž kultusowe ministerstwo dale zdźěla, móža zajimcy za wučerstwo swoje prašenja k požadanju a paketej wučerskich naprawow tež pod e-mailowej adresu wotbyć.
Ministerstwo kroči njewšědny puć, zo by wo wučerjow wabiło. Bě dźě so wjele mjenje zajimcow přizjewiło, hač su k zaručenju wučby na šulach trěbni.
Pisany kwěćel dźěćaceje zabawy
Chrósćicy (SN/BŠe). „W kraju wjesołych dźěći“ bě hesło sobotneho popołdnišeho programa na Chróšćanskim Krawčikec dworje. Najmłódši sobuskutkowacy folklorneho festiwala wjedźechu přihladowarjow do wosebiteho paradiza, tworjo skónčnje pisany kwěćel dźěćaceje zabawy. Program zahajił bě dorost Smjerdźečanskeje rejwanskeje skupiny. Delnjoserbski dźěćacy a młodźinski ansambl přednjese skerje cunje zynki. Tři rejwarki z Delnjeje Łužicy pak překwapichu z modernym breakdancom.
