Prawidła korony dla přiwótřić?
Njeskutkam młodostnych zadźěwać wulke ćežišćo
Zhorjelc (UM/SN). Młodostny intensiwny skućićel – mjenujemy jeho „J.“ – je w swojej kriminelnej zašłosći hižo wospjet z najwšelakorišimi zarjadnistwami činić měł: z policiju, ze statnym rěčnistwom abo z młodźinskim prawniskim wotrjadom krajnoradneho zarjada. Přećiwo njemu su wospjet tež dosć bolostne chłostanja wukazali, ale wšo to njeje pomhało jeho na prawy puć wróćo dowjesć. Nětko pak je wšitko hinak: Po najnowšim njeskutku bě „J.“ nětko na Zhorjelsku Gobbinowu skazany, hdźež je wot minjeneho tydźenja w bjezposrědnim susodstwje policajskeho rewěra „Dom młodźinskeho prawa“ zaměstnjeny. Tam maja młodźi skućićeljo nětko wšitkich trěbnych partnerow pod jednej třěchu a dóstawaja tam pomocne poskitki. Nimo toho jich tam hnydom z konsekwencami jich skutkowanja konfrontuja. „Snano wukonja to wšo tajki zaćišć na nich, zo so přichodnje chłostajomnych njeskutkow wzdadźa“, měni Hermann Jöst, nawjedowacy statny rěčnik Zhorjelskeho statneho rěčnistwa.
To a tamne (09.09.21)
Kreatiwnu formu lěnjopasenja je sej financny zastojnik w Šwedskej wumyslił. Přistajeny dawkoweho zarjada je hodźiny dołho sam na so zwonił. Kaž nowiny rozprawjeja, běše telefon muža cyłkownje 55 hodźin blokowany. Za to bě wón ze słužbnym aparatom swój mobilny telefon zazwonił a bě tak „wobsadźeny“. Wonkowne telefonaty posrědkowachu tamnym sobudźěłaćerjam. Šefej skónčnje wěčne telefonaty napadnychu. Zastojnik smě nětko z pušćenjom ličić.
Klasiski to pad w krótkej přestawce na awtodróhowym wotpočnišću. Nan je na A2 pola Hannovera swoju 16lětnu dźowku zabył. Swójba bě krótko pozastała, zo móhł wón wustupić hić, mać w awće spaše. Štož muž njewědźeše: Tež dźowka bě na nuznik šła. Tak wón dale jědźeše. Holca prošeše druhich wo pomoc, kotřiž nana a mać telefonisce informowachu.
Zdźěla jasne wuprajenja k serbskim naležnosćam
Wólbne zarjadowanje direktnych kandidatow z regiona za wólby Němskeho zwjazkoweho sejma njeje ludźom w publikumje při rozsudźe za wólbny rozsud pomoc dać móhła.
Čorny Chołmc (JK/SN). Direktni kandidaća a zastupjerjo wjacorych stron wěnowachu so na wčerawšim wólbnym forumje w Čornochołmčanskim Krabatowym młynje naležnosćam serbskeje Łužicy, kubłanskim problemam, wužadanjam strukturneje změny a dalšemu wobstaću serbskeho ludu. Na zarjadowanje přeprosyli běchu Hajko Kozel (Lěwica), Benedikt Dyrlich (SPD) a Robert Krawc (Zeleni). Na jewišću žurle běchu zastupjerjo sakskeje SPD, FDP, Lěwicy, Zelenych a Swobodnych wolerjow městno zabrali. Cosima Stracke-Nawka z Budyšina je zarjadowanje přeswědčiwje a jara derje přihotowana moderěrowała.
Kandiduja za wólby zwjazkoweho sejma
Serbske Nowiny maja na hornjołužiskich direktnych kandidatow z wólbneju wokrjesow 156 a 157 slědowace prašenja:
Marko Schmidt kandiduje za Lěwicu we wólbnym wokrjesu 157.Florian Oest nastupi we wólbnym wokrjesu 157 za CDU.Harald Prause-Kosubek kandiduje za SPD we wólbnym wokrjesu 157.5.Wobydlerjo w Němskej su dale a starši. Kak zaručiće, zo njeznapřećiwjeja so waše rozsudy zajimam młodostnych?Stefan Heinke – Die Basis
1.Najjednoriši a najefektiwniši srědk scyła – bazowa demokratija – je jenički skutkowny srědk přećiwo lobbyizmej koncernow, kotryž naš srjedźny staw wohroža. Regionalne kołoběhi hospodarstwa móža so hakle prawje wuwiwać, hdyž so poměr mocow na dobro wobydlerjow přeměni.
