Protyka (13.04.17)
Pjatk 14. do 17.4. Jutry w Małowjelkowskim prazwěrjencu
Wustajeńca jutrownych jejkow w Patokec bróžni na Horach (stajnje wot 10 do 17 hodź.)
Jutrowna wustajeńca w Zabrodskim jutrownojejkowym muzeju (stajnje wot 10 do 17 hodź)
Jutrowna wustajeńca w Slepjanskim Serbskim kulturnym centrumje
10:00 Debjenje jutrownych jejkow w Budyskim Serbskim muzeju
10:00 Jutry w Hórnikečanskej energijowej fabrice
14:00 Debjenje jutrownych jejkow w Kamjenskim Muzeju zapadneje Łužicy
14:00 Jutrowne třělenje při Lubijskej wěži při hosćencu
16:00 Jutrowne spěwanje z chórom Łužyca w Dešnjanskej cyrkwi
19:30 Budyska wěžowa krimijowa nóc
Sobotu 15. a 16. 4. 10:00 Debjenje jutrownych jejkow w Budyskim Serbskim muzeju
11:00 Debjenje jutrownych jejkow a pokazka křižerja w Budyskej SKI
15:00 Jutrowny program z folklornej skupinu Sprjewjan a rejwanskej skupinu Smjerdźaca w Budyskim Serbskim muzeju
17:00 Folklorny program „Moja reja“ w Budyskim SLA
17:00 Jutrowne spěwanje w Čornym Chołmcu
18:00 Jutrowne trubjenje na Budyskim Hrodźišku
Njedźelu 16.4. 5:00 Jutrowne spěwanje w Rubynje
5:30 Jutrowne spěwanje před Slepjanskej cyrkwju
Pokiwy (13.04.17)
Zamyslenje we wopomnišću
Budyšin. Na „wulkopjatkowne zamyslenje“ přeproša Smochčanski Dom biskopa Bena jutře w 10 hodź. do Budyskeho wopomnišća na Weigangowej. Spominać budu tam na horjo woporow diktaturow 20. lětstotka. Přez jutry poskića we wopomnišću – wot 10 do 18 hodź. wotewrjenym – wšědnje tež w 11 a 14 hodź. zjawne wodźenja po wustajeńcach a wobchodźenje po něhdyšim jastwje Budyšin II.
W muzeju jejka debja
Budyšin. Hač do jutrowneje póndźele předstajeja ludowi wuměłcy w Budyskim Serbskim muzeju wšědnje wot 10 do 18 hodź. debjenje jejkow po serbskim wašnju. Sobotu, 15. apryla, w 15 hodź. wuhotujetej Smjerdźečanska rejwanska skupina a folklorna skupina Sprjewjan pisany jutrowny program. Zajimcy płaća za to jenož normalny zastup.
Wosebita wustajeńca
Slepo. Lětuša jutrowna wustajeńca w Slepjanskim SKC „Žiwjenski skutk a zahoritosć zběranja“ pokazuje mnohostronskosć wulkotnje pyšenych jutrownych jejkow debjerki Eriki RösenbergZosel z Běłeje Wody. Wustajeńca je wot jutřišeho pjatka do jutrowneje póndźele wot 13 do 17 hodź. přistupna.
