W Bedřichovje w sněhakowanju so wukmanili

póndźela, 23. januara 2017 spisane wot:

Šulerjo 8. lětnika Serbskeje wyšeje šule Ralbicy pobychu kaž kóžde lěto w sportowym lěhwje w čěskim Bedřichovje, hdźež so w sněhakowanju na běžkach a alpinskich sněhakach wukmanjeja.

Sport (20.01.17)

pjatk, 20. januara 2017 spisane wot:

Turněr při wysokim saku

Kulowscy wólnočasni volleyballisća TSV Žołto-módrych Kulow zarjaduja póndźelu, 30. januara, w sportowej hali turněr ze šěsć prošenymi cyłkami. Přihladowarjo pak su lubje witani. Hry započnu so w 19.15 hodź.

Pawk přeproša na kopańcu

Serbske młodźinske towarstwo Pawk přeproša zajimowane mustwa na halowy koparski turněr, kotryž budźe sobotu, 4. februara, w Radworskej sportowej hali. Startowy pjenjez na mustwo wučinja 15 eurow, maksimalnje dźesać cyłkow smě so wobdźělić, dwě městnje hišće stej. Hrate budźe z jednym wrotarjom a štyrjomi pólnymi koparjemi. Hry nawjedować budu Lea Krječmarjec, Anna Richterec a Lukaš Kolca. Zakop budźe w 17 hodź.

W hali za bulom honić

Biskopičanske koparske towarstwo přewjedźe w zymskej přestawce wjacore halowe koparske turněry. Wone budu wot 17. do 19. februara a wot 24. do 26. februara w Biskopičanskej sportowej hali Wesenitz. Mustwa smědźa so hišće přizjewić, startowy pjenjez wučinja 30 eurow. Naprašowanja prošu Tinej Gottlöberei pod: abo pod tel. čo. 0152/27939516.

17.02. 18:00 młodźina A

18.02. 9:00 młodźina C

18.02. 15:00 młodźina B

19.02. 14:30 žónske cyłki

Hrajne terminy FCE postajene

štwórtk, 19. januara 2017 spisane wot:

Wulke přesłapjenje su fanojo FC Energije (FCE) Choćebuz minjene dny předźěłać dyrbjeli. Po tym zo bě hruby hrajny plan za regionalnu ligu kruty, je Sewjeroněmski koparski zwjazk (NOFV) eksaktne hrajne terminy postajił.

A z terminow NOFV nětko wučitaš, zo hraje FCE na 19. hrajnym dnju štwórtk, 2. februara, w 13.30 hodź. w Lipsku přećiwo RB Lipsk II. Chětro wulki bě wukřik mjez fanami Energije, kotřiž běchu hižo w prěnjej połseriji při wažnej wonkownej hrě přećiwo Carl Zeiss Jenje „wuzamknjeni“. Tež tule partiju běchu štwórtk přewjedli. Bjez dźiwa, zo so Choćebuski přiwisk hórši: „Najwjetši dźěl chodźi na dźěło. Ći, kiž w změnach dźěłaja, bjeru sej přeco dźeń dowola za wonkowne hry, ale to w NOFV po zdaću nikoho njezajimuje. Do Lipska by zawěsće 1 000 ludźi jěło, nětko pak dyrbi so naše mustwo ze 100 rentnarjemi spokojić“, rěka zhromadne měnjenje w fanowej scenje. NOFV pak wopodstatni postajenje z wobmyslenjemi wokoło wěstoty. We a wokoło Lipska je prěni februarski kónc tydźenja chětro wjele zarjadowanjow. Policija njemóže tuž mjenowanu koparsku hru pjatk abo sobotu zawěsćić.

Budissa ma nowe předsydstwo

štwórtk, 19. januara 2017 spisane wot:
Na wurjadnej sobustawskej zhromadźiznje je koparske sportowe towarstwo Budissa Budyšin njedawno nowe předsydstwo woliło. Na wobrazu wotlěwa su to Swen Fromelius, Heiko Proske (pokładnik), Holger Schmidt (wiceprezident a zamołwity za sportowy kompleks Humboldtowy haj), Ingo Frings (prezident), Roland Fleischer (wiceprezident a zamołwity za wěstotne prašenja), Handrij Suchy, Veit Barthel, Sven Johne. Foto: Torsten Zettl

Přihoty derje zaběželi

srjeda, 18. januara 2017 spisane wot:

Z Reimundom Linkertom, trenarjom regionalneho koparskeho ligista Budissa Budyšin, je so Hans­peter Benad rozmołwjał.

Knježe Linkerto, sće z přihotami na 2. połseriju sezony spokojom?

R. Linkert: Mějachmy chětro dobre treningowe lěhwo nad Baltiskim morjom a smy tam jubilejny 25. halowy cup dobyli. Přihoty su tuž dosć derje zaběželi.

Štó budźe na poziciji Christopha Klippela hrać, kiž bu suspendowany?

R. Linkert: Mamy wjacore opcije. Po přihotowanskej fazy a testowych hrach doskónčnje rozsudźimy.

Změje Budissa Budyšin w hrajnej dobje 2017/2018 zaso druhe mustwo?

R. Linkert: Na to tuchwilu wotmołwić njemóžu.

Z 19lětnym Markom Žuljevićom sće wot FC Hornjeje Łužicy Neugersdorf koparja angažowali, kiž bu tam lědma zasadźeny. Njeje to zwažliwe?

R. Linkert: Žuljević wrotowe akcije jara kwalitatiwnje wotzamkuje a budźe našemu mustwu dale pomhać.

Přidruža so wam w zymskej přestawce hišće dalši nowi hrajerjo?

