Z wudaća: srjeda, 11 apryla 2018
srjeda, 11 apryla 2018 14:00

Digitalizacija wažne ćežišćo była

Dotalne projekty a wuspěchi předstajili

Budyšin/Drježdźany (SN/JaW). Něšto wjac hač 825 000 eurow zbywa Załožbje za serbski lud z lońšeho etata. To zdźě­lištaj wčera předsydka jeje rady Susann Šenkec a direktor załožby Jan Budar po wuradźowanju załožboweje rady w Drježdźanach na nowinarskej konferency w Bu­dyšinje na naprašowanje našeho wječornika. Kaž Jan Budar rozłoži, su to njepřetrjebane srědki za projekty kaž tež zby­wace per­sonalne kóšty. „Nowe zasady spěchowanja předpisuja, zo maja wšitke institucije 60 procentow njepřetrjebanych personalnych kóštow załožbje wróćić. Loni wostachu městna zdźěla njewobsadźene, wupisanja dźěłowych městnow su z blakami zwrěšćili a dlěšeho schorjenja sobudźěłaćerjow dla smy tohorunja tójšto wuzbytkowali“, praješe direktor.

wozjewjene w: Politika
srjeda, 11 apryla 2018 14:00

Budźe wona nowa předsydka SPD?

Wyša měšćanostka Flensburga Simone Lange (naprawo) nastupi takrjec jako kandidatka komunalneje runiny přećiwo frakciskej předsydce Andreji Nahles k wólbam zwjazkoweje předsydki SPD na zjězdźe 22. apryla we Wiesbadenje. Wčera wopyta wona Budyšin, hdźež je jej tudyši wyši měšćanosta Alexander Ahrens (SPD) stare město pokazał. Z Durinskeje pochadźaca komunalna politikarka wukonja zastojnstwo měšćanostki wot awgusta 2017 a je tež čłonka Sydslesvigsk Forening (SSF), hłowneje organizacije Danow w Južnej Schleswigskej. Wčera nawječor wobdźěli so Lange na zarjadowanju Budyskeho městneho zwjazka SPD. Foto: SN/Maćij Bulank

wozjewjene w: Politika
Nina Krawčikec z Njebjelčic (naprawo) a Tabea Cyžec z Wudworja běštej ćichu sobotu w narodnej dra­sće­ w Budyšinje po puću a rozłožowaštej zajimcam nałožki.

Jeho mnohich tradicijow k nabožnemu nalětnjemu swjatkej rěkachu Budyšinej hižo před 90 lětami, kaž dźensa zaso, jutrow­ne město Němskeje. Lětsa je so to znowa wobkrućiło. Nimo procesiona Budyskich křižerjow do Radworja jutrow­ničku a lěta 2001 wožiwjeneho jónkrótneho nałožka jejkakulenja na Hro­dźišku čakachu na hosći mnohe dalše dožiwjenja w tysaclětnym měsće.

Hižo třeći króć je Serbski ludowy ansamb­l wobchodam srjedź města za jutrowny čas wupožčił narodnu drastu, kotraž na figurinach we wukładnych woknach na serbsku wosebitosć Łužicy skedźbnješe. Dwurěčne taflički informowachu wo tym, wo kotru drastu so jedna, w kotrej kónčinje je abo bě wona doma a při kotrej składnosći so ju žony abo mužojo hotuja. We woknje Kalauchec sanitarneho domu na Žitnych wikach wuhladach delnjoserbsku swjedźensku drastu z małej lapu (hawbu), katolsku swjedźensku drastu a serbsku mužacu drastu.

Chwalba za narodnu drastu

wozjewjene w: Kultura
srjeda, 11 apryla 2018 14:00

Z klawsuru pokročowali

Meseberg (dpa/SN). Ze zhromadnym kabinetnym posedźenjom je zwjazkowe knježerstwo dźensa rano w braniborskim Mesebergu z klawsuru pokročowało. Při tym dźěše mjez druhim wo to, podlěšić zasadźenje Zwjazkoweje wobory w Maliju a Somaliji. Wobzamknyć chcychu tež powołanje społnomócnjeneho za bój přećiwo antisemitizmej. Na planje steještej dale hospodarski plan 2018/ 2019 a dieselowa afera.

