Nakup w swětle swěčkow

Donnerstag, 29. Oktober 2015 geschrieben von:

Budyšin (CK/SN). 13. raz wotměje so sobotu 7. nowembra, Budyska Romantica, hdyž móžeš hač do 22 hodź. w swětle swěčkow nakupować. Z toho nimaja jenož wobydlerjo a hosćo profitować, ale tež wobchodnicy w nutřkownym měsće, rjekny nowy wyši měšćanosta Alexander Ahrens (njestronjan) na předstajenju programa. Tón wopřijimuje po słowach noweje citymanagerki Gunhild Mimus někotre nowosće, kotrež budu „młódše a wótřiše“. Přiwšěm matej w srjedźišću wikowanje a předawanje stać, „zo njebychu ludźo jenož wot wobchoda k wobchodej ćahali a so zabawjeć dali“.

Policija (29.10.15)

Donnerstag, 29. Oktober 2015 geschrieben von:

Kača Korčma. Njerjany kónc měješe zawčerawšim wječor jězba 51lětneho wodźerja awta marki Volvo na wokrjesnej dróze z Kačeje Korčmy do Komorowa. Z dotal nje­znateje přičiny zhubi wón krótko před Komorowom w prawej křiwicy kontrolu nad wodźidłom a zrazy do wobhrodźenja mosta nad hrjebju Kejžorskeho hata. Při tym so wobhrodźenje mosta dospołnje wottorhny. Kaž policija informuje, so muž njezrani, wěcna škoda pak je z 15 000 eurami dosć wulka. Specialna firma dósta nadawk, prowizoriske wobhrodźenje připrawić, zo njeby tam k dalšim njezbožam dóšło.

Ćěkancy so na wiki njewuskutkuja

Donnerstag, 29. Oktober 2015 geschrieben von:

Tak kaž po wšej Němskej tež ličba bjezdźěłnych we wuchodnej Sakskej dale woteběra. A tele wuwiće nima dawno jenož demografiske přičiny, kaž dźensa zdźělichu.

Budyšin (CK/SN). Złoćane kaž winowc pokazuja so dźěłowe wiki wuchodneje Sakskeje. Tole zwěsći dźensa šef Budy­skeje agentury za dźěło Thomas Berndt. „Zo ličba bjezdźěłnych w tymle wobjimje dale woteběra, njebě takle wotwidźomne“, wón rjekny. W oktobrje registrowachu 25 041 žonow a muži bjez dźěłoweho městna, 2 031 mjenje hač w samsnym času lońšeho lěta. Hinak pak hač dźěłowej agenturje často wumjetuja, nima­ tele wuwiće jeničce demografiske přičiny, potajkim zo so wjace ludźi na wuměnk­ poda. Tuchwilu móže agentura 3 324 swobodnych dźěłowych městnow z winowatostnym socialnym zawěsćenjom poskićeć, z toho je jeničce­ w oktobrje 938 k tomu přišło.

Přijomne wuměnjenja za medicinarjow a pacientow

Mittwoch, 28. Oktober 2015 geschrieben von:

Budyšin (SN/JK). W přitomnosći wosobinow zjawneho a politiskeho žiwjenja Budyskeho wokrjesa a Sakskeje su dźensa dopołdnja třeći twarski wotrězk nowo­twara Budyskeje chorownje Hornjołužiskich klinikow tzwr wjatočnje přepodali. Cyłkownje nałoženych 42 milionow eurow (z toho 25 milionow z fondsa Swobodneho stata Sakskeje) je po słowach jednaćela Reinera E. Rogowskeho na dobro pacientow kaž tež medicinskeho a zastaranskeho personala daloko přez mjezy wokrjesa znateje chorownje. „Dźěłamy za to, zo su pacienća a wšitcy medicinskeje pomocy potrěbni stajnje derje zastarani“, wón wuzběhny.

