Washington (dpa/SN). Najwyše sudnistwo USA je rozsudźiło, zo njesmědźa uniwersity hižo dlěje barbu kože požadarjow wobkedźbować. Dotalna praksa w tutej naležnosći wustawu kraja rani, sudnicy měnjachu. Uniwersity su barbu kože předołho jako „kriterij pruwowanja wobhladowali a nic kmanosće poža­darjow“, rěka we wčera wozjewjenym ­wopodstatnjenju Supreme Court we Washingtonje. Byrnjež rjadowanje swój čas z najlěpšimi wotpohladami schwalene było, rani wone najebać to wustawu. ­Spěchowanje narodnych mjeńšin pod mjenom „affirmative action“ je lětdźesatki dołho wjele diskutowana tema w USA. Wona měješe mnohotnosći mjez studowacymi polěkować. Prezident USA Joe Biden je rozsud sudnistwa jako „wulke přesłapjenje“ kritizował. „Njesměmy nihdy dopušćić, zo zdaluje so tutón kraj wot wizije, z kotrymž bu załoženy: zo ma kraj šansy za kóždeho, nic jenož za někotrych.“ Sudnistwo wuraznje na to pokazuje, zo móža uniwersity tež přichodnje wobkedźbować, w kajkej měrje je pochad požadarjow jich dotalne žiwjenje wob­wliwowało, „tež nastupajo diskriminaciju“.

Serbske Nowiny wudawaja so w Domowina-Verlag GmbH Ludowym nakładnistwje Domowina 

Jednaćel: Syman Pětr Cyž

Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.

Šefredaktor a zamołwity redaktor w zmysle

nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238

tel.: 03591 / 577 232 faks: 03591 / 577 202 e-mail:  www.serbske-nowiny.de

Adresa redakcije a nakładnistwa: Sukelnska 27, 02625 Budyšin

Adresse der Redaktion und des Verlages: Tuchmacherstraße 27, 02625 Bautzen

Zamołwita za rozšěrjenje: Manja Bujnowska 577 262

Předań nawěškow: Janka Rögnerowa 577 220 e-mail:

Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory

Vertriebskennzeichen: 2 B 2560 B

Drježdźansko-Mišnjanski biskop Heinrich Timmerevers (naprawo) je wčera na posedźenju Diecezanskeje pastoralneje rady w sakskej stolicy nowu knihu Ludoweho ­nakładnistwa Domowina „Čej’ da sy?“ dóstał. Čłon rady Rafael Ledźbor je biskopej knihu w nadawku jednaćela LND Symana Pětra Cyža w Domje katedrale přepodał. Biskop bě tydźenja na Klóšterskim swjedźenju w Pančicach-Kukowje wo nowej ­knize zhonił a so hnydom za nju zajimował. Wuraznje sej wón chwaleše, zo je ­dokumentacija wo stawiznach a identiće Serbow dwurěčnje wušła. Foto: priwatne

Hodźiny dołho je kołp wčera nowu a chětro drohu čaru podzemskeje železnicy w Londonje blokował. Zadźěwka dla dochadźeše na „Elizabeth Line“ k masiwnym zapozdźenjam, zdźěli wobhospodar na swojej internetnej stronje. Runočasnje pasažěrojo w socialnych medijach skoržachu, zo su we wagonach bjez toaletow zamknjeni. „Kak ćežko prošu jara je, zwěrjo z kolijow wućěrić“, so ludźo prašachu. Čaru běchu hakle loni w septembru na česć kralowny Elizabeth II. wotewrěli. Twar płaćeše 22 miliardow eurow.

Tójšto mjasa a kołbasy pokradnyli su paduši ze superwikow we Wildenfelsu w Zwickauskim wokrjesu a su při tym tež hišće chłódźenje přetorhnyli. Tuž dyrbjachu wšo zničić, štož bě we chłódźerni składowane. Paduši běchu durje chłódźernje wočinjene wostajili. Cyłkowna škoda wučinja wjace hač 10 000 eurow.