Pola Telekom stawkowali

Lipsk (dpa/SN). Dźěłarnistwo ver.di je dźensa přistajenych Telekom w Sakskej, Saksko-Anhaltskej a Durinskej k warnowanskim stawkam namołwjało. Stawk potrjechi něhdźe 1 500 sobudźěłaćerjow, kaž dźěłarnistwo zdźěla. Stawkowali su mjez druhim w Lipsku, Kamjenicy, Halle a Zwickauwje. W Lipsku zhromadźichu so wobdźělnicy k demonstraciji po nutřkownym měsće. W sewjerorynsko-westfalskim Euskirchenje su dźensa a jutře tarifowe jednanja.

Zuckerberg zmylki přiznał

wozjewjene w: Politika
srjeda, 11 apryla 2018 14:00

W šěsćdypkowej hrě so přesadźili

Tabulka krajneje klasy

1. FSV Nowosólc-Hródk 15 47 : 18 32

2. FSV Oderwitz 02 16 41 : 27 30

3. LSV Nowe Město 16 43 : 33 30

4. Laubegast 16 37 : 31 28

5. Čerwj.-běli Mužakow 16 38 : 23 27

6. SZ Drježdźany-Strěžin 17 39 : 20 26

7. FC Neugersdorf II 17 35 : 28 23

8. ST Horni kraj-Sprjewja 15 34 : 24 21

9. SJ Chrósćicy 16 24 : 34 21

10. SG Weixdorf 16 28 : 33 20

11. Fortuna Trjebin 17 21 : 51 19

12. ST Ćisk 16 24 : 36 17

13. SC Borea Drježdźany 16 27 : 50 17

14. Drježdźanski SC 17 29 : 59 8


SJ Chrósćicy

– Fortuna Trjebin 2:1 (2:1)

Zestawa domjacych: Stein – Šiman, Sentivan, Hrdlitschka, Cyž, M. Zahrodnik, Henčl, Žur, G. Zahrodnik (53. Bogusz), Młynk (87. Dórnik), Němec (90. Teichmann)

Jara wažnu hru mějachu koparjo prěnjeho mustwa Chróšćanskeje SJ minjenu njedźelu. Při najrjeńšim wjedrje wočakowachu woni přećiwnika prěni króć w lěće na domjacym trawniku. Fortuna Trjebin je w tabulce direktny konkurent SJC. Tak běchu wažne tři dypki wězo wulki cil.

wozjewjene w: Sport
srjeda, 11 apryla 2018 14:00

Hrozy wojerska akcija USA?

Washington (dpa/SN). Po pozdatnym ­zasadźenju jědojteho płuna w Syriskej prezident USA Donald Trump bórzomne wojerske zasadźenje swojeho kraja njewuzamkuje. Njewočakowano wón tohodla wčera planowanu jězbu do Južneje Ameriki wotpraji a zwoła swojich wojerskich poradźowarjow. Syriska armeja je tuchwilu w dospołnej alarmowej hotowosći. Tež francoski prezident Emanuel Macron ma wojersku akciju přećiwo „chemiskim kapacitam“ w Syriskej za móžnu. Wón chcył w naležnosći z USA a Wulkej Britaniskej wuradźować a swój rozsud přichodne dny wozjewić.

wozjewjene w: Politika
srjeda, 11 apryla 2018 14:00

Zjawny bliskowobchad sylnić

Diskusijny forum z ministerskim prezidentom a ministrami

Niska (AK/SN). Łužica ma dobre šansy, stać so z přikładnym a inowaciskim regionom. Strukturna změna móhła hač do lěta 2040 wotzamknjena być. „Zhromadnje mamy móc za to. Wšitcy dyrbjeli so wobdźělić“, pozbudźi sakski ministerski prezident Michael Kretschmer (CDU) připosłucharjow na forumje „Rozmołwy w Sakskej“. Wjace hač 200 zajimcow, mjez nimi wjesnjanosća, předewzaćeljo, wučerjo, wohnjowi wobornicy a čłonojo towarstwow, bě minjeny pjatk do Nišćanskeho wobydlerskeho domu přišło. Zhorjelski krajny rada Bernd Lange (tohorunja CDU) bě mi­nisterskeho prezidenta přeprosył. A tón je wjacorych ministrow sobu přiwjezł, kotřiž su w dźělnych forumach na pra­šenja wobydlerjow wotmołwjeli.