Swoje wjeselo a dźakownosć za nowe dźěłowe wuměnjenja zwurazništaj šeflěkarka noweje žonjaceje a porodneje kliniki dr. Petra Bießlich kaž tež šeflěkar dźěćaceje a młodźinskeje kliniki dr. Ulf Winkler. We woběmaj klinikomaj běchu minjene lěta načasne medicinske móžnosće parowali. Z nowotwarom móža nětko pacientow, wosebje młode maćerje, dźěći a młodostnych z načasnymi naprawami pod přijomnymi wuměnjenjemi zastarać, lěkować a hladać.

Hač do klětušeho 800 ćěkancow

Mittwoch, 28. Oktober 2015 geschrieben von:

Wojerecy (AK/SN). Wobydlerski zwjazk Wojerecy pomhaja z wutrobu wukonja intensiwne, angažowane a konstruktiwne dźěło za integraciju ćěkancow w měsće. „Bjez tohole bytostneho stołpa čłowjeskeje pomocy by špatnje wupadało. Wokrjes ma jenož wobmjezowane móžnosće“, podšmórny nawoda Budyskeho wokrjesneho zarjada za wukrajnikow Lars Eibisch na wčerawšim posedźenju Wojerowskeje měšćanskeje rady. Wón chwaleše zhromadne dźěło mnohich partnerow w syći a jich mnohostronske skutkowanje. „Zo ludźo na wobydlerskej zhromadźiznje stanu a so tež w přitomnosći prawicarjow k pomocy za wukrajnikow wuznaja, dožiwjam jako něšto jara pozitiwne. To je dobry zakład“, Eibisch wuzběhny.

Krótkopowěsće (28.10.15)

Mittwoch, 28. Oktober 2015 geschrieben von:

Myto za Kamjenski projekt

Torgau. Sakski nutřkowny minister Markus Ulbig (CDU) je dźensa w Torgauwje składnostnje wuhódnoćenja wubědźowanja „Do srjedźa! City-ofensiwa Sakska lěta 2015“ projekt města Kamjenca „Nowe stare město – čerstwy wětřik w starych murjach“ z připóznawanskim mytom 5 000 eurow wuznamjenił. Wubědźowanje bě lětsa dwanaty raz.

Wjace Čechow w „getach“

Praha. Po zdźělenju Radeka Jiráneka, direktora Agentury za socialnu integraciju, je w Čěskej republice wokomiknje dwójce telko „socialnje wuzamknjenych getow“ kaž w lěće 2006. Aktualnje jedna so wo 600 městnow ze 115 000 wobydlerjemi, wosebje romaskeje narodnosće. Najwjace „getow chudoby“ je w sewjernej Čěskej a wokoło Ostravy.

Blatter rozsud wobžaruje

Zürich. Prezident swětoweho koparskeho zwjazka (FIFA) Joseph Blatter wobža­ruje, zo njeje po swětowych mišterstwach w lěću 2014 wotstupił. Tole rjekny wón ruskej powěsćerni Tass. Zastupnicy wjacorych kontinentalnych zwjazkow běchu jeho pječa prosyli w zastojnstwje wostać, zo njeby so konstelacija mocy w zwjazku FIFA na jich njedobro změniła.

Policija (28.10.15)

Mittwoch, 28. Oktober 2015 geschrieben von:

Rušica. Kedźbliwy přichodny syn je minjene dny w Rušicy (Rauschwitz) pola Halštrowa sobudźěłaćerce hladanskeje słužby dopokazał, zo je padušnica. Dokelž běchu so z bydlenja jeho přichod­neju staršeju po wšěm zdaću stajnje zaso pjenjezy zhubjeli, nastaji tam 58lětny tak mjenowane fotowe pasle. Na te wašnje wón padušnicu lepi, jako chcyše wona­ runje dalše pjenjezy spakosćić. 36lětna žona z hladanjom staršeju mandźelskeju direktnje ničo činić njeměješe, bě pak sej někak přistup do jeju by­dlenja wobstarała. W prěnjej rozrěči z přichodnym synom wobkradnjeneju wona njeskutki přizna a mjenowaše pjenježne starosće jako přičinu, zo je wjacore razy z mjenowaneho bydlenja pjenjezy brała. Po informacijach 58lětneho přichodneho syna je so tak kusk po kusku dohromady wjace hač 1 500 eurow zhubiło. Hdźe su pjenjezy wostali, njeje znate. Minjene dny je muž policiji tónle pad přizjewił a tež hnydom padušnicu prezentował.

