Jutry po jutrach
Z aprylskim wudaćom telewizijneho magacina Łužyca postrowi moderator Christian Mathée přihladowarjow z Dešnjanskeho domizniskeho muzeja. Pod nawodom fachowče Katrin Šwjelineje wuspyta so wón mjez druhim w debjenju jejkow – štož je tam hladajo na „małe jutry“ tež po hłownym swjatku „hišće dowolene“.
Dalšej přinoškaj wěnujetej so Mozaikowej šuli w Picnju, hdźež zahaja spočatk meje znowa wučbu serbšćiny, a dźěłarničce rěčneho projekta Zorja za wožiwjenje delnjoserbšćiny po přikładźe a metodźe „dospołneje imersije“ Arapaho-indiana a profesora za antropologiju a indigene studije na Uniwersiće Montana dr. Neyooxeta Greymorninga.
Nimo toho portretuje Łužyca Helmuta Kurja z Blunja, jednoho z poslednich nałožowarjow tamnišeje serbskeje narěče, a „nawrótnika do Łužicy“ Janka Danneckera.
Telewizija RBB wusyła magacin sobotu, 23. apryla, w 13.30 hodź. Wospjetowanje na samsnym sćelaku slěduje srjedu, 27. apryla, w 2.45 hodź. W medijatece RBB je aprylske wudaće wot jutřišeho cyłe lěto kóždy čas přistupne.
Do kina (21.04.22)
Pokiwy (14.04.22)
Předstaja „Pasion po swj. Janje“
Budyšin. „Pasion po swj. Janje“ Johanna Sebastiana Bacha je jedna z wusahowacych twórbow wysokeho baroka. W jutrownym času ju njeličomne ćělesa po cyłym swěće předstajeja. Po dwulětnej přestawce móža ju zajimcy tež zaso w Budyšinje dožiwić. Pod nawodom cyrkwinskeho hudźbneho direktora Michaela Vettera koncertuja wokalny ansambl swj. Pětra, orchester Dresden Barock a solisća w cyrkwi Marje a Marty. Dźensa, zeleny štwórtk, wuhotuja w 19.30 hodź. zjawnu generalku; jutře, ćichi pjatk, slěduje w 14.30 hodź. dalše předstajenje we wobłuku nutrnosće. Zastup je darmotny.
Rědke drohoćinki
Budyšin. Numismatiske towarstwo Budyšin zarjaduje jutře, 15. apryla, wot 9 hodź. „Wulke wiki a bursu za zběraćelow“ w Budyskim Serbskim domje. Mjez druhim prezentuja historiske pjenjezy, medalje, pohladnicy a listowe znamki, kotrež móža zajimcy tež kupić abo měnjeć. Nimo toho poskića wopytowarjam napoje a přikusk. Zastup je darmotny.
Pěstuja staru tradiciju
Dźensa wotewri Hórnikečanska energijowa fabrika sezonu drezinow. ...
Takle křižerjo lětsa pojěchaja
| Procesion | wotjěcha | do | přijěcha | wotjěcha domoj | dojěcha |
| Budyšin | 10.30 | Radworja | 12.15 | 14.45 | 16.30 |
| Ralbicy | 9.15 | Kulowa | 12.15 | 15.15 | 18.00 |
| Kulow | 9.20 | Ralbic | 12.00 | 15.00 | 18.00 |
| Chrósćicy | 12.15 | Pančic | 15.00 | 15.30 | 17.00 |
| Pančicy | 12.45 | Chrósćic | 14.00 | 15.00 | 17.30 |
| Radwor | 11.45 | Baćonja | 13.45 | 15.30 | 17.30 |
| Baćoń | 12.00 | Radworja | 14.00 | 15.30 | 17.30 |
| Njebjelčicy | 12.00 | Wotrowa | 14.00 | 15.30 | 17.00 |
| Wotrow | 12.00 | Njebjelčic | 14.00 | 15.30 | 17.30 |
Protyka (14.04.22)
Štwórtk 14.4. 10:00 Zahajenje sezony w Njeswačanskim baroknym hrodźe
