Jednajawo skóržbje
Dźeń přećeženja ressourcow docpěty
„Smy swětej wotewrjeni“
Anonymny list wučerjow błótowskeje šule wo prawicarstwje zbudźa zajim
Wětošow/Choćebuz (dpa/SN). Turistiski zwjazk w błótowskich Bórkowach je prawicarske podawki na šuli města wobžarował. „Jako zamołwići turistiskeho zwjazka smy swětej wotewrjeni. Hosćo z tu- a wukraju su nam wutrobnje witani“, rjekny nawodnica zwjazka Annete Ernst powěsćerni dpa. Wo prawicarsko-ekstremnych njepočinkach je wona po swójskich wuprajenjach z medijow zhoniła.
W anonymnym lisće wučerjo Bórkowskeje šule skorža, zo su w šuli wšědnje z prawicarskim ekstremizmom, seksizmom a hidu na homoseksualnych konfrontowani. Dźe mjez druhim wo hokate křiže na meblach, prawicarsko-ekstremnu hudźbu w hodźinach a antidemokratiske parole na chódbach šule. Nimo toho dožiwjeja pedagogojo „murju mjelčenja“. Wučerjo skorža, zo nimaja žanu podpěru šulskeho nawodnistwa, šulskeho zarjada a politiki.
To a tamne (04.05.23)
Pjenjezy za wjace municije
Praha (dpa/SN). Europska komisija chce produkciju municije w Europje pospěšić a z miliardu eurow spěchować. To je dobra powěsć Ukrainje, sylni pak tež kmanosć Europy, so zakitować, rjekny prezidentka komisije EU Ursula von der Leyen wčera po zetkanju z čěskim prezidentom Petrom Pavelom w Praze. Von der Leyen chcyše zakoń nastupajo planowanja municije hišće dźensa komisaram EU předpołožić. Z nim chcedźa předpisy wolóžić a procesy dowolnosćow pospěšić.
Söder nochce 2025 kandidować
Berlin/Mnichow (dpa/SN). Bayerski ministerski prezident Markus Söder (CSU) nochce po swójskich wuprajenjach při přichodnych wólbach zwjazkoweho sejma jako kanclerski kandidat CDU/CSU nastupić. We wusyłanju sćelaka ZDF „Markus Lanz“ rjekny předsyda CSU wčera wječor na wotpowědne prašenje: „Tema je za mnje wotbyta. Njesteju za to k dispoziciji.“ Po měnjenju Södera ma předsyda CDU Friedrich Merz najlěpše wuhlady, wólby 2025 dobyć.
Zanjerodźenje žita dopokazane
Po zwrěšćenych jednanjach nastupajo lěpše dźěłowe wuměnjenja ...
Žada sej globalne klimowe zaměry
Obama rěči w Berlinje
Štó smy?
To a tamne (03.05.23)
„Dźeń rybičkaceje całty“ woswjeća přichodny kónc tydźenja – mjeztym 13. króć – na sewjeru Němskeje. Podłu Baltiskeho morja planuja wustupy shanty-chórow, kolesowarske jězby, originalnu hudźbu, dźěćace programy a akcije nadróžnych wuměłcow. Tež w Hamburgu chcedźa pomórskej kulinariskej chłóšćence česć wopokazać. Prěni króć přihotuja zarjadowanja na Dnju rybičkoweje całty tež nad Sewjernym morjom.
Chrobłe worakawstwo je sej student wuměłstwa w Južnej Koreji dowolił: Wón hrabny sej z instalacije italskeho wuměłca Maurizija Cattelana w stolicy Seoulu bananu, zo by ju nablaku zjědł. Na wideju je widźeć, kak młody muž přilěpjenu bananu wottorhnje, ju woběli a zjě. Po tym běliznu zaso přilěpi. Spočatnje student rjekny, zo bě prosće hłódny, dokelž njebě snědał, pozdźišo rěčeše wo „akciji“.
