Nowe stare mjena
Ćežišćo přichodneho telewizijneho magacina „Łužyca“ je reportaža wo wozrodźenju serbskich pomjenowanjow w Strjažowje. Christian Matthée je sej tamniše statoki wobhladał a so jich wobydlerjow woprašał, hač a čehodla su so z akciju – snano – na přikładźe Dešnjanskich susodow orientowali.
Nimo toho rozhladowachu so telewiznicy w Choćebuskej Witaj-pěstowarni „Villa Kunterbunt“ a jutře rozprawjeja, kak w dźěćacym dnjowym přebywanišću tuchwilne wužadanja zmištruja.
Slědowacy přinošk pedagogisku temu tohorunja wobswětla. W srjedźišću steji prašenje, kak móhł kraj Braniborska serbskorěčne wukubłanje podpěrować.
Wědomosć a historiske hospodarstwo so w přichodnym wudaću „Łužycy“ hnydom dwójce jewitej. We wobłuku „Namakanki“ zarjaduja a posudźuja fachowcy stare pjenjezy, kotrež buchu z archeologiskimi slědźenjemi wědomostnikow kaž tež lajkow w regionje wotkryte. K tomu hodźi so rozprawa wo nowych dopóznaćach nastupajo „wikowanske drohi starych Słowjanow“.
Pokiwy (09.04.21)
Baletny wječor jako livestream
Budyšin. „Hdyž z pomocu pohiba komunikujemy, potom stej rum a bliskosć jara wažnej. Žiwjenske rumy so měnjeja, zwučeny swět so nadobo hinak wokoło wjerći. Mjenje zamołwitosćow, mjenje terminow, mjenje stresa, mjenje socialnych kontaktow; wjac časa, wjac měra – je to woprawdźe lěpše žiwjenje? Tele změny tworja městno za nowostki. Rejwarki a rejwarjo pod nawodom baletneje mišterki Serbskeho ludoweho ansambla Mije Facchinelli pokazuja změny na jewišću“, w zdźělence SLA rěka.
Baletny wječor „W stwičce“ wěnuje so wuwědomjenju zranitosće čłowjeka a njesměrnej mocy rejowanja. Dalše ćežišća su na přikład moralka, rozum kaž tež začuće, zo smy čas zhubili.
Jeli wobstejnosće to dowola, chcedźa Biskopičansku Galeriju Carla ...
Płastowka (09.04.21)
Protyka (09.04.21)
Pjatk 9.4. 19:30 Baletny program Serbskeho ludoweho ansambla „W stwičce“ w livestreamje
Njedźelu 11.4. 16:00 Serbska Boža mša z fararjom Gabrišom Nawku w Drježdźanskej cyrkwi swj. Antonija na Bünauskej dróze 10
Srjedu 14.4. 18:00 Diskusija Konrada Adenaueroweje załožby „Jedyn lud, jedyn hłós!? Politiska participacija Serbow w Sakskej“, mjez druhim z bywšej zapósłanču zwjazkoweho sejma Marju Michałkowej a Slepjanskim wjesnjanostu Jörgom Fundu
19:00 Bjesada na Rakečanskej farje
Pjatk 16.4. 19:30 Hudźbny kabaret z Michaelom Renzom a Edgarom Mayom w Slepjanskim Serbskim kulturnym centrumje
Sobotu 17.4. 10:00 Wuradźowanje Serbskeho sejma
Njedźelu 18.4. Zahajenje „zeleneje sezony“ Kulowskeho jěchanskeho towarstwa na tamnišim jěchanišću
Wutoru 20.4. 10:00 Wotewrjenje Budyskeho Serbskeho muzeja z wustajeńcu „Swoboda kiwa! Serbja a mjeńšinowe prašenje po 1918“
Srjedu 21.4. 17:00 Spominanje na Michała Rostoka w Husce
18:00 Diskusija Załožby Konrada Adenauera „Młodźi a dynamiscy – Perspektiwy do přichoda za Serbow“, mjez druhim z předsydu Domowiny Dawidom Statnikom kaž tež z Helenu Hejduškec a Jakubom Wowčerjom z młodźinskeho towarstwa Pawk
Rozhłós (09.04.21)
njedźelu hornjoserbsce
11:00 Łužica tutón tydźeń
11:20 Hebrejšćina a serbšćina
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim z přinoškom wo ročku, ptaku lěta 2021, a z pokročowanjom rjadu „Kukowske kokule – Report z Hornjeje Łužicy“ wo lětušich křižerjach
13:00 Hudźba po přećach připosłucharstwa
13:40 Nabožne wusyłanje
(Christiana Piniekowa)
po tym zbožopřeća
Wosebite pječwa słušeja k jutram kaž jejka a wot zaječka schowane ...