2.Trjebamy wot zajimowych zwjazkow njewotwisnu wědomosć, zo bychmy situaciju pohódnoćić móhli. Dźe-li wo to, mjenje wuhlikoweho dioksyda wustorkować, je přetwar hospodarstwa k wjetšej regionaliće wažny. Globalneho wikowanja so zdalować rěka tež srjedźny staw a regionalitu skrućić.
Žada sej wujasnjenje
Berlin (dpa/SN). Fachowča FDP za zakitowansku politiku Marie-Agnes Strack-Zimmermann na tym wobstawa, warnowanja z Washingtona před spěšnym dobyćom talibanow w Afghanistanje wujasnić. To potwjerdźi wona dźensa w rańšim magacinje telewizije ZDF. Pječa bě němske wulkopósłanstwo we Washingtonje hižo 11. awgusta pisomnje před dramatiskim wuwićom w Afghanistanje warnowało. Zakitowanska ministerka Annegret Kramp-Karrenbauer (CDU) twjerdźi, zo je to hakle 23. awgusta zhoniła.
Proces nadpadow dla
Paris (dpa/SN). W francoskej stolicy Parisu započa so dźensa proces zahubnych islamistiskich terorowych nadpadow w Parisu před nimale šěsć lětami ze 130 mortwymi a 350 zranjenymi. Wobskorženych je 20 podhladnych, mjez nimi posledni hišće žiwy atentatnik. Ekstremisća běchu 13. nowembra 2015 na koncertnej žurli „Bataclan“ 90 ludźi zatřělili. Nimo toho na wjacorych městnach na wopytowarjow barow a hosćencow třělachu a mnohich morichu.
Weber wjace njekandiduje
Kandidatka SPD za wólby zwjazkoweho sejma we wólbnym wokrjesu 156 ...
Ministrej problemy rozłožić móhli
Budyšin (SN/MkWj). Zapósłancej CDU w Sakskim krajnym sejmje Markej Šimanej z Budyšina so njedawno něšto poradźi, wo čož bě wón dołho wojował: wosobinska rozmołwa ze zwjazkowym ministrom za hospodarstwo Peterom Altmaierom (CDU) w naležnosći strukturneje změny we Łužicy w zwisku ze skónčenjom zmilinjenja brunicy. Wo tym je Budyšan wčera na nowinarskej rozmołwje informował. Nastała bě myslička so zetkać na tak wysokej runinje w Hornjołužiskej předewzaćelskej iniciatiwje, kotraž eksistuje wot lěta 2018.
Laschet pola Macrona w Francoskej
Düsseldorf/Paris (dpa/SN). Połtřeća tydźenja do wólbow zwjazkoweho sejma je francoski statny prezident Emmanuel Macron dźensa kanclerskeho kandidata CDU/CSU Armina Lascheta k wosobinskej rozmołwje přijał. Předwčerawšim, póndźelu, bě hižo kanclerski kandidat SPD Olaf Scholz z hosćom pola Macrona w Pariskim Élyséejowym palasće. Ministerski prezident Sewjerorynsko-Westfalskeje Laschet bě so w oficialnej funkciji jako społnomócnjeny zwjazkoweho knježerstwa za němsko-francoske kulturne poćahi do francoskeje stolicy podał. Macron a Laschet staj so hižo wospjet zetkałoj. Dźensniše bilateralne zetkanje pak bě prěnje po nominaciji premiera za kanclerskeho kandidata unije. Kandidatka Zelenych Annalena Baerbock je so porno tomu toho wzdała, Macrona hišće do wólbow 26. septembra wopytać.
Hladajo na špatne wuslědki woprašowanjow steji Laschet pod wosebje wulkim ćišćom. SPD je CDU/CSU w naprašowanjach přesćahnyła. Unija ma runje hišće 20 procentow hłosow.
