Policija (04.10.22)
Konje při wohenju zahinyli
Brěžki. Wulku wěcnu, ale tež emocionalnu škodu zawostajił je woheń, kiž je w nocy na póndźelu na Zdźarowskej dróze w Brěžkach wudyrił. Z dotal njeznateje přičiny paleše so tam synowa bróžnja ratarskeho zawoda. Woheń zwěsćili a wobornikow alarmowali su krótko po połnocy. Kaž policija zdźěli so synowy skład dospołnje wotpali. Traktor, kiž pódla twarjenja steješe, so tohorunja zniči. Drje najwjetša škoda za wobsedźerja pak bě, zo je šěsć koni, kotrež běchu w bróžni zaměstnjene, zahinyło. Cyłkowna škoda njeje hišće powobličena, leži pak po dotalnych informacijach w šěsćcyfrowym wobłuku. Zasadźeni běchu dobrowólni wohnjowi wobornicy wokolnych wsow kaž tež Wojerowska powołanska wohnjowa wobora. Statnu dróhu S 285 dyrbjachu za čas hašenja dospołnje zawrěć. Za přičinami wohenja policija nětko slědźi.
Přewšo zabawna domchowanka
Duch kuzłarja wozrodźić
Druhe Krabatowe wiki z nałožkami, rjemjesłom a słódnosćemi přewjedli
Wojerecy (AK/SN). Krabatowy duch ludźi zwjazuje. Wón zesylnja jich sebjewědomje a jich hordosć na Łužicu. „Takle móžeš region skrućeć“, podšmórny předsyda Krabatoweho towarstwa Reiner Deutschmann minjeny pjatk při wotewrjenju druhich Krabatowych wikow we Wojerecach. Wone běchu zazběh cyłeho Krabatoweho tydźenja, kotryž poskići 27 zarjadowanjow na 20 městnach.
Znowa swjedźeń při kupowym haće
Rejwać wuknyć
Wojerecy. Dźěći a młodostni w starobje dźesać do pjatnaće lět móža kóždy pjatk wot 14 do 15 hodź. na dźěćacej a młodźinskej farmje we Wojerecach rejwać nawuknyć, zdźěli Křesćansko-socialny kubłanski skutk Miłoćicy. Za nawod treninga je sej CSB zdobył rejwarki a rejwarjow Serbskeho ludoweho ansambla z Budyšina. Pola nich nawuknu zajimcy rejwanske kroki. Wobdźělenje je darmotne. Poskitk spěchuje program zwjazkoweho ministerstwa za kubłanje a slědźenje. Dalše informacije a přizjewjenje dóstanu zajimcy pod telefoniskim čisłom 03571 979164.
Podlěša dobu wustajeńcy
Budyšin. Wosebitu wustajeńcu „Wuměłstwo a přiroda. – INO – Ingerose Jänichen-Kucharska, retrospektiwa“ znateje hornjołužiskeje wuměłče hač do 1. januara 2023 podlěša. Přehladka je dotal njewočakowano wjele zajimcow do Muzeja Budyšin přiwabiła.
Škody wotstronić
Rjeńšo parkować a sej wotpočnyć
Něhdy njerjana wólna přestrjeń při Lilijowej dróze w Radworju je nětko nimale na atraktiwne parkowanišćo a přebywanišćo přetworjene. Něštožkuli pak ma so hišće zdokonjeć.
Wubědźowanje wo najrjeńšu žnjensku krónu Sakskeje lěta 2022 je ...
Krótkopowěsće (04.10.22)
Tež wo Slepom rozprawjeli
Mainz. Serbow, Slepjansku kónčinu a brunicu tematizowali su wčera w filmje „Wir bleiben! Jung. Ostdeutsch. Selbstbewusst.“ Mathiasa Kubitzy a Larsa Seefeldta, kotryž je sćelak ZDF składnostnje Dnja němskeje jednoty wusyłał. Dokumentacija, w kotrejž so tež Slepjanska fararka Jadwiga Malinkowa słowa jima, je w mediatece ZDF hač do 2024 přistupna.
Wjele padow wopodstatnjenych
Drježdźany/Wermsdorf. Wot kónc oktobra 2020 do nětka je 1 653 padow afriskeje swinjaceje mrětwy w Zhorjelskim, Budyskim a Mišnjanskim wokrjesu wopodstatnjenych. Dotal je so poradźiło, zo njeje chorosć na wobstatk domjacych swini přeskočiła, zdźěli sobotu sakska socialna ministerka Petra Köpping (SPD) na wotewrjenju wikow „hońtwa a wudźenje“ we Wermsdorfje.
W Hućinje přednošował
Policija (30.09.22)
Kolesowarka policista biła
Budyšin. Na Budyskej Tuchorskej dróze je 71lětna kolesowarka srjedu popołdnju policista nadběhowała. Zastojnicy su podawk z bodycam dokumentowali. Seniorka běše zastojnikam napadnyła, dokelž njeje so prawje zadźeržała. Na to běchu žonu narěčeli. Jej pak pobrachowaše dowidźenje, zo nima wužiwać chódnik za pěškow ale dróhu, je-li kolesujo po puću. Dale njeje chcyła swoju identitu podać. Zastojnicy jej na to zakazachu z kolesom dale na chódniku jěć. Tomu pak so žona wobaraše a swoje koleso policistam do nohow suwaše a do nich borkaše. Jednomu policistej biješe žona z ruku mjezwoči. Zastojnik njebu při tutej akciji zranjeny. Policisća zhotowichu pokutnu informaciju nadběha na zastojnika dla. Nětko so tudyša kriminalna słužba z tutym padom zaběra. Do přepytowanja maja so natočenja na bodycam zapřijeć.
