Pokiw (28.08.17)
Kedźbu, delanscy spěwarjo!
Konjecy. Aktualneho termina dla započnje Serbski muski chór Delany ze swojej přichodnej probu poł hodźiny prjedy. Spěwarjo zetkaja so tuž jutře, 29. awgusta, hižo we 18.30 hodź. k zwučowanju w burskej stwě Konječanskeho towarstwoweho domu.
Žnjenc a požnjenc stej tradicionelnje měsacaj žnjenskich ...
Pokiwy (25.08.17)
Rozžohnuja lěćo
Wotrow. Wulku party pod hesłom Summer-ending-openair maja zaso we Wotrowje. Dokelž přewjedu ju wot dźensnišeho do 27. awgusta pjaty raz, chcedźa dźensa a sobotu hnydom dwójce wulce swjećić. Za to wočakuja dźesać DJjow. Jich paleta saha wot hudźby z 80tych lět hač k směram black, house, elektro a techno. Dźensa je zastup darmotny, jutře płaći wón hač do 22.30 hodź. pjeć, pozdźišo sydom eurow.
Finisaža wustajeńcy
Budyšin. W Budyskim Serbskim muzeju zakónča njedźelu, 27. awgusta wustajeńcu „Pjeć lětstotkow. Serbja a reformacija“. Tón dźeń wodźi Jan Malink w 15 hodź. po wustajeńcy, w 17 hodź. čini to němsce. W 16 hodź. započnje so literarno-hudźbny program, wuhotowany wot basnicy Měrany Cušcyneje a wot chóra Budyšin.
Jubilej při wodarni
Protyka (25.08.17)
Pjatk 25. a 26.8. Summer-ending-openair we Wotrowje
25. do 27.8. Nukstock w Nuknicy
Swjedźeń pod Budyskej Starej wodarnju
18:30 Wubědźowanje wohnjowych woborow we Wotrowje
19:30 Serbski ludowy ansambl předstaji program „Wobkuzłaca klasika“ na Mortkowskej Jakubecec twjerdźiznje
Sobotu 26. a 27.8. 25. domizniski a drastowy swjedźeń w Bórkowach
22. mjezynarodne hornjołužiske lenowe dny w Ramnowje
8:30 Domizniske wiki w Lubnjowje
15:00 Swjedźeń při pjecy w Njebjelčicach
Njedźelu 27.8. 9:30 Němsko-serbske kemše a hudźbne dopołdnjo z čěskej skupinu Lidová muzika z Chrástu na Trjebinskim Šusterec statoku
11:00 Holanski swjedźeń we Wochožanskim parku błudźenkow
15:00 Swójbne popołdnjo a finisaža wustajeńcy „Pjeć lětstotkow – Serbja a reformacija“ z literarno-hudźbnym programom z basnicu Měranu Cušcynej a chórom Budyšin w Budyskim Serbskim muzeju
Póndźelu 28.8. 17:00 Beachvolleyballowy turněr wo pokal Radija Satkula w Miłočanskej Bobkec jěchanskej hali
Wutoru 29.8. 19:00 Přednošk Budyskeho kluba wuchowarjow rěče „Słowjanskosć w němskim słowoskładźe“ w rumnosćach towarstwa Swětłownja Majak na Budyskej Nagelowej
Rozhłós (25.08.17)
njedźelu hornjoserbsce
11:00 Łužica tónle tydźeń, mjez druhim wo festiwalu Nukstock
11:20 Nowa serbska hudźba
11:45 40 lět lajska dźiwadłowa skupina Chrósćicy
12:00 Nabožne wusyłanje
(Christoph Rummel)
po tym zbožopřeća
delnjoserbsce
12:30 Aktualny magacin, mjez
druhim wo přihotach žnjoweho swjedźenja w Radušu
13:00 Powěsćowe postawy w serbskej hudźbje
13:30 Nabožne wusyłanje
(Madlena Norbergowa)
po tym zbožopřeća
Wólbna protyka (24.08.17)
Přeprošatej na rozmołwu
Budyšin. Načolna kandidatka Lěwicy Katja Kipping a direktna kandidatka strony za wólby Němskeho zwjazkoweho sejma we wólbnym wokrjesu Budyšin I Caren Lay přeprošatej wobydlerjow jutře, pjatk, wot 17.30 do 19 hodź. na wosobinsku rozmołwu na swoje čerwjene křesło, kotrež budźe na Budyskich Žitnych wikach stać. Tam změja zajimcy składnosć, wo politiskich temach so rozmołwjeć a so wo zaměrach Lěwicy wobhonić.
