Maćica Serbska a redakcija Serbskich Nowin přeprošatejna diskusijny ...
Maćica Serbska a redakcija Serbskich Nowin přeprošatej
na diskusijny wječor wo serbskej hymnje
štwórtk, 22. septembra, w 19 hodź. do Serbskeho domu w Budyšinje.
W januarje toho lěta je Maćica Serbska pod nadpismom „Su jenož ,mužojo hódni wěčnoh wopomnjeća‘?“ přeprosyła na zjawnu diskusiju wo serbskej hymnje a runočasnje podała namjet za mjeńšu změnu jeje druheje štučki. Jako fachowc a znajer twórby Handrija Zejlerja poda dr. Franc Šěn na spočatku krótki přehlad wo tekstowych stawiznach serbskeje hymny.
Na podijowej diskusiji wobdźěla so nimo předsydki Maćicy Serbskeje dr. Anje Pohončoweje mjez druhim basnica Róža Domašcyna, bórzomna studentka Lawrencija Hawšec a FSJnik Maksimilian Gruber.
W druhim dźělu změje publikum składnosć, so wuprajić abo diskutantam prašenja stajeć. Moderatorka wječora budźe dr. Cordula Ratajczakowa, redaktorka Serbskich Nowin. Wšitcy zajimcy su wutrobnje přeprošeni!
Pokiwy (09.09.22)
Regionalne piwa woptać
Budyšin. Pod hesłom „Total regional – Chmjel & słód“ přeprošuje Budyski Center na Žitnych wikach hišće hač do jutřišeje soboty na akciski program kołowokoło piwa. W 11, 14 a 16 hodź. poskićatej regionalnej piwowaraj Frenzel-Bräu ze sprjewineho města a Dźěłarnja ProBier z Kumwałda swoje produkty we wobłuku tak mjenowaneho tastinga. Přidatnu zabawu lubi „Koło zboža“. Zastup je darmotny.
Što z korony wuknyć?
Budyšin. Towarstwo Kamjentny dom pokaza jutře, sobotu, we wobłuku wosebiteho zarjadowanja „Dajće nam rěčeć – Što móžemy resp. móhli z pandemije wuknyć“ w 19.30 hodź. film Manuela Fenna „Die Welt jenseits der Stille“, dokumentowacy wosobiny za čas korony po cyłym swěće. Slědujetej čitanje „Korona: Změna perspektiwy“ z awtorku Nancy Brandt kaž tež podijowa diskusija z Fennom, Brandt a „hosćemi z lokalneje politiki, hospodarstwa a kultury“. Zastup je darmotny.
Historiske pjenjezy a bankowki
Rozhłós (09.09.22)
njedźelu hornjoserbsce
11:00 Łužica tutón tydźeń
11:10 Prapremjera „Mór a lubosć“
11:20 Reportaža: Pućowanje po Mon- golskej
11:45 Recensija: Kniha Měrćina Weclicha „Sonić – to tla z hrěchom njej‘“
12:00 Nabožne wusyłanje
(Jadwiga Malinkowa)
po tym zbožopřeća
delnjoserbsce
12:30 Aktualny magacin
13:00 Tematiske wusyłanje: Kruwy a mloko
13:40 Nabožne wusyłanje
(Katharina Köhlerowa)
po tym zbožopřeća
Do kina (07.09.22)
8.9. – 14.9.
Protyka (02.09.22)
Pjatk 2. do 4.9. Wjesny swjedźeń w Hrodźišću składnostnje 800lětneho wobstaća wsy
Staroměšćanski festiwal w Budyšinje
Pjatk 2.9. 17:00 Wotewrjenje wustajeńcy „SerbskiKonsum – der Laden für sorbische Accessoires“ w Stróžanskim Domje tysac hatow
19:00 Wosebita filmowa nóc z premjeru serbskeho dźěćaceho filma „Mała wjera“ w Pančicach-Kukowje
19:30 Němy film Charlieja Chaplina „The Kid“ z přewo- dom na pišćelach w Budyskej cyrkwi swj. Pětra
20:00 Filmowy wječor „Łužiske dohlady“ w Budyskim Kamjentnym domje
Sobotu 3.9. 13:00 Finalny běh wo Němske dumperowe mišterstwa w Drjowku
10:00 Budyski klankodźiwadłowy swjedźeń pod Starej wodarnju
14:00 Lětnje pućowanje Serbskeho ewangelskeho towarstwa a serbski swjedźeń na Jaworkec/Maćijec statoku w Hrubjelčicach
14:00 Swójbny swjedźeń towarstwa Kolesko w Slepom
17:00 Ekumeniski nyšpor na dworowym swjedźenju w Hrubjelčicach
18:30 Swěčkowy swjedźeń a 3. hrodowy koncert w Nje - swačidle
18:30 Předstajenje „Der nixt tanzt“ we wobłuku Łužiskeho festiwala na Trjebinskim Šusterec statoku
18:30 25. swěčkowy swjedźeń a 3. hrodowy koncert w Njeswačidle
Pokiwy (02.09.22)
Hrodźišćo po wosom lětstotkach
Hrodźišćo. We wobłuku swjedźenskeho tydźenja składnostnje 800. róčnicy prěnjeho naspomnjenja wsy Hrodźišćo přednošuje superintendent na wuměnku Jan Malink jutře, sobotu, w 19.15 hodź. w tamnišej farskej bróžni. Hesło stawizniskeho referata je „Hrodźišćo a wokolina 1222 – 2022“. Huslerka Susann Haufe a pianistka Erika Haufe budźetej přednošk hudźbnje wobrubić. Zastup je darmotny, přizamknu so reje.