Jutry na Erlichtec dworje
Rozhłós (13.04.17)
ćichi pjatk, hornjoserbsce
11:00 Aktualne powěsće
11:10 Ewangelscy křižerjo w katolskich procesionach
11:20 Serbski rekwiem
12:00 Ew. nabožne wusyłanje
(superintendent Jan Malink)
po tym hudźba
delnjoserbsce
12.30 Nabožne wusyłanje (Cyril Pjech)
12:40 Oratorij Korle Awgusta Kocora „Serbski rekwiem“
13:20 Woznam ćicheho pjatka za křesćanow
13:30 Jutrowne kulturne pokiwy z regiona a přehlad jutrowneho programa w delnjoserbskim radiju
jutrowničku, hornjoserbsce
11:00 Powěsće tydźenja z aktualnosćemi dnja – mjez druhim wo wujěchanju křižerjow
11:20 Oratorij Korle Awgusta Kocora a Handrija Zejlerja „Nalěćo“
12:00 Katolske nabožne wusyłanje
(farar Tomaš Dawidowski)
po tym zbožopřeća
delnjoserbsce
12:30 Aktualny magacin z powěsćemi tydźenja, mjez druhim přinošk „Prěnje serbske telewokno před 25 lětami“ a wo pryzlach w jutrownej nocy
13:00 Jutrowne wuchodźowanje
13:30 Nabožne wusyłanje (Cyril Pjech)
po tym gratulacije
jutry póndźelu, hornjoserbsce
11:00 Aktualne powěsće
11:10 „To běchu lětuši křižerjo“ – přehlad wo lětušich křižerskich procesionach z ličbami a podawkami
Do kina (13.04.17)
13.4.2017–19.4.2017 Budyski filmowy palast: Fast & Furious: wšědnje 15:00 (nimo pó), 16:30 a 19:30 | pó 14:30 | štw, pj, so a nj 22:45 Conni & Co – Das Geheimnis des T-Rex: nj 14:30 Die Schlümpfe: wšědnje 14:30 | wu a srj 10:15 | pó 12:30 Die Schlümpfe w 3 D: wšědnje 17:00 | pó, wu a srj 12:30 Die Häschenschule: wu a srj 10:15 | pó, wu a srj 12:30 Ghost in the Shell: wšědnje 20:00 (nimo pó) Ghost in the Shell w 3 D: štw, pj, so a nj 22:15 The Boss Baby: wšědnje 17:45 (nimo pó) | wu a srj 10:15 | pó, wu a srj 12:30 | nj 14:45 | pj, nj, pó a srj 20:00 The Boss Baby w 3 D: wšědnje 14:45 (nimo nj) Die Schöne und das Biest: wšědnje 14:30 (nimo nj) a 17:15 Die Schöne und das Biest w 3 D: wšědnje 19:30 Kong – Skull Island: štw, pj, so a nj 22:15 Power Rangers: wu a srj 12:30 Logan – The Wolverine: štw, pj, so a nj 22:30 Fifty Shades of Grey: štw, nj a wu 20:00 Bibi & Tina: wu a srj 10:00
Kino-ekstra: Die Blumen von gestern: pó 17:15 a 20:15
Wjacore lajske chóry hotuja so na dalšej předstajeni oratorija ...
Pokiwy (07.04.17)
Wo putnikowanju a hospodźe
Radwor. Štóž so za putnikowanje zajimuje, njech njeskomdźi přednošk Moniki Gerdesoweje dźensa, po kemšach, kotrež su w 19 hodź., w Radworskim „Słodeńku“, něhdyšej lutowarni. Chróšćanka porěči tam wo swojich putnikowanjach po Europje a wo hosćoch w swojej putniskej hospodźe. Přeprošujetej kružk młodych swójbow a chór Meja.
Do hudźbneje šule
Kamjenc. Jutře, 8. apryla, wot 14 do 17 hodź. su zajimcy do regionalneje wotnožki Budyskeje wokrjesneje hudźbneje šule na dźeń wotewrjenych duri witani. Zajimowanym staršim a jich dźěćom poskića tam přiležnosć, sej wšelake instrumenty zbližić. Fachowi wučerjo budu na prašenja hosći wotmołwjeć. We wobłukowym programje pokazaja hudźbni šulerjo swoje kmanosće.
Kak prjedownicy honjachu?
Budyšin. Jutře, sobotu, w 11 hodź. powjedźe muzejowy nawoda a archeologa dr. Jürgen Vollbrecht zajimcow po nowej wosebitej wustajeńcy Budyskeho měšćanskeho muzeja. Z archeologiskeho wida chce wón zajimcam hońtwu a žiwjenje w kamjentnym času spřistupnić a rozłožić.