Do kina (24.08.17)
24.8.2017 – 30.8.2017 Budyski filmowy palast: Atomic Blonde: wšědnje 17:15 a 19:45 (nimo wu a srj) | wu a srj 19:30 | pj a so 22:15 Terminator 2 – Tag der Abrechnung: wu 20:00 Killer’s Bodyguard: srj 20:00 Bullyparade: wšědnje 14:45 (nimo pj, pó a srj), 18:15 (nimo pó) a 20:30 (nimo pó) | pó 18:00 a 20:15 | pj a so 22:30 Bigfoot Junior: štw, so, nj a wu 14:00 | nj 12:00 Bigfoot Junior w 3 D: wšědnje 17:15 Der dunkle Turm: pj 20:00 | pj a so 22:15 Dunkirk: wšědnje 20:00 (nimo pj a pó) Planet der Affen – Survival w 3 D: wšědnje 19:300 (nimo wu a srj) Emoji: so, nj a wu 14:00 Emoji w 3 D: nj 12:30 Valerian – Die Stadt der tausend Planeten: pj a so 22:15 Das Pubertier: wšědnje 18:00 (nimo pó) Ich – Einfach unverbesserlich: wšědnje 16:00 (nimo štw) | nj 12:00 Ostwind 3 – Aufbruch na Ora: wšědnje 16:00 (nimo pó) | štw, so, nj a wu 14:45 | nj 12:15
Kino-ekstra: Der wunderbare Garten der Bella Brown: pó 17:15 a 20:15
Pokiwy (23.08.17)
Poskitk wučerjam
Budyšin. Nowy poskitk Němsko-Serbskeho ludoweho dźiwadła „KuBiMoBil“ chcedźa jutře, štwórtk, wot 14 do 16 hodź. w Budyskim Dźiwadle na hrodźe wšitkim zajimowanym wučerjam předstajić. Z projektom podpěruja šulerske jězby do dźiwadła, muzeja abo druheho kulturneho zarjadnišća w kulturnym rumje Hornja Łužica-Delnja Šleska hač do 60 procentow a zwjazuja je z přewodźacym pedagogiskim poskitkom. Jutřiše informaciske zarjadowanje móža sej wobdźěleni wučerjo jako dalekubłanje wobkrućić dać.
Wobkuzłaca klasika zaklinči
Mortkow. Dalši koncert we wobłuku rjada „Wobkuzłaca klasika“ wuhotuje Serbski ludowy ansambl pjatk, 25. awgusta, w 19.30 hodź. na Mortkowskej Jakubecec twjerdźiznje. Tam zaklinča mjez druhim twórby Korle Awgusta Kocora, Detlefa Kobjele kaž tež Wolfganga Amadeusa Mozarta a Georga Friedricha Händela. Nowosć je, zo chór SLA sobu skutkuje. Tak móža mjez druhim twórbu Händela „Dixit Dominus“ prezentować.
Z kosu syc wuknyć
Pokiwy (22.08.17)
Na Maćičnu akademiju
Budyšin. Stawizniska sekcija Maćicy Serbskeje přeproša na dalše zarjadowanje, kotrež wotměje so štwórtk, 24. awgusta, w 19.30 hodź. w Budyskim „Wjelbiku“, na Žitnej 7. Tam přednošuje dr. Alexander Maxwell, stawiznar a docent Victoria-uniwersity w nowoseelandskim Wellingtonje, na temu „Serbšćina w słowjanskim swěće: taksonomija a napo- dobnjenje“. Přednošk budźe w němskej rěči, zastup je darmotny. Wšitcy zajimcy su wutrobnje witani.
Piknik a bjesada
Budyšin. Młodźinska idejowa konferenca Budyšina přeproša wšitkich zajimcow zajutřišim, štwórtk, wot 14 hodź. na Porschec łuki Při Bělenišćach (Bleichenstraße). Tam chcedźa zhromadnje sportować, grilować a na hudźbu słuchać. Při tej składnosći móže kóždy swoje ideje wo wuhotowanju sprjewineho města předstajić.
Přesadźuja howjada