Bywši šulerjo po 50 lětach so zetkali

Mittwoch, 28. Oktober 2015 geschrieben von:
50 lět po maturje na Serbskej rozšěrjenej wyši šuli w Małym Wjelkowje zetkachu so minjenu sobotu nimale wšitcy něhdyši šulerjo rjadownje, kotřiž su hišće žiwi, w Pančicach-Kukowje. Přeprosyli běchu sej tohorunja swojeju wučerjow Gerata Hrjehorja a Jakuba Brankačka. Po kofeju wopytachu pokładownju a klóštersku cyr­kej,­ štož zajimawe popołdnjo skulojći. Ke skupinskemu wobrazej zestupachu so wotlěwa Pětr Krječmar, Hinc Škoda, Achim Šliž, Pawoł Šěrak, Dietmar Cer, Michał Frencel, Jakub Brankačk, Jutta Perlitz rodź. Špankec, Ludwig Sachsa, Marko Vacek, Gerat Hrjehor, Michał Brězan, Marian Eifler, Jan Macka a Jurij Mahr. Foto: L. Sachsa

Křiže dokładnje přeslědźiła

Mittwoch, 28. Oktober 2015 geschrieben von:

Chrósćicy (aha/SN). Před dźesać lětami je sej předsydstwo župy „Michał Hórnik“ do swojeho lětneho dźěłoweho plana zapisało, přewjesć rozmołwu z wjesnymi chronikarjemi a znajerjemi wjesnych stawiznow­. Wot toho časa organizuja z nimi kóžde lěto prawidłownu wuměnu nazhonjenjow. Na wčerawše zetkanje w Chróšćanskim Krawčikec hosćencu móžeše ­mě­stožupanka Zala Cyžowa znowa­ horstku agilnych zběraćelow historiskich dokumentow witać. Wobšěrnje předstaji na zetkanju Trudla Kurin­gowa swoje akribiske slědźerske dźěło na temu ­„Nabožne narodne pomniki we Wotrowskej wo­sadźe“. Před lětomaj su so w předsyd­stwje dojednali a rozsudźili, zo pře­wozmje župa nošerstwo nad projektom. Kaž sej akademija w Freibergu žada, je Kuringowa, a to dwurěčnje, wšitke žadane komponenty, znosyła. Wone sahaja wot wopisanja křižow, modlerskich stołpow a kapałkow přez dokładne wuměrjenje wulkosće a šěrokosće pomnika hač k zapisanym lětoličbam a hrónčkam. Hačrunjež njeje za archiwowanje trjeba podać dokładne stawizniske wopisanje objekta, měješe to awtorka přiwšěm za wažne.

Z filmom wo ptačim kwasu

Mittwoch, 28. Oktober 2015 geschrieben von:

Šulerka so ze serbskej temu ze swójskeho dźěćatstwa zaběrała

Wojerecy (KD/SN). Mjeztym hižo pjaty Wojerowski swjedźeń amaterskeho krótkofilma wotmě so minjeny kónc tydźenja we wobšěrnje saněrowanym woby­dlerskim centrumje na Piwarskej hasy 1. W domje, hdźež běchu 1912 Domowinu załožili, pokazachu 16 přinoškow wot krimija hač k satirje. Zhotowili běchu je hobbyjowi filmowcy z Wojerec a wokoliny, zapopadnywši něhdyše a dźensniše žiwjenje w měsće a regionje.

Serbska debata

Neuheiten LND