Powědanje a začuće
Chorownja ma dobry přichod
Sakska socialna ministerka Petra Köpping w Běłej Wodźe pobyła
Běła Woda (AK/SN). Wokrjesna chorownja w Běłej Wodźe ma jako wobłuki přesahowacy strowotniski centrum dołhodobnje dale wobstać. Přichodnje budźe wukubłanska chorownja Drježdźanskeje mediciniskeje uniwersity. Runočasnje ma wona jako akademiske wuwučowanišćo w hladanju we wobłuku kubłanja Žitawsko-Zhorjelskeje wysokeje šule skutkować. „To je přikładne w Sakskej. Zhorjelski wokrjes je modelowy region mediciniskeho zastaranja“, podšmórny sakska statna ministerka za socialne a towaršnostnu zwjazanosć Petra Köpping (SPD) na dźěłowym wopyće minjeny štwórtk w Běłej Wodźe. Tam je wona zhromadnje z krajnym radu Berndom Langu (CDU), socialnej decernentku Martinu Weber, někotrymi sobudźěłaćerjemi chorownje, zo zastupnikami chorobnych kasow, samostatnych lěkarjow a z dalšimi fachowcami na městnje wo přichodźe Běłowodźanskeje chorownje wuradźowała.
Krótkopowěsće (13.06.22)
Tydźeń mjeńšinowych rěčow
Lipsk. Institut za sorabistiku Uniwersity Lipsk kaž tež towarstwo ERIU stej dźensa „Tydźeń europskich mjeńšinowych rěčow“ zahajiłoj. Hač do pjatka maja zajimcy móžnosć, so z čitanjemi, seminarami a koncertami ze šotiskej gelišćinu, ze serbšćinomaj, z kymrišćinu a iršćinu zeznajomić. Mjez druhim wuhotujetaj je „narodny poet Walizow“ Ifor ap Gyn a japanski sorabist prof. Goro Kimura w sociokulturnym centrumje Villa Leipzig.
Wjele zajimcow přišło
Lubij. Na tradicionalnych wukubłanskich wikach Insidertreff zawčerawšim w Lubiju witachu organizatorojo tysacow zajimcow. Wjac hač 130 wustajerjow je tam atraktiwne wukubłanske poskitki w domiznje předstajiło a wo dorost wabiło, při čimž bě lětuše ćežišćo strowotniski wobłuk.
Sudetscy Němcy w syći
Komunalne puće a mosty ponowja
Kulow (AK/SN). Za porjedźenje komunalnych pućow a mostow nałožuje město Kulow přichodne měsacy 110 000 eurow. Tole zdźěli zastupowacy twarski nawoda města Frank Kral na zašłym posedźenju měšćanskeje rady.
„Planowane je, puć do Noweje Wsy wot wodočisćernje hač k mostej saněrować“, Kral rozłoži. Dale chcedźa saněrować dźěl Wojerowskeje dróhi w Kulowje a puć wot Salowa do Koćiny. Nimo toho ponowja přijězd ke gratowni Kulowskeje wohnjoweje wobory. Tu jedna so wo 120 metrow dołhi wotrězk Srjedźneho puća. A skónčnje ma tež móst w Nowej Wsy nowu hornju asfaltowu worštu dóstać.
Derje pokročuja dźěła na wjesnej dróze w Mučowje wot kromy wsy ze směra Brěžkow hač k zwjazkowej dróze B 96. Po informacijach Franka Krala maja twarske dźěła hač do kónca julija wotzamknjene być. Přichodne předewzaće budźe kolesowanska šćežka wot Brěžkow do Mučowa. Prěni twarski wotrězk chcedźa spočatk julija twarić započeć.
Policija (10.06.22)
Padušny porik lepili
Wojerecy. Žiwidła, kosmetiske twory, debjenki a elektriske nastroje w cyłkownej hódnoće 2 300 eurow chcyše padušny porik předwčerawšim we Wojerowskej kupnicy kradnyć. Personal pak to sčasom pytny a informowaše policiju. Muž w starobje 35 lět a 39lětna žona běštaj nimo toho z kolesomaj po puću, kotrejž buštej w Lipsku pokradnjenej.
Na „Podlěćo“ w Bukecach
Bukecy přeprošuja kónc tydźenja na Serbski ewangelski cyrkwinski dźeń a spočatk julija na wjesny jubilej.
Bukecy. Bukečenjo lětsa wulki jubilej swjeća. Před 800 lětami bu wjes hromadźe z druhimi wsami Hornjeje Łužicy prěni raz we wopismje Mišnjanskeho biskopstwa naspomnjena.
Wot tych 800 lět mam wulku wjetšinu za serbske stawizny. W składnostnje jubileja njedawno wušłej knize „800 Jahre Hochkirch / 800 lět Bukecy“ su so awtorojo a awtorka kaž Trudla Malinkowa, Arndt Zoba, Domaš Žur a wosadny farar Thomas Haenchen wo to postarali, zo maja tam serbske temy zašłosće a přitomnosće wuznamne městno. Dwaj nastawkaj stej w serbskej rěči.
