Policija (30.05.18)
Po njezbožu w chorowni zemrěła
Běła Woda. Při wobchadnym njezbožu wčera popołdnju w Běłej Wodźe je so 90lětna žona tak ćežko zraniła, zo pozdźišo zemrě. Jako chcyše dróhu přeprěčić, zajědźe 53lětna z Mitsubishijom do njeje. Starušku, kotraž poćerpje ćežke zranjenja na hłowje, dowjezechu do chorownje, hdźež wona wudycha.
Serbski napis za radnu žurlu
Dobry zaměr zwoprawdźić njeje scyła tak jednore
Budyšin (CK/SN). Štóž do Budyskeje radneje žurle zastupi, je wo zelenym wjelbowanym wjerchu zahorjeny. Mikrofony na wulkim blidźe za 20 wosobow su za čłonow wuběrkow, přirady za měšćanske wuwiće a serbskeho dźěłoweho kruha měšćanskeje rady hišće njezwučene. Do historiskeho twarjenja je moderna konferencna technika zaćahnyła. Šěsć měsacow su žurlu restawrowali, mjeztym ju zaso wužiwaja. Wyši měšćanosta Alexander Ahrens (SPD) pak měni, zo wona hišće hotowa njeje.
Hnydom tři jubileje su minjeny kónc tydźenja w gmejnje Halštrowska ...
Młodźina so za serbske reje hori
Salow/Serbske Pazlicy (SN/bl). Po tym zo běchu w mnohich wsach hižo serbski mejski nałožk pěstowali, padnychu minjeny kónc tydźenja mnohe dalše meje, tak w Róžeńće, Ralbicach, Njebjelčicach, Worklecach, Nuknicy a w Sernjanach. Sobotu wječor su meju tež w Salowje powalili. Dohromady wosom porow ćehnješe na nawjes, hdźež wjesnjanow a hosći witachu. W miłym wječornym wětřiku so fale a suknje Salowskich holcow w narodnej drasće jenož tak kolebachu. Na akordeonje hraješe Maćij Šołta z Pančic-Kukowa znate serbske štučki, kotrež wšitcy mócnje sobu spěwachu a ke kotrymž młodźina rejwaše. Jako prěni hrabny za wjerškom Titus Žur z Róžanta, kiž wuzwoli sej za kralownu Salowčanku Hanneloru Schneider. Z wulkim wěncom, witym z dubowych łopjenow, zaćahny mejski porik do swjedźenskeho stana, hdźež rejwachu „kralowski walčik“. Ze stana zaklinčachu serbske a němske spěwy, kotrež akordeonist z prawej hudźbnej žiłku přewodźeše. K rejam pipiskaše wjesny DJ, tak zo w Salowje při wjesnym haće hač do zerjow swjećachu.
Zelenina město syrotkow w měsće
Zwěrjata z wodu derje zastarane
Potrjecheni chcedźa škitny nasyp
Gmejna Trjebin liči z wjetšimi poćeženjemi hary a procha Wochožanskeje brunicoweje jamy dla. Potrjecheni na jeje kromje, předewšěm na Lěsnym puću w Trjebinje a Trjebinku – trjebaja nuznje skutkowne škitne naprawy. To je wuslědk wčerawšeje wobydlerskeje zhromadźizny w hosćencu „Kastanijowy dwór“.
Trjebin (AK/SN). „Namjetuju přezcyłny a skutkowny škitny nasyp za potrjechenych w Trjebinku. Tón móhł wobydlerjow při Lěsnym puću wolóžić“, měnješe wčera wjesnjanosta gmejny Trjebina Waldemar Locke (CDU) na wobydlerskej zhromadźiznje. „Jeničce 300 metrow wotstawka wot kromy jamy k prěnim twarjenjam njesměmy sej lubić dać. Tu mamy nuznje swoje domjace nadawki spjelnić.“
Krótkopowěsće (30.05.18)
Trjebaja dźěłowe mocy
Budyšin. We wuchodnej Sakskej bě w meji 19 300 bjezdźěłnych, to je 784 ludźi (-3,9 procentow) mjenje hač w měsacu do toho. Wosebje firmy z twarstwa a wobchadnistwa su minjene tydźenje mnohe wosoby přistajili. Naprašowanje za dźěłowymi mocami je w meji přiběrało, zdźěli dźensa Thomas Berndt, předsyda jednaćelstwa Budyskeje agentury za dźěło. Aktualna bjezdźěłnostna kwota w regionje wučinja 6,8 procentow.
Zběhanku swjećili
Drježdźany. Nimale po jednym lěće twarskeho časa swjećachu wčera zběhanku noweho kubłanskeho centruma Drježdźanskeje rjemjeslniskeje komory. Na 7 300 kwadratnych metrach nastanu w sakskej stolicy moderne dźěłarnje za wukubłanske wobłuki twarskeje/skowanskeje techniki a metalotwara. 40 milionow eurow ma nowotwar płaćić.
Prawidłowne zwiski zachować
Načasna reja k mejemjetanju
Policija (29.05.18)
Sobu swjećić chcył
Klětno. Na priwatny swjedźeń w Klětnjanskim klubje chcyše zawčerawšim rano 14lětny sebje samoho přeprosyć. Po tym zo běchu jeho napominali so zminyć, započa młodostny z nožom wokoło so machać a je při tym hosća snadnje zranił. Policija 14lětneho pozdźišo w bliskosći lepi a naměri pola njeho 0,7 promilow alkohola w kreji.
