njedźelu hornjoserbsce
11:00 Łužica tutón tydźeń, mjez druhim wo koparskim turněrje žonow w Šwicarskej
11:20 Serbsko-słowjanske sokołske styki dźensa
11:30 Korjenje Serbskeho Sokoła
12:00 Nabožne wusyłanje
(Tomasz Dawidowski)
po tym zbožopřeća
delnjoserbsce
12:30 Aktualny magacin, mjez druhim z wopytom w Transkarpaciskej
13:00 Mazurki swěta
13:30 Nabožne wusyłanje
(Adelheid Dawmowa)
po tym zbožopřeća
Wodźenje po wustajeńcy
Budyšin. Jutře, 8. julija, wodźi diplomowy muzeologa Hagen Schulz zajimcow po Muzeju Budyšin. Wot 15 hodź. wujasni wón pozadki wustajeńcy „Woda, płun a sanitarne – Budyscy klempnarjo a instalaterojo něhdy a dźensa“.
Z kuntworami rejwać
Salow. Robert Szczepanski je jedyn z hłownych organizatorow „diskoteki kuntworow“, kotraž so wot dźensnišeho do njedźele w Salowje wotměje. Hač do ranja chcedźa tam njedźelu tež serbscy młodostni z DJjowym teamom Mütze Katze z Berlina a z dalšimi DJjemi hejsować. Wjeselić móža so hosćo na sensacionalnu jewišćowu show.
Wjašćanscy muzikanća zahudźa
Lěska. W Lěsce pola Wóslinka maja kónc tydźenja domizniski swjedźeń. Jutře móža sej hosćo wot 14 hodź. oldtimery wobhladać. Wječor su reje z Natalie jako „dubl Beatrice Egli“. Njedźelu so wot 9 hodź. wohnjowe wobory wokoliny wubědźuja, w 11 hodź. zahudźa Wjašćanscy (Weskow) muzikanća.
Swjedźeń kulturow na torhošću
Přihotowanske koparske hry
07.07. 11.00 Jednota Kamjenc –
ST Rakecy (w Rakecach)
07.07. 11.00 Budissa Budyšin –
Biskopičanske KT 08
(w Rakecach)
07.07. 12.15 přěhračkaj horjeka mje-
nowaneju hrow
07.07. 13.45 dobyćerjej horjeka mje-
nowaneju hrow
07.07. 13.30 SZ Žylow –
FC Energija Choćebuz
08.07. 13.30 FC Energija Choćebuz –
Dukla Praha
Šěsć dypkow winowatosć
Dźensa wječor we 18.30 hodź. hraje w Ralbicach prěni wólnočasneje ligi Zapadołužiskeho koparskeho zwjazka přećiwo wosmemu. Stara garda Sokoła Ralbicy/Hórki wočakuje koparjow Hrajneho zjednoćenstwa Bluń/Lubuš.
Turněr na trawniku wupadnje
Wolejbulowy turněr na trawniku we wobłuku Captainscupa we Worklecach jutře wupadnje, dokelž je so přemało mustwow přizjewiło. Bičwolejbulowy turněr za dwójki w pěsku pak budźe. Wšitke městna su mjeztym wobsadźene.
Póndźelu do Jaseńcy
Wodorunje: 1 kónčna městnosć wubědźowanja, 3 město nad Dunajom, 5 posłužbowy koncern miliny, 7 hłowni jednaćeljo, přikładni, 10 nic porok, 14 jedyn italsce, 15 namołwa k přichadej, 16 zhladowanje, aspekt
Padorunje: 1 něhdy ruski knježićel, 2 wuraz z łódźnistwa, 3 swětowa organizacija, 4 něhdyši chinski politikar, 6 jednotka kajkosće bencina, 8 wobzorosměr, 9 dźěło, 10 pokalne wubědźowanje, 11 přiwuzny, 12 rubježne zwěrjo, 13 cyłk telewizijnych programow
Za wšě móžne naprawy wobsteja w Sakskej spěchowanske programy, tež za ponowjenje pomnikow. Z tajkeho hornca profituje nětko gmejna Łaz, a njetrjeba za to ani swójski podźěl płaćić.