Křižowka (01.04.21)
Wodorunje: 3 čas do jutrow, 5 pomocnik při wuwalenjach, 6 hojenska a słodowa rostlina, 7 Staub serbsce, 10 Jank a ..., 13 jězdźidło, 14 starobny pjenjez, 15 Gehirn serbsce
Padorunje: 1 warjaca so woda, 2 zdźělenka, 3 čěska stolica, 4 krótki spar, 8 wjes pola Běłeje Wody, 9 nic strowy, 11 roman Zole, 12 jězor w Aziji
Protyka (01.04.21)
Štwórtk 1.4. 20:00 Serbski ludowy ansambl wobrubi Božu mšu k wopominanju poslednjeje wječerje w Chróšćanskej farskej cyrkwi
20:00 Serbski ludowy ansambl wobrubi Božu mšu k wopominanju poslednjeje wječerje we Wotrowskej farskej cyrkwi
Pjatk 2.4. 15:00 Serbski ludowy ansambl předstaji Alojsa Hantušowy pasion po swj. Janu w Chróšćanskej farskej cyrkwi
Njedźelu 4.4. 5:00 Jutrowne spěwanje před Slepjanskej cyrkwju
6:00 Jutrowne spěwanje we Wuježku
7:00 Jutrowna nutrnosć na Rownjanskim kěrchowje
9:00 Boža mša w livestreamje z Kulowa
9:00 Boža mša w livestreamje z Chrósćic
9:30 Jutrowne kemše z generalnym superintendentom na wuměnku Martinom Herchu w Slepom
Póndźelu 5.4. 8:30 Serbski ludowy ansambl wobrubi jutrownu Božu mšu w Ralbičanskej farskej cyrkwi
Pokiwy (01.04.21)
Wirtuelny hudźbny festiwal
Choćebuz. Předewzaćelska towaršnosć Scandale a zjednoćenstwo Pisane dwórnišćo, wobě z Choćebuza, přeprošatej jutře, 2. apryla, kaž tež zajutřišim na „Festiwal 360 stopnjow“. Mjez druhim wustupja tam łužiske resp. serbske hudźbne skupiny Randale Orchester, Disco Fatale & Scarlotte, Svperfvtvre a Hara Crash. Wosebitosć lětsa jeničce wirtuelnje přistupneho zarjadowanja je, zo móža přihladowarjo wuměłcow takrjec direktnje na jewišću a dźakowano wosebitym kameram ze wšěch móžnych perspektiwow wobkedźbować. Link k darmotnemu livestreamej nańdu zajimcy pod www.bunterbahnhof.de.
SLA Bože mšě hudźbnje wobrubi
Budyšin. Čłonojo orchestra a chóra Serbskeho ludoweho ansambla wobrubja ćichi/wulki pjatk kaž tež jutry wjacore serbske Bože mšě. Jutře, 2. apryla, předstaja spěwarki a spěwarjo w 15 hodź. we wobłuku liturgije pasion po swj. Janu, skomponowany wot Alojsa Hantuša. Jutrownu póndźelu hudźa a spěwaja ansamblowcy na kemšach w Radworju a Ralbicach.
