Rada starostow – gremij w zmysle kulojteho blida
Ze swjatočnej ceremoniju je iniciatiwa Serbski sejm čłonki a čłonow Rady starostow powołała. Starosća pochadźeja z Delnjeje, srjedźneje a Hornjeje Łužicy.
Wojerecy (SN/at). 19 wosobow z nimale wšěch kónčin dwurěčneje Łužicy Radźe starostow přisłuša. Jich je iniciatiwa Serbski sejm na zjawnym zarjadowanju sobotu we wěrowanskej rumnosći Wojerowskeho hroda powołała.
Petry wuzwolena
Klipphausen (dpa/SN). Sakska AfD poćehnje z Frauke Petry na čole do wólbneho boja za zwjazkowy sejm. Delegaća su zwjazkowu a krajnu předsydku strony wčera w Klipphausenje pola Mišnja na prěnje městno krajneje lisćiny wuzwolili. Druhe městno wobsadźi Drježdźanski sudnik Jens Maier. Petry, kotraž njeměješe přećiwneho kandidata, dósta 79,1 procent hłosow. Z nastajenjom kandidatow chcedźa 4. měrca pokročować.
Turkowska namołwja Němsku
Istanbul (dpa/SN). Do wopyta zwjazkoweje kanclerki Angele Merkel (CDU) štwórtk w Ankarje je Turkowska Němsku namołwjała, próstwy turkowskich wojakow wo azyl w Němskej wotpokazać. Dyrbjała-li Němska próstwam wojakow přizwolić, by tole „jara chutne konsek- wency“ měło, zdźěli turkowski zakitowanski minister Fikri Işik sćelakej CNN. Něhdźe 40 wojakow, kotřiž we wšelakich institucijach NATO dźěłaja, su wo azyl prosyli, dokelž so doma represalijow zwrěšćeneho wojerskeho puča dla boja.
Wobaraja so amnestiji
Policisća a fachowcy kriminalneje policije su dźensa znowa na ...
Kanclerka z Porošenkom jednała
Trump žněje mócne protesty
Šěsć mortwych při nadpadźe
Schulz chcył z Ruskej dźěłać
Njedostatki na zastanišćach
Stuttgart (dpa/SN). Lisćina njedostatkow na zastanišćach dalokobusow w Němskej je chětro dołha, kaž awtomobilowy klub ADAC piše. Na mnohich stacijach nimaja elektroniske informaciske tafle abo třěchi nad čakarnjemi, rěka w najnowšej rozprawje ADAC. Chódniki su častodosć za koleskate stoły přewuske. Nimo toho pobrachuje wotpowědny serwis za sobujěducych. Jenož mało zastanišćow je pasažěram přichilenych. „System dalokobusow je so spěšnišo wuwił hač k tomu słušaca infrastruktura“, w rozprawje rěka.
Awtomobilowy klub bě dźesać dalokobusowych dwórnišćow pruwował. Šěsć zastanišćam spožčichu znamku „dosahace“ abo hišće špatnišu znamku. Dwórnišća w Göttingenje a Bremenje posudźowachu samo z „njedosahace“. Jako najlěpše hódnoćachu poměry w Stuttgarće. Tola tež tam spožčichu runje tak kaž w Mnichowje, Hannoveru abo Hamburgu jenož predikat „dobre“. Woprawdźe „jara dobre“ wuměnjenja nihdźe njezwěsćichu. Stacije w druhich městach kaž w Budyšinje, Wojerecach a Choćebuzu pruwowali njejsu.
Čłonojo Rady starostow
To a tamne (30.01.17)
Cyłkownje 21 młodych žonow chce lětsa k wubědźowanju „Miss Germany“ nastupić. Wo titul wojuja kandidatki ze wšeje Němskeje w starobje 17 do 28 lět, organizatorojo wólnočasneho parka w Rusće pola Freiburga zdźěleja. Finale budźe 18. februara. Wubědźowanje rjanolinkow swjeći lětsa swój 90. jubilej. Lěta 1927 běchu je prěni króć přewjedli. Lětuše kandidatki běchu so w 150 cyłoněmskich wurisanjach přesadźili, na kotrychž wobdźěli so 5 155 młodych žonow.
Zwada wo hudźbu spěwarki Andreje Berg na narodninskim swjedźenju je w Durinskej wuwjercholiła. Při tym 52lětna žona 50lětnu hosćićelku na party w Rudolstadće daješe a wohrožowaše, policija w Saalfeldźe zdźěli. Pola žonow naměrichu 1,9 a 1,4 promile alkohola. Po informacijach policije njemóžeštej so žonje dojednać, kotry spěw měł so hrać.