19:30 Předstajenje SLA „Són swjatojanskej‘ nocy“ w Budyskim NSLDź
Pjatk 15. do 18.4. Jutrowne wiki z debjenjom jutrownych jejkow w Budyskim Serbskim muzeju
Pjatk 15.4. 16:00 Jutrowne spěwanje z chórom Łužyca w Dešnjanskej cyrkwi
Sobotu 16.4. 10:00 Předstajenje serbskich jutrownych nałožkow w Budyskej Serbskej kulturnej informaciji
15:00 Nalětni koncert z chórom Budyšinom na žurli Budyskeho Serbskeho muzeja
15:00 Jutrowne pućowanje po Čornochołmčanskim Krabatowym młynje
Njedźelu 17.4. 5:00 Jutrowne spěwanje před Slepjanskej cyrkwju
6:00 Jutrowne spěwanje we Wuježku (Wuischke)
7:00 Jutrowna nutrnosć na Rownjanskim kěrchowje
10:00 Jejkakulenje na Budyskim Hrodźišku (Protschenberg)
Rozhłós (14.04.22)
Ćichi pjatk, hornjoserbsce
11:00 Křižowy puć Sulšečanskich holcow
11:20 Rekwiem
12:00 Nabožne wusyłanje (Jan Malink)
12:15 Nałožki na wulkim pjatku
delnjoserbsce
12:30 Nabožne wusyłanje
(Christiana Piniekowa)
12:45 Postrow za dźěći: Zaječe wuši
13:00 Žarowanske spěwy
13:30 Druhi kurs delnjoserbšćiny za Witaj-wučerki we wokrjesu Sprjewja-Nysa
13:45 Jutrowne pokiwy
Jutrownička, hornjoserbsce
11:00 Jutrowne rozprawnistwo a pokiwy
11:20 Oratorij „Nalěćo“ Korle Awgusta Kocora a Handrija Zejlerja
12:00 Nabožne wusyłanje
(Florian Mróz)
po tym zbožopřeća
delnjoserbsce
12:30 Nabožne wusyłanje
(Till Wojto)
12:45 Postrow za dźěći: Jutry w zaječej šuli
13:00 Swjedźenska hudźba
13:30 Tematiske wusyłanje: Nalětnje pućowanje po blišej domiznje
po tym zbožopřeća
Jutry póndźelu, hornjoserbsce
11:00 Jutrowne rozprawnistwo, mjez druhim z facitom wo procesionach křižerjow
12:00 Nabožne wusyłanje
(Thomas Haenchen)
po tym zbožopřeća
20:00 Radijo Satkula
delnjoserbsce
12:30 Dźěćace wusyłanje
12:45 Přinošk wo jutrownym spěwanju w Dešnjanskej cyrkwi
Do kina (14.04.22)
Kabaretist Olaf Schubert pokaza jutře swój program „Zeit der ...
Protyka (08.04.22)
Pjatk 8.4. 18:00 Serbski wječork „Handrij Zejler – spěwy a fabule“ we wobłuku Lěta Zejlerja a Kocora we Łazowskim Domje Zejlerja a Smolerja
Sobota 9.4. 9:00 Sadźenska akcija we wobłuku 25. dnja Budyskeho měšćanskeho lěsa při wojerskim pomniku w Bělšecach (Ebendörfel)
13:00 Dźěłarnička „Debjenje jutrownych jejkow“ w Budyskim Serbskim muzeju
15:00 Dźěłarnička „Debjenje jutrownych jejkow“ w Budyskim Serbskim muzeju
Njedźela 10.4. 15:00 Předstajenje inscenacije NSLDź „Der Reichsbürger“ na hłownym jewišću
17:00 Futurologiski sympozij wo Serbach a Němcach „Wódychnjenje – stawizny nastanu!“ w Choćebuskej Delnjoserbskej kulturnej akademiji
17:00 Chórowy koncert SLA „Nalětne čuće“ w Budyskim Serbskim muzeju
Wutora 12.4. 10:00 Šulerske předstajenje inscenacije NSLDź „Šěrcec Hanka“ na hłownym jewišću
Srjeda 13.4. 8:00 Nalětne wiki w Budyskim domje generacijow
10:00 Šulerske předstajenje inscenacije NSLDź „Šěrcec Hanka“ na hłownym jewišću