Łaz (AK/SN). Sowjetske wopomnišćo mjez Łazowskim torhošćom a tamnišej radnicu chce gmejna Łaz saněrować dać. To su čłonojo tamnišeje gmejnskeje rady na swojim zašłym posedźenju jednohłósnje wobzamknyli. Nadawk dósta Kulowska firma Elster-Bau. „Hižo před měsacami smy próstwu wo spěchowanje krajnej direkciji w Drježdźanach zapodali. Spočatk februara nam zdźělichu, zo móžemy ze stoprocentowskim spěchowanjom ze stron Swobodneho stata Sakskeje ličić“, wuzběhny nawodnica powšitkowneho zarjadnistwa Łazowskeje gmejny Manuela Wukasch.
Rakecy (GH/SN). W Rakečanskej radnicy pokazuja najwšelakoriše wustajeńcy. Přehladka, kotruž je wjesnjanosta Swen Nowotny (CDU) njedawno wotewrěł, pak je cyle wosebita. Šulerki 9. lětnika Pawołskeje šule běchu so cyłe lěto ze serbskej narodnej drastu zaběrali. W srjedźišću steješe při tym wšědna drasta.
Šulerki a jich wučerka Claudia Matoušek so předewšěm za to zajimowachu, hač so narodna drasta dźensa hišće za młodostne hodźi. A tak dźěle drasty přetworichu, z čimž su projekt ze šulskeho lěta 2016/2017 dale wjedli, kotryž běchu hižo w Ewangelskej srjedźnej šuli Huska přewjedli. Poboku bě jim Monika Cyžowa ze swojim Róžeńčanskim drastowym fundusom. Na wotewrjenju wustajeńcy su Rakečanske šulerki nětko tež wo swojim dźěle rozprawjeli. Nimo toho móžachu so hosćo w přihotowanej brošurce informować.
Nuknica (SN/MWj). Z ideju, w Nuknicy kapałku natwarić, je so wčera Chróšćanska gmejnska rada na posedźenju w Hórčanskej wohnjowobornej gratowni zaběrała. Kaž wjesnjanosta Marko Kliman (CDU) rjekny, chcedźa wobydlerjo rady městno měć, hdźež móhli so róžowc modlić. Na gmejnje so tuž naprašowachu, hač móhli za to Nukničansku staru wohnjowobornu gratownju přetwarić.
Ideju nadrobnišo předstajił je wčera radźićel a Nukničan Roman Nuk. „Nastała bě myslička w kruhu ludźi, kotřiž přeja sej dušine srjedźišćo wsy“, wón rozłoži. Za to wuhladachu sej jako kmanu městnosć staru gratownju, kotruž wobornicy jenož hišće jako skład wužiwaja. Zo wjetšina wobydlerjow za projektom steji, zwěsćichu na wjacorych zeńdźenjach we wsy a samo z małymi wólbami.
Hórnikecy. Wot minjeneho kónca tydźenja twarja w Hórnikecach nowy puć k Energijowej fabrice. Po nim budu wopytowarjo přichodnje hač k muzejej jěć móc. Je to dźěl cyłkowneho přetwara bywšeje briketownje na muzej. Nětko pyta Wojerowske měšćanske zarjadnistwo namjety za mjeno noweho puća. Te móža wobydlerjo hač do 17. awgusta e-mailnje w radnicy wotedać, a to pod adresu . Wažne je wobkedźbować, zo njedóńdźe k dwojenju z hižo wobstejacymi mjenami, tež podobnym pomjenowanjam měło so zadźěwać.
Po bahnje pućować
Michałki. Kulowska skupina přirodoškitneho zwjazka NABU poskića w prózdninach wosebite pućowanja po Dubrjenskim bahnje. Prěnje budźe zajutřišim, njedźelu. Dalšej terminaj stej 22. julij a 5. awgust. Zajimcy zetkaja so stajnje w 9 hodź. při hosćencu w Michałkach. Wobdźělenje płaći za dorosćenych dwaj euraj, dźěći smědźa darmotnje sobu pućować.
Kak su so něhdy wochłódźili?