1 nic dialog,

2 nic Delany,

3 zegery,

4 płaćeny pjenjez za přinoški

w medijach,

5 karta při hrach kaž škot,

6 muske sorny

Na wosebity mejski nyšpor

Róžant. Towarstwo Cyrila a Metoda přeprošuje zajutřišim, njedźelu, 24. meje, na mejski nyšpor do Róžeńčanskeje putniskeje cyrkwje. Wosebity mejski nyšpor wobrubi hudźbnje saksofonistka Kira Hrjehorjec. Dokelž njeje w swjatnicy koronakrizy dla telko městna, změja wěriwi składnosć nyšpor wonka sćěhować. Tam budu přidatne městna k sedźenju přihotowane. Započatk je w 17 hodź.

Žane škotowanje

Lubij. Kartyplacanja serbskich seniorow so tuchwilu najprjedy raz njewotměja. To zdźěli hłowny organizator serbskich seniorowych škotowych turněrow Měrćin Nowak. Jako přičinu mjenuje wón tuchwilne połoženje koronapandemije dla. Hdy a hdźe přichodny turněr přewjedu, njeje hišće jasne. Nowy termin Lubijčan Nowak sčasom zdźěli.

Mali a wulcy slědźerjo witani

njedźelu, hornjoserbsce

11:00 Łužica aktualnje z powěsćemi tydźenja, mjez druhim „digitalne mejemjetanje w Radworju“

11:20 Tematiske wusyłanje: Digitalizacija serbšćiny

12:00 Nabožne wusyłanje  

(farar Daniel Dzikiewicz)

po tym zbožopřeća

delnjoserbsce

12:30 Postrow za dźěći, powěsće a aktualne přinoški wo podawkach tydźenja w Delnjej Łužicy

13:00 Tematiske wusyłanje: Koncert po přećach słucharjow

13:40 Nabožne wusyłanje

 (Cyril Pjech )

po tym hudźba tydźenja a zbožopřeća

Wustajeńcu dlěje pokazuja

Budyšin. Serbski muzej w Budyšinje swoju lětušu wosebitu wustajeńcu „Jutry w Serbach“ dlěje pokazuje. Kaž z muzeja rěka, wostanje přehladka hač do 23. awgusta přistupna. Wosebitosće přehladki su mólby ­Maria Ošiki „Křižowy puć“ kaž tež dalše twórby z jutrownymi motiwami. ­Widźeć su nimo toho dobyćerske kolekcije lě­tušeho wubědźowanja wo naj­rjeńše jutrowne jejko. Zastup do muzeja je jeno ze škitom za ­hubu a nós móžny. Serbski muzej je wot wutory do nje­dźele stajnje wot 10 do 18 hodź. wo­tewrjeny. Zajutřišim na dnju wotewrjeneho muzeja je zastup darmotny.

Wjac hač 2 500 jejkow

Drjowk. Tež Serbska tkalčernja w Drjowku přeproša na wopyt. Wot 12. meje je tam we wustajeńcy wjac hač 2 500 jejkow z cyłeho swěta widźeć. Přehladka budźe hač do kónca septembra přistupna. Koronawirusa dla smědźa stajnje jeno štyrjo zajimcy naraz ze zakryćom huby a nosa do tkajerskeje stwy, kotryž je wot wutory do njedźele w času wot 13 do 17 hodź. wočinjeny.