wozjewjene w: Politika
srjeda, 11 apryla 2018 14:00

Tež komuny wužadane

Zaso raz wukonja Zwjazkowe wustawowe sudnistwo dźěło němskeho knježerstwa. Sudnicy w Karlsruhe su rozsudźili, zo je dotalne wašnje wobličenja ležownostneho dawka zestarjene a zo ma so najručišo změnić. Lěta dołho su sej to zamołwići w komunach žadali, dokelž maja system předewšěm za njesprawny. Tak móže so stać, zo płaći wobsedźer moderneje wile na małej ležownosći mjenje dawkow hač wobsedźer małeje a stareje chaty na wulkej ležownosći. Nětko je Karlsruheske sudnistwo zamołwitych takrjec ze spara tor­h­nyło. Wažne při noworjadowanju budźe, zo njenastanu žane nowe njesprawnosće, kotrež předewšěm ludźi w strukturnje słabych wjesnych kónčinach poćežuja. Tu su tež komuny wužadane. Wone maja prawo, jednotne měritka z lěta 1935 zwyšić, zo bychu wjace dochodow měli. Na tamnym boku hodźa so měritka na dobro ludźi tež znižić. Marko Wjeńka

wozjewjene w: Politika
srjeda, 11 apryla 2018 14:00

Sudnistwo: Směrnicy zestarjene

Karlsruhe (dpa/SN/MkWj). Zwjazkowe wustawowe sudnistwa žada sej spěšne noworjadowanje ležownostneho dawka, za čož ma zakonjedawar hač do klětušeho chwile. Dotalny zakład wobličenja rani wustawu a je dospołnje zestarjeny, kaž prěni senat sudnistwa wčera w Karlsruhe rozsudźi. Na blidźe měješe sudnistwo tři předłohi zwjazkoweho financneho zarjada a dwě wustawowej skóržbje přećiwo zakładam wobličenja w zapadnych krajach. Tak njeje sudnistwo hódnoćenje ležownosćow w nowych zwjazkowych krajach pruwowało. Liči pak z tym, zo nowe směrnicy přichodnje tež w nowych krajach nałožuja.

Aktualne rjadowanja tak mjenowaneho jednotneho měritka njebuchu dlěje hač 50 lět aktualizowane. „Wobličenje dawka so dźeń a bóle wot aktualnych poměrow zdaluje“, rjekny předsyda prěnjeho senata Ferdinand Kirchhof. Jednotne měritko definuje hódnotu ležownosće k postajenemu časej. Na zapadźe Němskeje je to lěto 1964, na wuchodźe 1935.

wozjewjene w: Politika
srjeda, 11 apryla 2018 14:00

Jutrowne wubědźowanje zakónčene

Dobyćerjo lětušeho „65. wubědźowanja wo najrjeńše jutrowne jejko“ su jasni. Kotre dźěći a kotrych młodostnych wuznamjenja, chce Spěchowanski kruh za serbsku ludowu kulturu tele dny wozje­wić. Wjace hač 40 dorostowych wuměłcow a wjacore šulske rjadownje je so na wurisanju wobdźěliło.

Budyšin (SN/bn). Lětuše „65. wubědźowanje wo najrjeńše jutrowne jejko“ Spěchowanskeho kruha za serbsku ludowu kulturu je zakónčene. Po dorosćenych, kotrychž wuznamjenichu we wobłuku Budyskich Serbskich jutrownych wikow, je jury – jej přisłušeštej zastupjerka spěchowanskeho kruha Marja Jaworkowa a regionalna rěčnica Domowiny Sonja Hrjehorjowa – wčera wudźěłki dźěći a mło­dostnych wuhódnoćiła. Cyłkownje su so 42 jednotliwcow kaž tež štyri Kulowske rjadowniske cyłki z kolekcijemi dweju jejkow wobdźělili.

wozjewjene w: Kultura

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND