Z wobmjezowanjemi do lěta 2022
Drježdźany/Budyšin (SN/JaW). Silwester a nowe lěto dyrbja ludźo z tójšto wobmjezowanjemi swjećić. Na to skedźbnjatej hišće raz doraznje sakske knježerstwo a Budyski krajnoradny zarjad.
Silwester a nowe lěto su swjedźenje na zjawnych městnach pod hołym njebjom zakazane. „Nimo toho njesmědźa ludźo zwonka swojich bydlenjow žane praskotaki při sebi měć abo wotpalić“, informuje Budyski krajnoradny zarjad w nowinskej zdźělence. Při sebi měć pak dyrbja ludźo, hdyž su na zjawnych městnach po puću, swoje „dopokazy, zo su šćěpjeni abo wotchorjeni a maja je w padźe kontrole k pruwowanju pokazać“. We wšitkich rumnosćach wobsteji winowatosć sej hubu a nós z FFP-2-masku zakryć.
Wot januara skića Budyski strowotniski zarjad přidatne šćěpjenja pře koronu. Přizjewjenja su bjezwuwzaćnje internetnje móžne. Dalše informacije nańdu zajimcy pod: . Prěnjorjadnje wužiwaja šćěpiwo Moderna.
Krótkopowěsće (30.12.21)
Łužica dale „hotspot“
Budyšin/Zhorjelc. Po Roberta Kochowym instituće stej z wokrjesomaj Choćebuz (786,3) a Sprjewja-Nysa (689,3) dwaj delnjołužiskej mjez třomi gmejnskimi zwjazkami z najwyšej incidencu w Němskej. Wokrjes Budyšin informuje wo 390 nowoinfekcijach z koronawirusom, dźewjeć pacientow je zemrěło. Incidenca tu je 315,4. W Zhorjelskim wokrjesu zwěsćichu 230 nowych natyknjenjow a tři smjertne pady. Incidenca tam je 227,5.
Srědki zaměrnišo nałožować
Frankfurt n. M. Dźěłarnistwo Kubłanje a wědomosć (GEW) kritizuje rozdźělenje pjenjez programa Zwjazka a zwjazkowych krajow za šulersku dopomoc korony dla. „Srědki kaž z krjepjawku nałožować, njeje zmysłapołne. Předewšěm we wjesnym rumje je potrjeba spěchowanja často wjetša hač we wulkoměstach. Nimo toho pobrachuje nam tam prosće personal“, kaž ze stron GEW rěka.
Powjaznicu podlěša
Policija (29.12.21)
Powětrowki pokradnyli
Židźino. Z třělnišća při zwjazkowej dróze B 97 pola Židźinoho su njeznaći wjacore powětrowki pokradnyli. W času wot njedźele do póndźele dopołdnja so woni do kompleksa namócnje zadobychu a wzachu tři dołhe a jednu krótku třělbu sobu.
Domyswjećenje lětsa hinak
Z awtom do štoma zrazyła
„Njebjesa“ lěpje wužić
Ekologiske ratarjenje a zahrodnistwo matej w gmejnje dale rosć
Njebjelčicy (JK/SN). Organizacija Permagold je so wusměriła na produkciju regionalnych, ekologisce zhotowjenych žiwidłow. Hižo někotre lěta wudźeržuje organizacija tež do Njebjelčanskeje gmejny wuske styki. Tamniši znaty aktiwist na polu permakultury Thomas Noack je nastorčił w gmejnje zajim za ekologiske a naslědne ratarjenje, wosebje na małych a roztřěskanych płoninach.
Kubłanje, dobrowólna woboraa jězor lětsa w srjedźišću stali
Hdyž so lěto nachila, skići so na mnohich městnach składnosć, minjenych dwanaće měsacow bilancować a hladać, što je so zwoprawdźiło. Tež wuhlad na nowe lěto je při tym na městnje.
Halštrowska Hola (AK/SN). Lěto 2021 bě za gmejnu Halštrowska Hola dosć intensiwne. Tole wuzběhny wjesnjanosta Dietmar Koark (CDU) na njedawnym posedźenju gmejnskeje rady. „Začuće zhromadnosće je pandemije dla poćerpjeło. Zo mamy wokomiknje podobnu situaciju kaž před lětom mje rudźi“, wón rjekny. „Přiwšěm smy jako gmejna wjele zwoprawdźić móhli.“
Koark wjeseli so nad přinoškom swojeje komuny při saněrowanju zakładneje šule w Lubušu, štož podpěrachu ze 600 000 eurami. Klětu přidadźa dalšich 300 000 eurow. „Wěmy, zo maja naše dźěći tam dobre wuměnjenja za wuknjenje“, tak wjesnjanosta. Dźěći z jeho gmejny wuknu tohorunja w Nowej Wsy a we Wojerowskej zakładnej šuli „Handrij Zejler“.
Na wjacorych městnach w dwurěčnych wosadach je so wčera akcija ...
W Drježdźanach narodniny swjećili
Wjace pjenjez za sportownju w Barće
Indeks twarskich płaćiznow, twarske planowanje a archeologiske dźěła žadaja sej za twar noweje sportownje w Barće přidatne srědki. Wokrjesny sejmik Budyšin je 750 000 eurow přizwolił.
Budyšin/Bart (SN/at). Za nastawace wyšošulske stejnišćo Bart je twar noweje sportownje jako 1. twarski wotrězk wažny měznik. W přichodźe maja tam šulerki a šulerjo ze sewjerowuchodneho dźěla Budyskeho wokrjesa a předewšěm z Malešanskeje gmejny wot 5. hač do 10. lětnika wuknyć. Da su časej wotpowědowace wuměnjenja za šulski sport runje tak požadane kaž za wólnočasnu zaběru w sportowych towarstwach.
Najprjedy pak maja twarske dźěła na objekće dokónčić, kotrež buchu lětsa w meji zahajene. Za to su w aktualnym budgeće Budyskeho wokrjesa cyłkowne kóšty něhdźe 2,99 milionow eurow předwidźane. Tele srědki pak njedosahaja, měni Budyski wokrjes jako šulski nošer a twarski knjez. Wokrjesny sejmik měješe na posedźenju spočatk decembra wo přizwolenju přidatnych pjenjez rozsudźić.
