Nowa fachowa kniha
Dźěći dóstanu nowe domske
Najebać napjate połoženje w Njeswačidle loni tójšto inwestowali
Njeswačidło (JK/SN). Hižo wjacore lěta zaběra Njeswačansku gmejnu a jeje gmejnski zarjad nowotwar tamnišeje pěstowarnje. Loni su w tym nastupanju činili dalši krok doprědka. Zo bychu napřećo pjenjezydawarjam chutny wotmysł gmejny wobkrućili, twarić nowu pěstowarnju, wudachu 300 000 eurow za planowanje projekta hač do planowanskeje fazy 3. Z tym je poměrnje wěste, zo budźe so twarić. Zdobom maja wulki nadawk, zaměrnje hromadźić srědki za swójski podźěl.
Pod režiju 7. lětnika su šulske dźěći w Němcach pola Wojerec ...
Tysac hosći na přijeće witali
Wosom serbskich kandidatow
W Budyskim wokrjesu wola lětsa, 9. junija, nowy wokrjesny sejmik. Na wokrjesnym stronskim zjězdźe, přewjedźenym jako sobustawska zhromadźizna, je wokrjesny zwjazk CDU Budyšin sobotu w Połčnicy swoje kandidatki a swojich kandidatow nominował. Mjez nimi je wosom Serbowkow a Serbow.
Połčnica (SN/at). 93 žonow a muži nastupi za CDU w dźesać wólbnych wokrjesach k wólbam noweho Budyskeho wokrjesneho sejmika. Woni su na nominowanskim zarjadowanju předwčerawšim w Połčničanskej „Třělerni“ dowěru přitomnych křesćanskich demokratow dóstali. „Ličba nominowanych wosobow je nimale samsna kaž na minjenych wólbach sejmika před pjeć lětami“, wobkrući našej nowinje Marja Michałkowa, zastupowaca wokrjesna předsydka.
Krótkopowěsće (15.01.24)
Požadanska faza zahajena
Kamjenica. Hač do 29. februara móža so wšitcy zajimcy, kotřiž chcedźa so z domjacym lěkarjom we wjesnych kónčinach Sakskeje stać, za zymski semester 2024/25 požadać. Wosebitosć je, zo zamóža so za 40 městnow w přichodnym semestrje tež zajimcy zwonka NC (Numerus Clausus) požadać. 29. januara wotměje so online informaciske zarjadowanje.
Wubědźowanje Simul-plus zahajił
Drježdźany. Wot dźensnišeho móža towarstwa, zjednoćenstwa, města a komuny w Sakskej ze swojimi idejemi na dobro swojeho regiona zaso wo Simul-plus-myta wojować. Sakski statny minister za regionalne wuwiće Thomas Schmidt (CDU) je wčera nowe koło wubědźowanja z dohromady 3,8 milionami mytowanskimi pjenjezami zahajił. Zajimcy móža so hač do 11. měrca požadać.
Štyrilětna pod Everestom
Za dušu a duch spokojace
Přesydlenje hač do kónca lěta
Prócuja so wo zmysłapołne rozrisanje za Miłoraske duby
Trjebin (AK/SN). Wjes Miłoraz ma so hač do kónca lěta 2024 přesydlić. Tole podšmórny Trjebinski wjesnjanosta Robert Sprejz (Trjebinske wolerske zjednoćenstwo) srjedu na posedźenju gmejnskeje rady. Wažny krok do tohole směra bě srjedź nazymnika. „15. nowembra 2023 smy w Miłorazu třistronski statok, kupjel a sportnišćo energijowemu koncernej LEAG přepodali“, wjesnjanosta rozłoži. We wšitkich objektach je mjeztym milina wotpinjena. Dale prócuje so komuna wo zmysłapołne rozrisanje za Miłoraske duby. Spočatna ideja bě, štomy za Rulec młyn wužiwać. Bě to něhdyši wjesny dźěl Miłoraza, hdźež ma so móst ponowić.