W korčmach hejsować
Protyka (07.04.17)
Pjatk 7.4. 19:30 Reformaciski oratorij we Wojerowskej Janskej cyrkwi
19:30 Zakónčacy a mytowanski koncert sakskeho krajneho wubědźowanja „Młodźina hudźi“ na wulkej žurli Budyskeho Dźiwadła na hrodźe
20:00 Zahajenje wubědźowanja BEAT w Budyskim Kamjentnym domje
Sobotu 8. a 9.4. 25. jutrowne wiki w Nowej Łuce
Debjenje jutrownych jejkow na Rownjanskim Njepilic statoku
Srjedźowěkowski swjedźeń při Wojerowskim hrodźe
13:00 Debjenje jutrownych jejkow w Budyskim Serbskim muzeju
14:00 Debjenje jutrownych jejkow w Dešnjanskim domizniskim muzeju
14:00 Dźeń wotewrjenych duri w Kamjenskej wokrjesnej hudźbnej šuli
14:30 Zhromadne zwučowanje za projekt TCM „Serbske jutry“ w Chróšćanskej „Jednoće“
19:00 Balet SLA „Wobliča lubosće – Le sacre du printemps“ w Choćebuskim Piccolo-dźiwadle
19:00 Koncert Pije Dobisch & přećelow One-night-band w Čornochołmčanskim Krabatowym młynje
Njedźelu 9.4. 10:00 Archeologiska ekskursija podłu Wotrowskeho hrodźišća
13:00 Debjenje jutrownych jejkow w Budyskim Serbskim muzeju
14:00 Křižowy puć młodźiny w Njebjelčicach
Pokiwy (07.04.17)
Započnu kartki předawać
Budyšin. Za lětuše lětnje dźiwadło Němsko-Serbskeho ludoweho dźiwadła „Olsenowa cwólba wupućuje“ wot 8. junija hač do 16. julija započnu jutře, sobotu, zastupne lisćiki předawać. Wot 10.50 hodź. pokazaja prěnje wurězki z inscenacije. Z wubuchom z kanony Dołhich kadlow so w 11 hodź. předpředań oficialnje zahaji. Z napojemi a grilowanymi zakuskami budźe tohorunja wo ćělne derjeměće postarane. Dźiwadłowa kasa je hač do 18 hodź. wočinjena. Lisćiki rezerwować abo telefonisce skazać pak jutře móžno njebudźe.
Kedźbu, Serbja w stolicy!
Berlin. Přichodne serbske blido w Berlinje budźe srjedu, 12. apryla, w 16 hodź. na zwučenym městnje w hosćencu EINSTEIN KAFFEE na Friedrichowej 206. Tónraz chcedźa so wo hłownej a wólbnej zhromadźiznje Domowiny kónc měrca we Wojerecach rozmołwjeć, na kotrejž běštaj so čłonaj Berlinskeho srjedźišća SKI jako delegataj wobdźěliłoj.
Ze swjedźenjom zahaja sezonu
Rozhłós (07.04.17)
njedźelu hornjoserbsce
11:00 Łužica tutón tydźeń
11:20 Na łubi namakane
11:45 Darićel rjapoweho mozowca
12:00 Nabožne wusyłanje
(Florian Mróz)
po tym zbožopřeća
delnjoserbsce
12:30 Aktualny magacin, mjez druhim wo debjenju jutrownych jejkow w Rownom
13:00 Zajimawostki wo kiwkach
13:30 Nabožne wusyłanje
(Helmut Hupac)
po tym zbožopřeća
Pokiwaj (06.04.17)
Wustajeńca na hrodźe
Njeswačidło. Prěnju wustajeńcu lěta wotewru njedźelu, 9. apryla, w 15 hodź. na Njeswačanskim hrodźe. Druhi raz prezentuja tam swoje mólby seniorojo města Budyšina a cyłeho wokrjesa, zdźěla tež ze zdalenišich kónčin. Woni mjenuja prezentaciju „To je mój swět – moje žiwjenje“. Mnohotnosć a wšelakorosć motiwow wotbłyšćujetej lubosć a zahoritosć wuměnkarjow za molowanje. Přećeljo Njeswačanskeho towarstwa domizny a kultury wjesela so na mnohich zajimowanych hosći.
Serbske blido so zetka
Lipsk. Serbja z Lipska a wokoliny, kotřiž chcedźa z druhimi w swojej maćeršćinje pobjesadować, njech zapisaja sej přichodnu póndźelu do swojeje protyki. 10. apryla w 19 hodź. zetka so pjaty raz Lipšćanske serbske blido, a to znowa w kofejowni „Grundmann“ na Augusta Bebelowej 2. Wšitcy zajimcy su wutrobnje přeprošeni.
