Kulturne pokiwy (16.09.15)
Na nazymske chórowe spěwanje
Budyšin. Na 21. nazymske chórowe spěwanje su zajimcy 19. septembra w Budyšinje přeprošeni. Łužiske spěwne ćělesa zahudźa na wšelakich městnach sprjewineho města. Su to Wojerowski komorny chór, chór Serbskeho ludoweho ansambla, chór srjedźneho schodźenka Serbskeho gymnazija kaž hakle lěta 2012 załoženy Kaleidosowy chór z Habrachćic.
Dalšej dźěłarničce
Budyšin. Spěchowanski kruh za serbsku ludowu kulturu wuhotuje nazymu hišće dwě dźěłarničce. Hižo zajutřišim, pjatk, zahaji so w Žuricach dwudnjowska rězbarska dźěłarnička. Wot 23. do 25. oktobra přewjedu w Choćebuzu grafisku dźěłarničku. Tema wobeju zarjadowanjow je „Krabat“.
Na kofej w třoch do muzeja
Budyšin. Dosć młody je zarjadowanski format Serbskeho muzeja w Budyšinje „Kofej w třoch“. Přichodny raz steji 23. septembra w 15 hodź. pod hesłom „Wobrazy powědaja wo stawiznach“ wuměłska zběrka Serbskeho muzeja w srjedźišću. Přednošuje jeho nawodnica Christina Boguszowa. Zajimcy njech so prošu přizjewja.
Na superkokot
Na knižnu premjeru
Pokiwaj (15.09.15)
Wječork z wandrowskim
Konjecy. Na zajimawy wječor přeproša Domowinska skupina Šunow-Konjecy swojich čłonow a dalšich zajimcow pjatk, 18. septembra, w 19 hodź. w Konječanskej Čornakec-Nowakec bróžni. Tam porěči Chróšćan Franc Čornak wo swojim třilětnym dyrdomdejskim wandrowanju. A Jan Čornak chce pokazać, kak jeho młóćawa dźěła. Wo ćělne derjeměće budźe tohorunja postarane. Skupinske předsydstwo by so nad bohatym wobdźělenjom wjeseliło.
Sergej Lochthofen čita
Budyšin. Jedne ze zarjadowanjow festiwala Literarne krajiny wotměje so sobotu, 19. septembra, w 19.30 hodź. w Budyskim Dźiwadle na hrodźe. W Ruskej rodźeny žurnalist Sergej Lochthofen přisłuša trećej generaciji němsko-ruskeje swójby, kotraž je stalinizm wot Oktoberskeje rewolucije přez gulag hač k padnjenju murje dožiwiła. W knize „Grau“ rysuje wón na zakładźe swójskeho žiwjenskeho puća zwiski mjez Němskej a Ruskej.
Lubowarjo błótowskich krimijow smědźa so na pokročowanje ...
Protyka (11.09.15)
Pjatk 11.-13.9. Wojerowski měšćanski swjedźeń
19:00 Klasiski koncert na předwječoru nazymskich wikow přirody w Stróži pola Hućiny
19:30 2. Kamjenska narěč Feriduna Zaimogluwa w cyrkwi swj. Hany
Sobotu 12.9. 9:00 22. mjezynarodny Budyski měšćanski běh
10:00 Wiki přirody w Stróži pola Hućiny
11:00 Swjedźeń k 125lětnemu wobstaću Rakečanskeje dobrowólneje wohnjoweje wobory
14:00 Łapanje kokota w Drjenowje
15:00 Swójbne popołdnjo župy „Handrij Zejler“ we Wojerowskim župnym domje
19:30 Premjera pasionskeje hry „Wy sće swětło swěta“ w Chrósćicach
Njedźelu 13.910:00 Serbsko-němske kemše we Wětošowje
14:00 Serbske wosadne popołdnjo z Jürgenom Maćijom a fararku Jadwigu Malinkowej w Slepjanskim wosadnym domje
16:00 Předstajenje pasionskeje hry „Wy sće swětło swěta“ w Chrósćicach
18:00 Koncert duchowneje hudźby w Budyskej cyrkwi
Našeje lubeje knjenje
Wutoru 15.9. 10:00 Premjera NSLDź „Čmjeła Hana namaka přećela“ w Njebjelčanskej pěstowarni
18:00 Zahajenje čitanskeje turneje LND w Choćebuzu
Srjedu 16.9. 9:30 Předstajenje NSLDź „Čmjeła Hana namaka přećela“ w Budyskej AWO-pěstowarni „Kraj palčikow“
Pokiwy (11.09.15)
Geologa přednošuje
Budyšin. Silicijowy dioksid steji w srjedźišću přednoška geologi Jensa Czoßeka jutře, sobotu, w 15 hodź. w Budyskim muzeju. Tale maćizna je wobstatk nimale wšitkich nadzemskich kamjenjow, škleńcy, kompjuterow, murjow a samo čłowjeskeho ćěła. Czoßek referuje wo hórskich kristalach runje tak kaž wo požadanych opalach. Zarjadowanje wotměje so we wobłuku zjawnych přednoškow Budyskeho přirodowědneho dźěłoweho kruha Isis Budissina.
