Z wotsunjenjom hranicy zranili
Krótkopowěsće (05.07.23)
Wjac zawodow profituje
Drježdźany. Sakska z programom „Regionalny rozrost“ pokročuje a spěchowanske wuměnjenja rozšěrja. Hospodarski minister Martin Dulig (SPD) je wčera na kabinetnym posedźenju na to pokazał, zo předewzaća w kónčinach změny strukturow z programa profituja. W dwójnym etaće je nimale 55 milionow eurow za to předwidźane.
Naměsta a dróhi z jewišćom
Zhorjelc. Gerharta Hauptmannowe dźiwadło Zhorjelc-Žitawa wuhotuje wot jutřišeho hač do slědowaceje soboty 27. mjezynarodny nadróžny dźiwadłowy festiwal „Via Thea“. Program wopřijima prezentacije dohromady 20 přinoškow jednotliwych wuměłcow kaž tež skupinow ze 17 krajow, kotřiž wustupja na dróhach a naměstach Zhorjelca a Zgorzeleca.
„Po měsće z Alenu“ znowa wušła
Łaženje na wěžu wjeršk Sakskeho cupa 2023 było
Trjebin (JoS/SN). Sakski cup 2023 we wohnjowobornym sporće je so minjenu sobotu w Trjebinje wotměł. Za organizowanje wulkeho podawka su tamniši wobornicy wjele chwalby žnjeli, dokelž běštej městnosć a technika runje tak derje přihotowanej kaž zastaranje, zwukowa technika a wšitko dalše. Wobdźěliło je so 18 mustwow ze 180 wobdźělnikami. Mjez nimi bě 40 młodostnych w starobje pod 16 lětami. Dale je so 70 organizatorow wo bjezporočny wotběh wubědźowanjow postarało.
Najwjetše wužadanje w přihotach bě twar wjace hač 15 metrow wysokeje wěže, štož wotpowěduje něhdźe třiposchodowemu twarjenju. Natwariła je ju Hamorska firma, kotraž měješe dokładne měry pjeć króć wosom króć 15,50 metrow dodźeržeć.
Policija (04.07.23)
Alarma dla ćeknyli
Słónkecy. Alarmowa připrawa je w Słónkecach (Schlungwitz) w gmejnje Dobruša-Huska tomu zadźěwała, zo je firmje wjetša škoda nastała. W nocy na póndźelu su so tam njeznaći na teren firmy zadobyli. Runje jako chcychu za hódnotnymi wěcami pytać započeć, alarmowa připrawa zaskoči. Njeznaći na to ćeknychu, kaž Zhorjelska policajska direkcija rozprawja. Přiwšěm načinichu skućićeljo něhdźe 200 eurow wěcneje škody. Dalše přepytowanja je kriminalna słužba policije přewzała.
Časowe swědki zachowane
W nowej gratowni wohnjoweje wobory historiske podłožki widźeć
Klukš (SN/MWj). Nowu gratownju wohnjoweje wobory su minjenu sobotu Klukšanskim dobrowólnym wohnjowym wobornikam přepodali. W přitomnosći mnohich wobornikow, Wulkodubrawskeho wjesnjanosty Hardyja Glauscha (njestronjan) a mnohich zajimowanych wobydlerjow staj Radworski farar Beno Jakubaš a jeho ewangelski sobubratr na wuměnku farar Fritz-Dietmar Meier twarjenje požohnowałoj.
Wjace hač nowinu do kašćika tyknyć
Wot spočatka měrca 1992 wuchadźeja Serbske Nowiny jako wječornik. A wot toho časa je pomocnicy w mnohich wjetšich a mjeńšich wsach wšědnje čitarjam do domu noša. Najwjetši čas tuž našich pilnych roznošowarjow w lětnjej seriji předstajić (3).
W hišće ryzy serbskej wjesce Kanecach mjez Wotrowom a Swinjarnju, rjenje ležacej nad Klóšterskej wodu, bydli něhdźe 60 ludźi. Mjez nimi je Achim Čornak, kotremuž budźe lětsa 70 lět. Wšitcy we wsy, ale wosebje čitarjo našeho wječornika wědźa sej spušćomneho a swědomiteho, stajnje přećelneho wjesnjana wažić. Wón dźě mjeztym hižo dwanaće lět při kóždym wjedrje čitarjam Serbske Nowiny roznošuje. Jako bě tehdy tónle nadawk přewzał, dźěłaše w Kinsporskim zawodźe za plastowe wudźěłki. Kanečenjo wšak derje wědźachu, zo je Achim Čornak prawy muž za tele dźěło. Woni wědźachu, zo je 1953 w Sernjanach rodźeny wšudźe tam, hdźež je dźěłał, připóznaće žnjał.
Rjanu ideju mějachu Jasčanske dźěći minjenu słónčnu sobotu. ...
Krótkopowěsće (04.07.23)
Socialnje so angažowali
Budyšin. Na akciskim dnju genialnje socialnje su šulerjo so wobdźělacych kubłanišćow dźěłali město toho, zo su w šuli wuknyli. Mzdu přewostaja woni socialnym projektam. Wospjet wobdźělištej so Kulowska wyša šula a Budyski serbski gymnazij. Prěni raz pódla běchu dźensa šulerjo Radworskeje wyšeje šule.
Dźěćace zahrody wuznamjenili
Drježdźany. Mjez dobyćerjemi 8. wubědźowanja sakskich dźěćacych zahrodow je lětsa pjeć mytowanych z Budyskeho wokrjesa. Tak je mjez druhim Worklečanska pěstowarnja „K wódnemu mužej“ 400 eurow dóstała. Wubědźowanje přewjedźe sakske krajne zjednoćenstwo za spěchowanje strowoty. Wčera wječor su akterojo dobyćerjam wuznamjenjenje w Drježdźanskej hygienowym muzeju přepodali.
Saturnowy system: 146 měsačkow
Dyrdomdej z busom, ćahom a tramwajku truskalcow dla
Što činiš, chceš-li sej tunje sezonalne truskalcy kupić a zdobom dyrdomdej dožiwić? Najlěpje nastajiš so k susodej na wuchod – do Pólskeje. To dźě je jenož něhdźe połsta kilometrow z Budyšina. Njejědźeš pak z awtom, ně, to by přelochko było. Wšako maš hišće hinaše wobchadne srědki: bus, ćah a tramwajku.
Policija (03.07.23)
Wopity z kolesom jěł
Kulow. Zo płaća tež za jězdźenje z kolesom předpisy, wě nětko młody muž, kotrehož je policija w njedźelnych rańšich hodźinach w Kulowje kontrolowała. 25lětny bě zastojnikam napadnył, dokelž na Budyskej dróze swoje koleso prawje w horšći njeměješe. Pola njeho naměrichu 1,72 promilow alkohola w kreji. Wón změje so nětko wopiłstwa w nadróžnym wobchadźe dla zamołwić.
