Nabožina a teror
Göttingen (B/SN). Kak nabožina a teror mjezsobu zwisujetej? Nabožinska wědomostnica Nina Käsehage praji, zo staja tele stajnje znowa so wospjetowace prašenje njeradikalnych pod ćišć a radikalnych wotdźeržuje wot rozmyslowanja. „Debata so w kole wjerći.“ Radźomna by była diskusija, kotraž je njewotwisna wot wosobinskich předsudkow.
Rusko-ortodoksnej na čole
Santos jedna dale
Bogotá (dpa/K/SN). Kolumbiski prezident a lawreat Nobeloweho měroweho myta Juan Manuel Santos chce wo měrje tež z guerillnym zeskupjenjom ELN jednać, kiž ma hišće něhdźe 2 000 bojownikow. ELN bu před 50 lětami załožene a ma so za zastupnicu chudeje wjesneje ludnosće, financujo so z wikowanjom z drogami a wudrěwanjom. Santos bě přilubił, hač do kónca zastojnstwa 2018 krajej měr dać.
Dwórnišćo hroženja dla zawrěli
Rastatt (dpa/SN). Hroženja bomby dla su dźensa dopołdnja dwórnišćo w Rastattće zawrěli. Tež železniski wobchad su zastajili, zdźěli rěčnik zwjazkoweje policije w Offenburgu. Podhladny objekt njejsu tam žadyn namakali. Hroženje je hižo dźensa rano dóšło. Po dokładnym přepruwowanju ležownosće je dwórnišćo nětko zaso wotewrjene. Tež ćahi smědźa zaso jěć. Pozadki podawka su dotal hišće njejasne.
Dawk bórze realita
Móranja w tunlu za pěškow k Žitnym wikam w Budyšinje ...
Přeco ći samsni
Ambiwalentny facit prěnich Budyskich tydźenjow demokratije
Budyšin (SN/CoR). Dalši wobydlerski swjedźeń přećiwo rasizmej a namocy wotmě so minjenu sobotu na Budyskich Žitnych wikach. Iniciatiwa Budyšin wostanje pisany bě na njón hladajo na demonstraciju prawicarjow dźeń do toho přeprosyła. Mjez dalšimi rěčnikami warnowaše tež předsyda Domowiny Dawid Statnik před slědami hidy a skedźbni při tym tež na nadpady na młodych Serbow.
Dźensa w Etiopiskej
Na ćahi so měrił
Nacije w ministerstwje
To a tamne (11.10.16)
Jako Japančenjo do Němskeje zapućować chcychu ćěkancy z Afghanistana. Při kontroli na Drježdźanskim lětanišću pak su zwjazkowej policiji njeprawidłownosće w pućowanskich pasach napadnyli. Skónčnje so wukopa, zo su pasy 29lětneho muža, 23lětneje žony a třilětneho dźěsća z Afghanistana dospołnje sfalšowane. Kaž ćěkancy přiznachu chcedźa w Němskej wo azyl prosyć.
Stawiznu kaž w 1001 nocy dožiwichu šoferojo awtow w Aachenje. Wosrjedź wulkeho wobchada přeprěčichu tři kamele dróhu. Dwaj z nich wužiwachu k tomu samo přechod za pěškow. W běhu sekundow zawołachu spodźiwneje karawany dla mnozy wobydlerjo policiju. Pola zastojnikow kamele skerje spokojny začišć zawostajichu. Kaž policija wuslědźi pochadźeja zwěrjeća z cirkusa. Kak su wottam twochnyli dotal jasne njeje.
Kubłanske pra- šenja rozjimali
Rada za serbske naležnosće Sakskeje je so na swojim zeńdźenju zańdźeny pjatk w Budyšinje z prašenjemi kubłanja zaběrała. Přichodne zeńdźenje wotměje so spočatk nowembra w Drježdźanach.
Duell z wumjetowanjemi
St. Louis (dpa/SN). Bój wo zastojnstwo prezidenta USA mjez Hillary Clinton a jeje přećiwnikom Donaldom Trumpom so dale a bóle přiwótřa. Tak postajichu temy telewizneho duella zašłu nóc skerje mjezsobne wumjetowanja hač politiske temy. Předewšěm seksistiske wuprajenja Trumpa debatu dominowachu, za kotrež so wón zamołwi. Po naprašowanju sćelaka CNN měnja 57 procentow wobydlerjow USA, zo je Hillary Clinton duell dobyła.
Za měrliwe rozrisanje
Istanbul (dpa/SN). Šef Kremla Wladimir Putin a turkowski prezident Recep Tayyip Erdoǧan wuradźowaštaj dźensa w Istanbulu wo połoženju Syriskeje. Wobě krajej zastupuja wšelakorej stejnišći. Mjeztym zo podpěruje Ruska syriski režim wokoło Baschara al-Assada zasadźa so Turkowska wo jeho powalenje. Při-wšěm wuprajištaj so Putin a Erdoğan hižo při telefonaće zašłu srjedu wo měrliwe politiske rozrisanje w Syriskej. Tohorunja chcyštaj wonaj dźensa wo hospodarskich temach wuradźować.
Merkel w Africe