Dramatiske běše wuwiće za Serbow wosebje w poslednich sto lětach. Wo bohatym towarstwowym žiwjenju hišće w 1920tych lětach móžemy dźensa jenož hišće sonić. Maćernorěčnych Serbow a Serbowkow je lěto a mjenje a tak je tež serbske wosadne žiwjenje w Bukecach nimale womjelknyło.
Udo Wićaz CDU
We wokrjesnym zarjadnistwje mamy społnomócnjenu za serbske naležnosće. Wona je kontaktna wosoba za wšitkich tam dźěłacych a za wobydlerstwo. Jako krajny rada chcu z njej dale wuske styki pěstować a tak dobre dźěłowe wuměnjenja zmóžnić. Dlěši čas so hižo ze serbskeje strony wo tym diskutuje, wobstejacy dźěłowy kruh za serbske naležnosće kwalifikować a bóle na skutkowanju wokrjesneho sejmika wusměrić. Sym rady zwólniwy, zhromadnje lěpše dźěłowe wuměnjenja wutworić. Wšitko to pak mamy sej, wuchadźejo z wobsahow, wobhladać a so prašeć, z čim móžemy serbstwo efektiwnje a derje podpěrać. W tym zwisku mamy prašenje za statusom gremija rozrisać. Sym serbske naležnosće přeco podpěrał a činju to dale. Budu z Domowinu dale hromadźe dźěłać, kotraž je wokrjes serbske naležnosće nastupajo dotal derje poradźowała.
Alex Theile Lěwica, SPD, Zeleni
Mój prěni zaměr je za Serbowki a Serbow swójski wuběrk wutworić, kotryž změje we wšěch naležnosćach, kotrež serbske zajimy we wokrjesu potrjechja, prawo soburěčenja a sobupostajowanja. K tomu lětsa hišće ze wšitkimi wobdźělenymi rěču, zo móhli tónle wuběrk tak spěšnje kaž móžno zwoprawdźić. Nimo toho chcu na striktne dodźerženje dwurěčnosće dźiwać, na přikład tež wšitke předłohi we wokrjesnym sejmiku nastupajo. K tomu zdobom słuša, zo budu posedźenja wokrjesneho sejmika znajmjeńša do serbšćiny přełožene.
Wustupuju za sprawnosć, transparencu a wjetše wobdźělenje wobydlerstwa. Ničo njepřilubju, štož prawniski zakład nima.
Ani ja jako krajny rada, ani krajnoradny zarjad, ani wokrjesny sejmik su instancy, kotrež maja wo zajimach Serbowkow a Serbow rozsudźić. Chcu jich prawa zachować a jim wobdźělenje w kóždejžkuli formje zmóžnić, nimo toho jich zastupnistwo zajimow we wšěm jich potrjechjacym nastupanju zapřijeć.
Frank Peschel AfD
Jako přichodny krajny rada sym zajimowany, tež a runje serbske zajimy zastupować. Hižo w Sakskim krajnym sejmje sym žadanje knjeza Statnika (předsydy Domowiny, přisp. redakcije) Powołanskošulski centrum Budyšin nastupajo do zjawnosće dał. Bohužel njeje to frakcija CDU w krajnym sejmje sobu njesła. Přeju sej pak tež, zo naši serbscy wobydlerjo ze mnu wotewrjenje a sprawnje rěča a žanežkuli předzajate wotpokazanje nimaja.
Němcy a Serbja su dlěje hač tysac lět w regionje žiwi. Serbšćina dyrbi jako rěč wšědneho dnja zachowana wostać. Nimo toho su serbska kultura a tradicije kajkosć jónkrótnosće za region. Runje w turistiskim wobłuku mamy tele znamjo lěpje zwičnjeć.
To je zajimawa myslička. Rady hodźi so to we wokrjesnym sejmiku dorěčeć a jako namjet zapodać.
Mamy Budyski wokrjes zesylnić. Bohužel běchu w minjenym času mnohe rozsudy na njedobro našeho wokrjesa. Hać je Braniborska serbske zajimy nastupajo porno nam lěpje nastajena, to wokomiknje posudźować njemóžu. Sym wšitkim wobdźělenym napřećo wotewrjeny.
Kandidaća za wólby Budyskeho krajneho rady so wuprajeja
Serbske Nowiny su so z pjeć prašenjemi na nich wobroćili
Kak chceće jako přichodny krajny rada we wokrjesnym sejmiku serbske sobupostajowanje a wobkedźbowanje serbskich zajimow zwoprawdźić?
Wokrjes Budyšin mjenuja rady „tón serbski“ w Sakskej. Kotre tomu wotpowědowace předstawy chceće hromadźe z krajnoradnym zarjadom a z wokrjesnym sejmikom ze žiwjenjom napjelnić?
Maće simultane, němsko-serbske posedźenja wokrjesneho sejmika a jeho wuběrkow za wuraz žiweje dwurěčnosće? Kotre móžnosće widźiće, tole docpěć?
W kotrej poziciji je po Wašim měnjenju wokrjes Budyšin mjez wokrjesami a bjezwokrjesnym městom Choćebuzom, kotrež w Braniborskej a Sakskej serbskemu sydlenskemu rumej přisłušeja?
Je Budyski wokrjes nastupajo wot Zwjazka spěchowanu změnu strukturow derje nastajeny? Što wotpohladujeće jako krajny rada změnić abo nastorčić?
