Tež senat je za to sankcije rozšěrić
Wšitcy njesmědźa na Templowu horu
Premier wotsadźeny
Islamabad (dpa/SN). Najwyše sudnistwo Pakistana je ministerskeho prezidenta Nawaza Sharifa wotsadźiło. Pjeć sudnikow tole dźensa jednohłósnje rozsudźi, kaž medije kraja rozprawjeja. Pozadk su wumjetowanja přećiwo Sharifej korupcije a płokanja pjenjez dla. Sharifej je nětko čas žiwjenja zakazane politiske zastojnstwo wukonjeć. Wón sam je bjezposrědnje po wusudźe sudnistwa wotstupił, kaž jeho kenclija zdźěli.
Wumjetowanja korupcije dla běchu lěta 2016 w zwisku ze skandalom wokoło tak mjenowanych Panama-papers nastali. Do afery splećene běchu dźěći Sharifa. Nětko na to tukaja, zo je wón swoje zamóženje zatajił, štož je tam zakazane.
Dieselowe awta zakazać?
To a tamne (28.07.17)
Pasažěrow w nižozemskich železnicach přichodnje hižo z „damy a knježa“ njenarěča, ale jenož hišće z „pućowacy“. Železniska towaršnosć NS to připowědźa, dokelž chce, zo bychu so wšitcy „w ćahu jenak witani čuli“. Tež w stolicy Amsterdamje su wobzamknyli město dotalneho „česćene damy a knježa“ jenož hišće „lubi ludźo“, „lubi Amsterdamčenjo“ abo „lubi přitomni“ wužiwać.
Wulki prask a jaskrawy błysk stej wobydlerjow wjacorych štwórćow Berlina w nocy na štwórtk ze spara budźiłoj. Přičina bě krótkospjeće w milinarni, kotrež bě šup w 1 100 kilovoltowym transformatorje zawinił. Kak bě so zwěrjo do derje zawěsćeneho objekta energijoweho zastaraćela Vattenfall dóstało, njemóža sej rozjasnić. Šup přežiwi a ćekny.
Zadźěwki wotstronjene
Jerusalem (dpa/SN). Israelske wěstotne mocy su dźensa rano tež poslednje kontrolne naprawy při Templowej horje w Jerusalemje wotstronili. Wšitke metalowe zadźěwki, kamery a metalowe nošaki su zrumowane, palestinske medije rozprawjeja. Mjeztym su muslimscy nawodźa Palestinjanow namołwjeli, blokadu skónčić a so do mošeje na horje nawróćić. Israelskich kontrolnych naprawow dla běchu so muslimojo minjene dny na dróze modlili.
Özoğuz: Italskej pomhać
Berlin (dpa/SN). Zastupowaca předsydka SPD Aydan Özoğuz kraje EU namołwja, Italskej w prašenju ćěkancow skutkownišo pomhać. „Lěto 2015 nas wuči: Aktualne problemy Italskeje nas wšitkich potrjechja“, rjekny wona powěsćerni dpa. Wuraznje wita Özoğuz aktiwity stronskeho předsydy Martina Schulza, kiž je tuchwilu w Italskej, zo by so wo połoženju wobhonił. Dźensa jeho italski ministerski prezident Paolo Gentiloni wočakowaše. Po tym chcyše Schulz lěhwo ćěkancow na Sicilskej wopytać.
Dalši smjertny wopor
„Žiwy być kaž w kamjentnym času“ – takle bydli skupina ...
Dešće kaža ratarjam žně
Hildesheim/Podstupim (dpa/K/SN). Mjeztym zo so połoženje w druhich dźělach Němskeje po njewšědnych zliwkach wotputa – w Goslarskim wokrjesu su móhli katastrofowy alarm zběhnyć –, so situacija w delnjosakskim Hildesheimje přiwótřa. Rěčnik wohnjoweje wobory rjekny: „Pegel stupa, a to njeje za nas žana dobra powěsć.“ Čim dlěje woda na womačane pěskowe měchi tłóči, ćim hubjeńšo to je. W saksko-anhaltskim Wernigerodźe bě rěčna zawěra přeběžała, wuchowanske mocy pak nimaja situaciju za „problematisku“. Pegele wjacorych rěkow poněčim zaso spaduja. Najebać to su mnohe dróhi dale zawrjene.
Braniborskim ratarjam trajneho dešća dla wulke škody hroža. Žitne žně wosebje ćerpja. Zapozdźeja so, a kwalita zorna so pohubjeńša.
Wojakaj w helikopteru zahinyłoj
Berlin (dpa/K/SN). W afriskim Mali je wčera helikopter typa „Tiger“ tam w nadawku UNO zaměstnjeneje jednotki Zwjazkoweje wobory znjezbožił, při čimž staj wobaj pilotaj žiwjenje přisadźiłoj. Ministerka za zakitowanje Ursula von der Leyen (CDU), kotraž swój dowol w Bayerskej nablaku přetorhny, rjekny: „Podawk mje njesměrnje zrudźa.“
Team ekspertow wójska přičinu njezboža na městnje přepytuje. Po zdźělenju měroweje misije Zjednoćenych narodow pokazuja prěnje dopóznaća na techniske zaprajenje. Pilot dalšeho „Tigra“, kiž bě za prěnim lećał, rozprawja, zo je mašina nadobo a bjez kóždeho nuzoweho signala doprědka so nachiliła a hnydom na zemju zrazyła, hdźež so zapali.
Staj to zaso prěnjej smjertnej woporaj mjez němskimi wojakami we wukraju wot lěta 2015. Generalny sekretar UNO António Guterres wupraji němskemu wulkopósłancej w New Yorku Christophej Heusgenej swoju sobuželnosć.
EU připowědźa naprawy
Sankcije USA přećiwo Ruskej móhli so tež na němske firmy wuskutkować
Berlin (dpa/SN). Zastaranje Europy z energiju móhło nowych sankcijow USA přećiwo Ruskej dla přichodnje wohrožene być. Wo tym je społnomócnjeny zwjazkoweho knježerstwa za Rusku Gernot Erler (SPD) přeswědčeny. „W zakonju steji, zo USA płunowód Nord Stream II wotpokazuja. We woprawdźitosći móhli so sankcije přećiwo kóždejžkuli europsko-ruskej kooperaciji k energetiskemu zastaranju měrić, hač k reparaturam na płunowodach, kotrež zastaranju Europy słuža“, měni Erler w dźensnišim wudaću Neue Osnabrücker Zeitung.
Z pipelinu Nord Stream II chcedźa wot lěta 2019 zemski płun z Ruskeje přez Baltiske morjo direktnje do Němskeje wjesć. Gernot Erler w tym zwisku kritizuje, zo ma knježerstwo USA eksport swójskich energetiskich resursow za najwažniše, zo by dźěłowe městna w kraju zawěsćiło a wonkownu politiku USA zesylniło. Tajki element „America first“ nima w sankcijach, kotrež wšak dyrbjeli so zhromadnje z partnerami wutworić, „definitiwnje ničo pytać“.
