Pjatk 3. do 5.9.   Wjesny swjedźeń we Wotrowje

Pjatk 3.9. 21:00 Summer-ending-openair we Wotrowje

Sobotu 4.9. 19:30 Předstajenje oratorija „Hrodźišćo“ Měrćina Weclicha­ w Budyskej „Krónje“

Njedźelu 5.9.   Dźeń wotewrjenych duri w Schmiedebergskim Winfriedowym domje

   Holanski swjedźeń we Wochožanskim parku błudźen­kow

  14:00 Blackbird-run w Hózku

  14:00 Nyšpor a poswjećenje ponowjeneho modlerskeho stołpa při Łazkowskim lěsu

  16:00 Předstajenje oratorija „Hrodźišćo“ Měrćina Weclicha­ w Budyskej „Krónje“

  17:00 Čitanje ze spisowaćelom Marcom Kunzom w Budy­skim hosćencu „Wjelbik“

Póndźelu 6.9. 18:00 Wosebite zarjadowanje Domowiny składnostnje 20. róčnicy šulskeho zběžka w Chrósćicach

Wutoru 7.9. 14:00 21. srjedźnostawski dźeń BVMW na Butrowej horj­e w Biskopicach

  18:00 Forum k wólbam zwjazkoweho sejma dźěłoweho wuběrka serbskich zastupnikow SPD, Lěwicy a Zelenych w Čornochołmčanskim Krabatowym młynje

Modla so kadiš

Budyšin. Lětuša modlitwa kadiš za zamordowanych Budyskeje židowskeje wosady wotměje so njedźelu, 5. septembra, w 17 hodź. na židowskim pohrjebnišću na Mužakowskej dróze. Mužojo njech njezabudu na čapku. Nimo toho poručeja škitny nahubnik wužiwać. Wopomi­nanje woporow holocausta z Budyšina a wokoliny wotměwaja wot 1990 kóžde lěto.

Termin online skazać

Budyšin. Nowy elektroniski system, z kotrymž móžeš sej terminy za přizjewjernju a stawnistwo online dojednać, maja w Budyskim měšćanskim zarjadnistwje. Tale forma online-skazanja je načasna a při wulkim wobjimje naprašowanjow tež trěbna, rěka z měšćanskeho zarjadnistwa. Termin dojednać móža sej zajimcy pod www.bautzen.de.

Kupjel zaso wočinjena

Kamjenc. Po tym zo su minjene dny wjacore kupjele pod hołym njebjom wjedra dla sezonu dočasnje skónčili, móhła Kamjenska halowa kupjel za to alterna­tiwa być. Kupjel budźe wot 6. septembra po zwučenych časach wočinjena a so na wopytowarjow wjeseli. Sobotu, 25. septembra, pak wostanje zarjadowanja dla cyły dźeń zawrjena.

Kak běchu słužowne žiwe?

njedźelu hornjoserbsce

11:00 Łužica tutón tydźeń, mjez druhim z přehladom powěsćow

11:20 Jubilej: 20 lět serbski telewizijny magacin Wuhladko

12:00 Nabožne wusyłanje

(Gabriš Nawka)

po tym zbožopřeća

delnjoserbsce

12:30  Aktualny magacin, mjez druhim z přinoškomaj wo kon­cerće SERBPOP 2.0 a wo 675lětnych stawiznach Brěznje

13:00 Tematiske wusyłanje: Historiski pohlad na zastup do šule

13:40 Nabožne wusyłanje

(Katharina Köhlerowa)

po tym zbožopřeća

Spočatk septembra 2001 měješe hornjoserbski magacin telewizije MDR Wu­hlad­ko swoju premjeru. W najnowšim wudaću jutře, sobotu, w 11.45 hodź. zhladuja na kulowatu róčnicu, a to z dopomnjenkami koleginow a kolegow kaž tež wurězkami z dweju lětdźesatkow telewizije za dwurěčnu Hornju Łužicu. Mjez druhim póńdźe wo Chróšćanski šulski zběžk, štož bě wusahowacy podawk před 20 lětami, dokelž su Serbja prěni raz swoje narod­ne wočakowanja před zjawnosću z jasnymi słowami wuprajili. A hačrunjež njebě zběžk wuspěšny, njeje wón zaby­ty. Dale předstaja jutře filmowcow zwěriny Pětra a Stefana Symanka. Wonaj słušataj k filmowcam, kotřiž wot spo­čatka a prawidłownje za Wuhladko rozprawjeja – a to nic jenož wo historiskich podawkach, politiskich a stawi­zniskich pozadkach. Jedyn z jeju wose­bitych konikow je přirodowy film. Z tutej zahoritosću staj bratraj fascinaciju łužiskeje zwěriny z dotal wjace hač połsta přinoškami jara wjele zajimcam spřistupniłoj.