Na „Šćežce kubołćikow“ pućować
Rachlow (CS/SN). Z mnohimi městnami na Čornobohu su najwšelakoriše baje zwjazane. Wone běchu wuchadźišćo za nowu pućowansku šćežku, kotruž mjenuja „Šćežku kubołćikow“. Prěnje ideje za nju zrodźichu před lětomaj, jako Rachlowska dobrowólna wohnjowa wobora swoje stolětne wobstaće swjećeše. Tehdy drje zakłady pućowanskeje šćežki hižo wobstachu, wona pak bě špatnje woznamjenjena. Wobornicy tuž gratulantow wo pjenježne dary prošachu. Z pjenjezami chcychu šćežku ponowić. 2 500 eurow tehdy nazběrachu. Zo móhli projekt zwoprawdźić, běchu spěchowanske srědki trěbne. Te dóstachu z regionalneho budgeta Swobodneho stata Sakskeje a z programa Zwjazka za spěchowanje dwurěčneho ruma. Prěnja tafla z powšitkownymi informacijemi je tuž němsce a serbsce wuhotowana. Na wšitkich tamnych taflach jewi so znajmjeńša hesło wotpowědneje stacije serbsce.
Ze spočatkom lětušeje kupanskeje sezony w Kulowskej lěsnej kupjeli ...
Narunaja wurubjene awtomaty
Pytaja nuznje maćeršćinarjow
Dźěłowy kruh za serbske naležnosće je so wčera wječor w Budyskej sukelnicy schadźował, zo by z wyšim měšćanostu Karstenom Vogtom (CDU) wo aktualnych temach Serbow nastupajo wuradźował.
Krótkopowěsće (01.06.23)
Nowe šulerske wubědźowanje
Podstupim. Braniborski kubłanski minister Steffen Freiberg a hospodarski minister Jörg Steinbach (wobaj SPD) staj dźensa prěnje „Braniborske wodźikowe myto“ w formje šulerskeho wubědźowanja zahajiłoj. Z nim ma so „wěda wo natwarje wodźikoweho hospodarstwa w šulach kraja šěrić a zrozumjenje za nje zwyšić“. Cyłkownje rozdźěluja mytowanske pjenjezy we wysokosći 15 000 eurow.
Dalši protest při jamje
Drježdźany. Zjednoćenstwo Fridays for Futuere je dalšu wulku demonstraciju za spěšniši kónc wudobywanja brunicy we Łužicy připowědźiło. 25. junija chcedźa při jamje Wjelcej protestować. Tam chcedźa wospjet na to skedźbnić, zo je kónc wudobywanja brunicy 2038 přepozdźe, wšako njeje tutón termin z 1,5-stopnjowej hranicu woćóplenja kompatibelny.
„Ródne čisła“ haj abo nic?
Po mejemjetanju přihotuja so na dalšej wjerškaj
Na krasnej swjatkownej soboće swjećachu tež w Hórkach mejemjetanje. Po tym zo bě meja padnyła, dwanaće porow dźěći a młodostnych srjedź wsy zarejwa. Pola dźěći běše John Jödicke najspěšniši běhar a wuzwoli sej Claru Bětnarjec jako swoju kralownu. Pola młodostnych buštaj Jan Zarjeńk a Ida Harttrumpfec mejski porik. Wšitke holcy běchu sej serbsku narodnu drastu woblekli. Po mejskich rejach předstajichu wjesne dźěći wopytowarjam pisany nalětni program. Wječor zahudźichu z Hórkow pochadźacaj Cyžec bratraj Dawid a Krystof kaž tež Tomaš Hejduška a Clemens Mark serbske a němske pěsnje. Při tym knježeše mjez wjesnjanami w stanje při wohnjowej woborje krasna nahlada. Mejemjetanje je wjesne towarstwo „Při skale“ zhromadnje z Hórčanskim młodźinskim klubom organizowało.