Zahaja dźěćacu uniwersitu
Drježdźany. Wot póndźele, 5. septembra, móža so šulerki a šulerjo w starobje wosom do dwanaće lět za zymski semester dźěćaceje uniwersity Techniskeje uniwersity Drježdźany přizjewić, a to pod https://tu-dresden.de/kinder-uni/teilnehmen/anmelden. Dohromady je štyri online přistupnych čitanjow planowanych.
Wěsće w interneće
Rozhłós (02.09.22)
njedźelu hornjoserbsce
11:00 Łužica tutón tydźeń z aktualnymi powěsćemi a pokiwami
11:20 100 lět sport w Radworju
11:45 Kónctydźenske pokiwy
12:00 Nabožne wusyłanje
(Wito Sćapan)
po tym zbožopřeća
delnjoserbsce
12:30 Aktualny magacin, mjez druhim z přinoškom „30 lět Serbski institut“ a z „Dowolowymi impresijemi z Bretonskeje“
13:00 Tematiske wusyłanje: Serbski kwas
13:40 Nabožne wusyłanje
(Manfred Hermaš)
po tym zbožopřeća
Wjac městnow hač ludźi
„Swobodne městna! Serbske institucije nuznje nowych ludźi pytaja“, rěka nadpismo septemberskeho wusyłanja telewizijneho magacina Wuhladko. Tak pytaja projektnych nawodow, redaktorow, wobdźěłarjow spěchowanskich próstwow abo tak mjenowanych motiwatorow. Ženje hišće njebě potrjeba w serbskich institucijach tak wulka kaž tuchwilu. To zaleži na jednym boku na změnje generacijow. Na druhim boku nastawaja přidatne městna, na přikład w zwisku ze strukturnej změnu. Při tym maja wupisanja zhromadne wuměnjenje: wobknježenje serbskeje rěče. Wuhladko połoženje wobšěrnje wobswětluje.
Dalšej ćežišći magacina budźetej reportaža wo boju přećiwo afriskej swinjacej mrětwje we wokrjesomaj Budyšin a Zhorjelc z pomocu trutow kaž tež přinošk „Idole z interneta“ wo wuspěšnymaj serbskimaj influenceromaj.
Telewizija MDR wusyła Wuhladko jutře, sobotu, w 11.45 hodź. Wospjetowanje w samsnym sćelaku slěduje póndźelu, 5. septembra, w 6.45 hodź. Telewizija RBB pokaza magacin sobotu, 10. septembra, w 13.30 hodź. W mediatece MDR je Wuhladko wot jutřišeho cyłe lěto kóždy čas přistupne.
Do kina (31.08.22)
Protyka (26.08.22)
Sobotu 27. a 28.8. „Hasta la beach“ w Njebjelčanskim młodźinskim klubje
14:00 Běh wo Němske dumperowe mišterstwa w Bad Freienwalde
17:00 Łužiske hudźbne lěćo: Předstajenje programa SLA „Dudy a přećeljo“ w Hrodźišću (Gröditz)
19:00 Łužiske hudźbne lěćo: Wulki koncert chóroweje akademije z předstajenjom pěsnjow Handrija Zejlerja a Korle Awgusta Kocora w Hrodźišćanskej (Gröditz) cyrkwi
20:00 Zarjadowanje w rjedźe „Češa přińdu“ w Małowjelkowskich sotrownjach
Njedźelu 28.8. 9:30 Kemše na Trjebinskim Šusterec statoku z fararku Jadwigu Malinkowej
10:30 Swjedźeń składnostnje 10. róčnicy załoženja towarstwa „Naša Knjeni na Lipje“ w Róžeńće
17:00 Komorny koncert SLA „Štyri na raz“ w Zemičansko-Tumičanskej cyrkwi
Póndźelu 29.8. 10:30 Ekumeniska nutrnosć za šulerjow na započatku noweho šulskeho lěta w Budyskej Michałskej cyrkwi
14:00 Darowanje kreje w Kulowskim Starym dwórnišću
Wutoru 30.8. 13:30 Serbska rada Braniborskeje w Podstupimje
14:00 Darowanje kreje w Kulowskim Starym dwórnišću
14:00 Škotowy turněr serbskich seniorow w Radworskim hosćencu „Zelena hałžka“