Duchowna hudźba zaklinči
Budyšin. Ke kermuši Budyskeje cyrkwje Našeje lubeje knjenje njedźelu, 13. septembra, zaklinči we 18 hodź. koncert w rjedźe duchowna hudźba. Huslerka Magdalena Römhild, saksofonist Thomas Siegmund a šola katolskeho tachantskeho chóra jón wuhotuja. Nimo toho zahraje cyrkwinski hudźbny direktor Friedemann Böhme na pišćelach. Wón ma cyłkowny nawod. Zastup je darmotny, při cyrkwinych durjach budźe zběrka.
Wo wuwiću wobydlerstwa
Rozhłós (11.09.15)
Njedźelu hornjoserbsce
11:00 Łužica tónle tydźeń
11:15 Cyłodnjowske poskitki šulow
11:30 Mrěće rěčow
11:45 Wo premjerje pasionskeje hry
12:00 Nabožne wusyłanje
(Hans Friedrich Fischer)
po tym Zbožopřeća
delnjoserbsce
12:30 Aktualny magacin, mjez druhim wo muzejowej nocy we wokrjesu Sprjewja-Nysa
13:00 Koncert po přećach připosłucharjow
13:30 Nabožne wusyłanje
(Hartmut Leipner)
13:40 Zbožopřeća
Do kina (10.09.15)
10.9.–16.9.2015: Fack ju Göhte 2: wšědnje 14:30, 17:15, 18:30, 20 a 21 hodź. | pj a so 22:45 hodź. Everest: srj 20:15 hodź. | w 3 D Sinister 2: pj 22:30 hodź. The Transporter Refueled: wšědnje 20:15 hodź. (nimo srj) | so 22:30 hodź. Hitman: Agent 47: wšědnje 20 hodź. (nimo pj a pó) Dating Queen: so 22:15 hodź. Mission Impossible: wšědnje 17:15 hodź. Magic Mike XXL: pj, nj a wu 17:15 hodź. Der kleine Rabe Socke 2 – Das große Rennen: wšědnje 14:30 hodź. | nj 12:45 hodź. Pixels: wšědnje 15 hodź. (nimo pó) | nj 12:45 hodź. Minions: wšědnje 15:15 hodź. | nj 13:15 hodź. | w 3 D Vacation – Wir sind die Griswolds: nj 12:30 hodź. Jurassic World: štw, so a srj 17:15 hodź. Minions: wšědnje 16:15 hodź.
Kino-ekstra: Camino de Santiago – Eine Reise auf dem Jakobsweg: pó 14:45, 17:15 a 20:15 hodź.
Pokiwy (08.09.15)
Knižna premjera
Budyšin. Alfons Frencl z Róžanta předstaji štwórtk, 10. septembra, w 19.30 hodź. w Budyskej Smolerjec kniharni swoju nowostku „Mój serbski słownik“. Slědźo a kedźbyhódne podeńdźenja wopisujo podawa so awtor na puć po serbskim alfabeće, zo by pochad woteznatych a njewšědnych wurazow wotkrył a so tak do stawiznow rěče zanurił.
Film wo Jurju Rjenču pozdźišo
Budyšin. Spočatnje za jutře připowědźeny film „Stalin, Tito und mein Vater“ na sćelaku MDR so přestorči. Pask wo prawizniku Jurju Rjenču a jeho tragiskim wosudźe po Druhej swětowej wójnje wusyła MDR srjedu, 23. septembra, w 21.15 hodź. w rjedźe „Na slědach wótcow“.
Wobrazy z dźěłarnički
Budyšin. Spěchowanski kruh za serbsku ludowu kulturu wotewrje štwórtk, 10. septembra, we 18 hodź. w Budyskim Serbskim domje wustajeńcu z wobrazami molowanskeje dźěłarnički. Srjedź junija běchu ju w Čornochołmčanskim Krabatowym młynje přewjedli.
Wo eteriskich wolijach
Protyka (04.09.15)
Pjatk 4.-6.9. Babylěćo w Ralbicach
20:00 „Knježe prawa“ – hrodowa nóc SLA w Mortkowje (dalšej předstajeni 5.9. w 20 hodź. a 6.9. w 16 hodź.)
Sobotu 5.9. 10:00 Wuradźowanje zwjazkoweho dźěłoweho zjednoćenstwa etniske mjenšiny w Choćebuzu
11:00 Dźeń wotewrjenych duri w nowym Wojerowskim wobydlerskim centrumje Piwarska hasa 1 při staroměšćanskim torhošću
14:00 Łapanje kokota w Prjawozu
18:00 Portretowy koncert Jana Cyža z wuměłcami Berlinskeje komiskeje opery na Lichańskim hrodźe
Njedźelu 6.9. 10:00 Dźeń wotewrjeneje zahrody w Budyšinje, Demjanach, Rodecach a Hornjej Hórce
10:30 Kubłanska jězba župy „Michał Hórnik“ do krajiny hornjołužiskeje hole a hatow
13:00 Blackbird-run w Hózku – běh přez zadźěwki
13:00 Čaporowe wiki za dźěći w Budyskim Centeru
na Žitnych wikach
14:00 Łapanje kokota w Brjazynje
14:00 Srjedźowěkowski dźěćacy program na Mortkowskej twjerdźiznje
17:00 Modlenje kadiša na Budyskim židowskim pohrjebnišću při Mužakowskej
Srjedu 9.9. 21:15 Film wo prawizniku Jurju Rjenču a jeho zasudźenju přez KGB na sćelaku MDR
Štwórtk 10.9. 16:00 152. serbske blido w Berlinje