R. Linkert: Rozhladujemy so za dalšimi koparjemi.

Nadźijeće so, zo steji Budissa na kóncu sezony nad zestupnej smužki?

Wuslědki (18.01.17)

srjeda, 18. januara 2017 spisane wot:

Žony – wokrjesna liga

1. Zeleno-běli Bukecy 10 56  :  10 27

2. ST Liegau-Augustusbad  11 54  :  16 26

3. ST Nadrózna Hrabowka 10 39  :  24 18

4. Wojerowski FC 10 61  :  33 15

5. SSV Langburkersdorf 10 24  :  39 12

6. ST Hnašecy-Dobruša  10 17  :  34 11

7. ST Hlinowc 10 18  :  32 7

8. SZ Horni kraj-Sprjewja  9 3  :  84 0

wokrjesna koparska klasa, stafla I

1. ST Budyšin II 10 47  :  7 27

2. Budyšink/Malešecy 10 53  :  16 27

3. TSV Wjazońca II 10 32  :  24 18

4. ST Bart II  10 22  :  20 18

5. Zeleno-běli Bukecy II 10 36  :  31 16

6. Wjernarjecy/Załom 9 26  :  27 15

7. SZ Horni kraj-Sprje. III 10 18  :  18 13

8. SG Steinigtwolmsdorf 10 20  :  36 9

9. ST Wjelećin III 10 15  :  32 9

10. Módro-běli Minakał  10 11  :  46 6

11. ST Kubšicy II 9 16  :  39 3

wokrjesna klasa, stafla II

1. SJ Chrósćicy II 11 34  :  20 26

2. SZ Wětnica-Hola 11 44  :  21 23

3. ST Hlinowc 11 31  :  14 23

4. FSV Šćeńca 11 37  :  25 22

5. HZ Łaz/Běły Chołmc II 11 32  :  18 21

6. Nat. Němske Pazlicy II 11 21  :  20 17

7. SJ Njebjelčicy II 11 30  :  14 16

8. ST Mały Wjelkow 10 27  :  28 14

9. Módro-běli Kulow II 10 13  :  26 7

10. ST Lubuš II 11 15  :  40 6

11. FSV Łuty II 11 18  :  44 6

12. HZ Wulke Ždźary II 11 11  :  43 4

wokrjesna klasa, stafla III

1. ST Huska 10 43  :  5 30

2. Biskopičanske KT III 10 60  :  17 23

3. Mały Wosyk 10 42  :  18 22

4. ST Bart 10 36  :  12 22

5. ST Hnašecy-Dobruša II 10 26  :  17 17

6. ST Radwor II 10 20  :  30 13

7. ST Hodźij 04 II 10 17  :  32 10

Perfektny narodninski dar

wutora, 17. januara 2017 spisane wot:

Jako minjenu sobotu wječor w kabinje Viktorije Worklecy dźewjeć muži serbsku „Sławu“ zanjese, bě wona najprjedy kapitanej tamnišich volleyballistow Ludwigej Eckertej wěnowana, kiž bě krótko do toho 30. narodniny swjećił. Ze spěwa pak bě tež wusłyšeć wjeselo nad dobyćomaj, z kotrymajž móžeše sej Viktoria druhe městno w tabulce zaso wróćo zdobyć. W hodźinach do toho běchu přihladowarjo sydom bojowniskich sadźbow widźeli.

Viktoria Worklecy

– Módro-běli Wojerecy II 3:0

(25:21, 27:25, 25:15)

Mjezykoło wokrjesnych mišterstwow

wutora, 17. januara 2017 spisane wot:

W sportowni Wojerowskeje powołanskeje šule je so mjezykoło halowych wo­krjesnych koparskich mišterstwow młodźiny D přewjedło. Mjez wobdźělnikami běchu tež Radworčenjo a Kulowčenjo. Wobaj cyłkaj chcyštej na kóždy pad do kónčneho koła, štož so jimaj tež poradźi.

wuslědki mjezykoła:

1. ST 1922 Radwor  12:0 12 dypkow

2. Módro-běli Kulow   9:2 9 dypkow

3. Biskopičanske KT II   7: 9 6 dypkow

4. Budissa Budyšin III   5:8 3 dypki

5. Liegau-Augustusbad   1:15 0 dypkow

Finalne koło koparskeje młodźiny D budźe sobotu, 21. januara, wot 14 hodź. w sportowni při Kamjenskim lětanišću. Werner Müller

Dalše terminy Budissy

wutora, 17. januara 2017 spisane wot:

Na staflowym posedźenju Sewjerowuchodneho koparskeho zwjazka NOFV su so zamołwići na dalše hrajne terminy a časy zakopow dojednali. Budissa Budyšin hraje na sćěhowacych terminach (D=doma, W=wonka):

05.02.  13:30  W ST Babelsberg

11.02.  13:00  W FC Carl Zeiss Jena

17.02.  18:00  D Union Fürstenwalde

26.02.  13:30  W TSG Neustrelitz

05.03.  13:30  D Berlinski AK

12.03.  13:30  W Hertha BSC II

19.03.  13:30  D FC Energija Choćebuz

31.03.  19:00  W FSV Luckenwalde

09.04.  13:30 D Wacker Nordhausen

Kilian Hrjehor

25. halowy cup dobyli

wutora, 17. januara 2017 spisane wot:
Koparjo regionalneho ligista Budissa Budyšin su we wobłuku treningoweho lěhwa w Graal-Müritzu 25. halowy cup TSV Graal-Müritz suwerenje dobyli. Tule widźimy hrajnu scenu z Budyšanom Josefom Müllerom (srjedźa). Foto: Torsten Zettl

nawěšk

SERBSKE NOWINY podpěruja:

Novi Sad – kulturna stolica Europy

nowostki LND