To běše wuspěšne šulske lěto
Šulerjo su zeznali, kak je so něhdy w Rownom a Trjebinje žnjało
Slepo (AK/SN). Kóžde lěto znowa je šulerjam Slepjanskeje zakładneje šule „Dr. Marja Grólmusec“ wulke wjeselo, hdyž móža so w Rownom a Slepom na Šustrec resp. Njepilic statoku we wobłuku wučby rozhladować. Tak běše to tež w předchadźacym šulskim lěće, na kotrež tamniša zakładna šula zhladuje. Tak piše šulska nawodnica Petra Rübesamowa w aktualnym hamtskim łopjenu zarjadniskeho zwjazka Slepo: „Kubłanišćo, kotrež je w Němsko-serbskim šulskim centrumje Slepo zaměstnjene, ma w prěnim rjedźe kubłanje kaž tež sport za bytostne. K wšědnemu šulskemu dnjej słušeja dale zhromadne hry, pućowanje a mnohe dalše wjerški, kotrež so do pomjatka wučacych, kubłacych a wuknjacych zašćěpjeja.“ Šulska nawodnica spomina wróćo zhladujo na 14. meju tohole lěta, zo „słuša do rjadu wosebitych a rjanych podawkow kóžde lěto tež swjedźeń serbskeje rěče.
Bywša korčma nětko bydlenski dom
We łužiskich wsach běchu stajnje hižo najwšelakoriše rjemjesła zakótwjene a su so zdźěla lětstotki zachowali. Dźensa je so wulki dźěl z tychle rjemjesłow bohužel pozhubił. W našej lětnjej seriji chcemy wobswětlić, hdźe běchu kotre rjemjesła doma a kotre wosebitosće su so při tym wobkedźbowali. (10)
Prěnje naspomnjenje Wudworja znajemy z lěta 1301 jako Hovelin. Před štyrjomi lětami je wušła chronika wo Worklečanskej gmejnje, w kotrejž so Beno Wałda a Eckhard Kliemann dokładnje z Wudworjom zaběrataj, kotryž z lěta 1973 mjenowanej gmejnje přisłuša. W poměrnje małej wjesce z lědma wjace hač 150 wobydlerjemi w běhu časow, pak sy někotrežkuli naspomnjenja hódne předewzaće namakał. Jedne z tutych je korčma. Nimale w kóždej wjesce w našej kónčinje sy tajku měł – dźensa podarmo pytaš.
Dale a husćišo widźimy na kromje wsow nastajene figuriny z wulkich ...
Wulke škody po njewjedrach
Budyšin/Choćebuz (SN). Krótkich ale mócnych wčerawšich njewjedrow dla su wohnjowi wobornicy w Budyskim wokrjesu dohromady 60 króć po puću byli. Orkanojte wětřiki a sylne spadki, zdźěla jako krupy, su wulke škody zawostajili. Pincy su so powodźili, štomy so powróćichu a při tym zdźěla awta wobškodźichu. W Drjewnicy (Großdrebnitz) pola Biskopic mějachu krupy wulkosć hač do šěsć centimetrow w přerězku. Wone rozbichu mjez druhim škleńcy rostlinarnje kaž tež škleńcy mnohich awtow a zawostajichu deformacije na karoserijach.
W Choćebuskej centrali wohnjoweje wobory mějachu wčera dohromady 40 padow, w kotrychž běchu wobornicy njewjedra dla hač do połnocy po puću. Woni dyrbjachu předewšěm spowróćene štomy a wotłamane hałuzy wotstronić. W Hózni pola Złeho Komorowa we wokrjesu Hornje Błóta-Łužica je ranžěrowanska lokomotiwa z powróćenym štomom na železniskej čarje kolidowała. Wodźer lokomotiwy so při tym zranił njeje. W Nowej Niwje (Neu-Zauche) pola Lubnjowa je błysk třoch ludźi trjechił. Jednu wosobu z nich su zranjenjow dla do chorownje dowjezli.
Bukečan ma ruce połnej dźěła
Krótkopowěsće (11.07.24)
Zakoń wo delnjoněmčinje płaći
Podstupim. Zakoń wo delnjoněmčinje je wčera w Braniborskej płaćiwosće nabył. Prěni raz bě zwjazkowy kraj w Němskej zakoń wo škiće a spěchowanju regionalneje rěče delnjoněmčiny wobzamknył. Tamnišu delnjoněmsku rěčnu skupinu kaž tež rěčnu kónčinu w kraju definuja, zo bychu na přikład dwurěčne abo jednorěčne delnjoněmske popisanja zmóžnili.
