Křižowka (06.11.20)
Wodorunje: 3 wobuće, 5 kopar mustwa FC Bayern, 6 Schnabel serbsce, 7 špatny čłowjek, 10 zwjeršna drasta, 13 hospodarski plan, 14 skandal, njelubozny podawk, 15 přistojne, sprawne zadźerženje
Padorunje: 1 je wokoło šije, 2 ryba, 3 je na hłowje, 4 sewjerozapadoeuropski kraj, 8 chorosć dychanja, 9 jednacy, 11 bywši serbski rozhłosownik, 12 něhdyši juhosłowjanski prezident
Protyka (06.11.20)
Sobotu 7. a 8.11. Dźeń wotewrjenych hornčernjow, mjez druhim pola Barchmannec w Bóšicach
Sobotu 7.11. 11:45 Wuhladko w telewiziji MDR
Njedźelu 8.11. 16:00 Serbske kemše w cyrkwi swj. Antonija w Drježdźanach-Lubitowje (Löbtau)
16:00 Žohnowanje rowow w Radworju
19:00 Spominanje na wopory pogromoweje nocy z nutrnosću w Budyskim klóšterku klarisow
Wutoru 10.11. 18:30 Posedźenje zaměroweho zwjazka za wopłóčki Při Klóšterskej wodźe w Porchowje
Srjedu 11.11. Swjateho Měrćina
18:00 Wuradźowanje Radworskeje gmejnskeje rady
Rozhłós (06.11.20)
njedźelu hornjoserbsce
11:00 Łužica tutón tydźeń
11:20 Zjeće temoweho tydźenja „Naše wsy w běhu 30 lět“ z wurězkami Jana Pawoła Nagelowych „Serbskich rejow“
12:00 Nabožne wusyłanje
(Jadwiga Malinkowa)
po tym zbožopřeća
delnjoserbsce
12:30 Aktualny magacin, mjez druhim wo digitalizaciji zawostajenstwa Bogumiła Šwjele
13:00 Erwin Hanuš – wučer, přełožowar, žurnalist a basnik
13:40 Nabožne wusyłanje
(Cyril Pjech)
po tym zbožopřeća
Korona we Wuhladku
Jeno z terminom
Pokiwy (30.10.20)
Zapokazaja superintendenta
Hodźij. Ze swjedźenskej Božej mšu w Hodźijskej cyrkwi swj. Pětra a Pawoła budźe na reformaciskim dnju, 31. oktobra, w 14 hodź. nowy serbski superintendent Krystof Rummel do zastojnstwa zapokazany. 47lětny naslěduje superintendenta Jana Malinka, kiž je so w lěću na wuměnk rozžohnował. Rummel je dwanaće lět dołho Hodźijski wosadny farar a budźe dźěło tež dale wukonjeć. Tu je hakle jako dorosćeny serbšćinu nawuknył. Do toho bě mjez druhim jako młodźinski farar w Rudnych horinach skutkował.
Dalši žarowanski kruh
Chrósćicy. Žarowanskaj přewodźerjej Regina Krawcowa ze Smječkec a Tomaš Pěčka ze Sernjan poskićataj znowa serbski žarowanski kruh. Prěnje zetkanje budźe štwórtk, 5. nowembra, w 17 hodź. w Chróšćanskej putniskej hospodźe. Zajimcy měli so pola hospicneje słužby w Kamjencu pod tel. čisłom 0 35 78 / 37 43 12 abo pola Reginy Krawcoweje pod čisłom 01 74 / 7 01 94 87 přizjewić.
Wustajeńca pozdźišo
Hnydom dwaj košej połnej hribow, předewšěm maronow, su tele dny ...
Čitajće w nowym rozhledźe (30.10.20)
Z Wjelećina pochadźacu Evu Gaeding znaja mnozy jako swobodnu awtorku, mjez druhim skutkuje za sćelak MDR. Poprawom pak je wona studowana molerka. Jeje twórba „Acker“ na aktualnym titulu Rozhlada poda dohlad do jeje skutkowanja. Archeologowka Katharina Schmeiduch dźěła wot julija w mjeztym zaso wotewrjenym Radušanskim słowjanskim hrodźišću. W interviewje powěda wo archeologiji, wo swojim slědźerskim projekće – zwukowych šćerkotawach – a wězo wo swojim nowym městnje skutkowanja.
Žohnowanja rowow přestorčene
Nastupajo napjate połoženje kornakrizy dla dóńdźe w někotrych serbskich katolskich wosadach k změnam. Tak změja w Chrósćicach njedźelu zaso po zwučenym wašnju kemše. Božu słužbu wusyłaja w interneće přez livestream. Wotpowědny link Katolski Posoł pod www. posol.de wozjewi. Kaž pak farar Měrćin Deleńk zdźěli, nyšpor ze žohnowanjom rowow Wšěch swjatych njedźelu njebudźe, jón na pozdźiši termin přestorča.
W Radworju změja na swjedźenju Wšěch swjatych njedźelu, 1. nowembra tež zaso kemše po zwučenym wašnju w 9 hodź. (serbsce) a w 10.30 hodź. (němsce). Žohnowanje rowow 1. nowembra tam a 2. nowembra w Zdźěri tohorunja njebudźe. Wobrjad pozdźišo nachwataja. K wopomnjeću Chudych dušow póndźelu, 2. nowembra, budźe w Radworju Boža mša we 18.30 hodź. W Zdźěri kemšow njebudźe. Cyrkej w Radworju je wodnjo stajnje k wosobinskemu modlenju wotewrjena, zdźěla Katolski Posoł.
W Ralbicach su kemše na swjedźenju Wšěch swjatych njedźelu, 1. nowembra, w 10.30 hodź. Nyšpor je w 14 hodź. Boža mša k wopomnjeću Chudych dušow z požohnowanjom rowow njebudźe póndźelu, 2. nowembra, ale pozdźišo.