Zetkanišćo za wšitkich ludźi
W Koblicach chcedźa gmejnski dom dołhodobnje zachować
Koblicy (AK/SN). Z gmejnskeho domu w Koblicach we Łazowskej gmejnje ma so zetkanišćo wšitkich generacijow stać. Za to chcedźa dom přetwarić a ponowić a tak dołhodobnje za wjes zachować. Tole rjekny wjesny předstejićer Tilo Babick njedawno na wobydlerskej zhromadźiznje. „Dom słuša wjesce – to nas pohonja. Tež Łazowski wjesnjanosta nas podpěruje“, praji wjesny předstejićer.
Policija (31.05.23)
Koleso z třěchi pokradnyli
Talpin. Nic z pincy abo garaže kaž hewak často, ale z třěchi wosoboweho awta su njeznaći předwčerawšim koleso pokradnyli. Stało je so to w Talpinje (Talpenberg) pola Halštrowa. Koleso typa Dirt Bike bě něhdźe 2 000 eurow hódne. Nimo toho načinichu paduši něhdźe 350 eurow wěcneje škody.
Nowa wustajeńca w klóštrje
Pančicy-Kukow. Towarstwo Cyrila a Metoda je składnostnje lětušeje 775. róčnicy wobstaća klóštra Marijineje hwězdy wustajeńcu wo serbskich wjerškach w zwisku z jubilejom před 25 lětami zestajało. Wotewru ju pjatk, 2. junija, po wječornych kemšach, kotrež budu w 19.30 hodź. w rumnosći w přechodźe z klóšterskeho dwora w Pančicach-Kukowje. Přistupna budźe přehladka wot póndźele do pjatka wot 10 do 16.30 hodź. a sobotu wot 12.30 do 16 hodź. We wustajeńcy su mjez druhim wobrazy wo procesionje na swjateho Marka z lěta 1998, wo dźiwadłowym předstajenju „Hwězda jasna“, swjedźenskim ćahu k tehdyšemu jubilejej klóštra a scyła k jeho stawiznam wozjewjene.
Na knižnu premjeru
Budyšin. Smolerjec kniharnja přeprošuje na knižnu premjeru z temu „Hornjoserbska rěčna politika w kubłanju – rěč wróćo abo doprědka přinjesć?“ Awtorka Nicole Dołowy-Rybińska a jeje kolegina při slědźenju, Cordula Ratajczakowa chcetej swoje dopóznaća w Budyskim zarjadnišću 1. junija w 19 hodź. zjawnje předstajić. Tute stej wědomostnicy w lětach 2017 do 2019 na Budyskim Serbskim gymnaziju zběrałoj a zdobyłoj.
Radźićeljo wuradźuja
Nowa bara při Olbje nastała
Younes Polenz z Niskeje stara so wot lětušeje sezony wo serwisowe zarjadnišća při woblubowanym wočerstwjenišću. Z kioskom planuje wón něšto cyle wosebite.
Zubornička (UM/SN). W minjenych tydźenjach móžachu wuchodźowarjo při Olbje časćišo muža wobkedźbować, kiž pódla kioska pěsk rozdźěleše. Bě to Younes Polenz, kiž so wot lětušeje sezony wo zastaranje wopytowarjow při kupanišću stara. Swjatkowničku je najprjedy předawanišćo zakuskow a pobrjóžnu baru wočinił. Tule chce wón w běhu sezony wjacore zarjadowanja přewjesć, kotrež do toho ze susodnym přirodnym stanowanišćom a Malešanskej gmejnu dorěči. Z woběmaj je nowy mějićel kioska hižo wuši kontakt nawjazał a čuje so tule „super witany“. Wšako ma přichodna kombinacija z předawanišćom zakuskow, pobrjóžnej baru a kioskom atraktiwne městno za wšědne zastaranje skićić. A k Malešanskemu wjesnjanosće Matthiasej Seidelej (CDU) je Younes Polenz hnydom dobry zwisk namakał. „Wón je za moje ideje wotewrjeny a je mi pomoc přilubił, hdźežkuli ju trjebam.“