Za wulki projekt znowa wabili
Brüssel. Delegacija komunalneho zwjazkarstwa Łužiski kruh je hromadźe z načolnymi komunalnymi politikarjemi a zastupjerjemi hospodarstwa wčera w Brüsselu znowa po požadanju Łužicy jako přichodny modelowy region za wjace inwesticijow za zelenu energiju a mjenje běrokratije „Net-Zero-Valley“ jednała. Łužičenjo tłóča na zwoprawdźenje projekta.
Dalši dopokaz teorije relatiwity
We winowej pincy spěwali a domoródnych překwapili
Wjace hač połsta zajimcow je sej kónc junija/spočatk julija do Stražnicy dojěło. Tamniši mjezynarodny folklorny festiwal, lětsa běchu jón 79. raz wuhotowali, wabi Serbow sej lokalnu, narodnu a mjezynarodnu folkloru lubić dać. Dr. Jan Christ, mnohe lěta nawoda tohole podawka a wjelelětny přećel Serbow běše jedyn, hdyž nic rozsudny pohon dał, tajki festiwal tež we Łužicy wuhotować. Před mnohimi lětami nastate zwiski sej wosebje folklornej skupinje Wudwor a Smjerdźaca wobchowatej.
Policija (10.07.24)
Wobruči prasnyłoj
Zhorjelc. Hnydom dwaj wodźerjej nakładneju awtow staj předwčerawšim njerjane wokomiki na A4 mjez Zhorjelcom a Drježdźanami dožiwiłoj. Jimaj běštej wobruči na připowěšakomaj prasnyłoj. Po podawkomaj staraše so wobchadna policija wo wěstotu na awtodróze kaž tež wo wotstronjenje zbytkow wobručow.
Kickerowy turněr a hiphop
Budyšin. Towarstwo Dźěłań dźeń wuhotuje sobotu, 13. julija, kickerowy turněr w swojej „dobrej jstwě“ na Sukelnskej. Wot 14 hodź. wuhraje so 2. Rabatz-cup, a to po modusu DYP. Skrótšenka steji za „Draw your partner“, mustwa so potajkim za kóždu hru algoritmisce po principje připada znowa zestajeja. Dočasne přizjewjenje trěbne njeje, startowy pjenjez sej nježadaja. Po finalu chce Choćebuski rapper STOI hosći z delnjoserbskim a němskim hiphopom zahorić. Koncert ma so po planje něhdźe w 21 hodź. započinać. Zastup je darmotny.
Předstaja wuměłske rjemjesło
Njeswačidło. Sobotu a njedźelu, 13. a 14. julija, stajnje wot 10 do 18 hodź. wotměwaja so w Njeswačanskim hrodowym parku rjemjeslniske wiki. Na nje přichwataja wustajerjo z Łužicy a cyłeje Němskeje.
Wurjedźa „bydlensku stwu“
Kamjenc. Něhdźe 250 čitarjow wšědnje Měšćansku biblioteku G. E. Lessinga w Kamjencu wopytuje. Zo by jim dołho hišće nanajlěpše wuměnjenja poskićić móhła, dyrbi so „bydlenska stwa“ města dokładnje wurjedźić. Tuž wostanje wona póndźelu, 22. julija, zawrjena.
Projekt je wohroženy
Zo by klankodźiwadło wobstać móhło, pytaja za wjetšej chěžu do zahrody
Wojerecy (SiR/SN). Dom zetkanja we Wojerecach, kiž je w nošerstwje towarstwa „Powołanje a swójbu zjednoćić“ (vbff), njeje jenož městnosć kontaktow. Tam wotměwachu so dotal tež klankodźiwadłowe předstajenja. Te pak so přichodnje hižo přewjesć nimaja.
Jednotliwe dźiwadłowe hry běchu zamołwitosć nawodnicy zarjadnišća. Madlen Krenz je scenarije sama pisała. Kóžde lěto jutry, w lěću a w hodownym času běchu tam na předstajenja přeprosyli, w cyłku bě jich něhdźe 30. Pjatnaće předšulskich zarjadnišćow z Wojerec a wokolnych wsow bě na předstajenja klankodźiwadła přichwatało. Wšako mějachu tam składnosć za mało pjenjez něšto rjane dožiwić.
