Policija (08.07.25)
Motorske pokradnyli
Haty. Paduši su minjene dny w Hatach, małej wsy we Worklečanskej gmejnje pobyli. Njedźelu popołdnju tam zwěsćichu, zo bě so motorske typa Kawasaki KLX 140 R zhubiło. Po informacijach policije bě mašina něhdźe 3 000 eurow hódna. Skućićeljo běchu so na ležownosć na Wokolnym puću zadobyli a motorske sobu wzali. Hač su z nim wotjěli abo hač su motorske z připowěšakom wotwjezli njeje znate. Kriminalna słužba Kamjenskeho policajskeho rewěra so z padom zaběra.
Ze serbskim napisom na gratowni
Zo bychu so ludźo před wohenjemi škitali, su před něhdźe połdra lětstotkom tež w Hornjej Łužicy wohnjowe wobory załožeć započeli. W našej lětnjej seriji chcemy někotre z nich předstajić a jich stawizny rozłožić. (3)
Mjeztym pjeć lět je Sören Johanson nawoda wohnjowych woborow cyłeje Rakečanskeje gmejny. Jednotliwe wjesne wobory su Stróža/Komorow, Jeńšecy/Psowje a Rakecy. Cyłkownje maja 195 wobornikow, žony a muži. Z nich je połojca aktiwnje zasadźena. Nimo toho je w Stróži kaž tež w Rakecach młodźinska kaž tež dźěćaca wohnjowa wobora.
Městno spominanja zachować
Gmejna chce pomnikaj na Fulkec hórce ponowić dać
Chrósćicy (JK/SN). Na Fulkec hórce w Chrósćicach dopominatej pomnikaj na 2 000 padłych pólskich wojakow, kotřiž su při wojowanjach na kóncu Druheje swětoweje wójny blisko Chrósćic swoje žiwjenje přisadźili. Pomnikaj tam hižo wjacore lětdźesatki stejitej. Jedyn je z čerwjeneho porfyra, wón bu w lěće 1967 postajeny. Z pólskim, serbskim a němskim napisom so na nim na padłych spomina. Tamny, šěsć metrow wysoki z betona w formje křidła worjoła, bě pólski twarski zawod Krakbud w lěće 1980 natwarił. Wón bu składnostnje 35. róčnicy wuswobodźenja wot fašizma swjatočnje wotkryty.
Serbšćinarjo redakciju SN zeznali
Najlěpše wuměnjenja při a na wodźe
Łužiska jězorina so dale a bóle na turistisku kónčinu a wočerstwjenišćo změnja. Lěto wob lěto maja tam wjace poskitkow. Tu wam lětuše chłóšćenki předewšěm při a na wodźe předstajamy.
Łužica (SN). Łužiski wotrězk Nysy je za sportowcow na wodźe paradiz. Dźakowano přirodnym přibrjoham maja tam zwěrjata kaž žorawje, libele abo rybački swoju domiznu. Tež padlowarjam skići rěka wuběrne wuměnjenja. Podłu Nysy přewjeduje firma expeditours wodźene tury z čołmikom abo kolesom. W jězorinje pak móža so ludźo tohorunja z kolesom na puć podać. Dźakowano kanalam, po kotrychž łódźe jězdźa, njetrjebaja zajimcy cyłu čaru kolesować, ale jědu wěste wotrězki z łódźu sobu. Tak móža sej w běhu krótkeho časa Złokomorowski, Lejnjanski a Parcowski jězor wobhladać.
Krótkopowěsće (08.07.25)
Do noweho domu zaćahnyli
Rowno. Dźěći a kubłarki Rownjanskeje pěstowarnje Milenka su wčera do noweje pěstowarnje zaćahnyli. Tydźenja su sej zajimcy dom a nowe móžnosće za kubłanje wobhladali (SN rozprawjachu). W domje je městno za 50 chowancow. Cyłkowne kóšty nowotwara wučinjeja 3,3 miliony eurow.
Zaso jara dobre wuslědki docpěli
Drježdźany. Abiturienća w Sakskej su lětsa jara dobre wuslědki docpěli. Přerězk wukonow leži pola 2,0 a z tym na niwowje zašłeho lěta. Cyłkownje 96,4 procenty pruwowancow su swoje abiturne pruwowanje zmištrowali, to je trochu wjac hač loni. Wukon 1,0 je lětsa w Swobodnym staće 353 šulerjow a šulerkow docpěło. Sakski kultusowy minister Conrad Clemens (CDU) sej konstantne wuslědki jara chwali.
Keltiske sydlišćo wotkryli
Jejo – dźěl našeho zežiwjenja
Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (60)
Za mnohich je njedźelniše warjene jejo k snědani njeparujomne. Druzy sebi časćišo jejo popřeja, na př. sportowcy za natwar musklow. Jasne je, zo hraje jejo w Němskej dźeń a wjetšu rólu. W lěće 2020, tak wozjewi ratarske ministerstwo, je so w Němskej nimale 20 miliardow jejow jědło. Tendenca stupa.
Ći jedni su přeswědčeni, zo tyje jejo we wobłuku zežiwjenja ćěłu a powšitkownej strowoće. Dalše měnjenja pak pokazuja tež na strachi přez na př. wysoki podźěl cholesterina jeja abo infekcije z bakteriju salmonela abo kampylobakter.
Wjelelětnu wučerku rozžohnowali
Film wo wsy připóznaće žnjał
W Nowej Wjesce bě kónc tydźenja lóštny wjesny swjedźeń
Nowa Wjeska (EM/SN). Tři dny knježeše kónc tydźenja w Nowej Wjesce móhłrjec wuwzaćny staw. Kóždolětny wjesny swjedźeń přiwabi wjele wopytowarjow zbliska a zdaloka a skićeše wšitkim generacijam wotměnjawy program.
Pjatk wječor zahajichu swjedźeń z 2-euraj-party. Z tradicionalnym natočenjom piwa so kónc tydźenja oficialnje započa, hudźbny přewod přewza DJ „DehnSound“. Při najlěpšej naledźe hač do pózdnjeje nocy swjećachu.
Sobota steješe cyle w znamjenju zhromadnosće. Pjeć mustwow nastupi k prěnjej Nowowješćanskej klubowej olympiadźe. Mjez druhim dyrbjachu na synowu hromadu zalězć, traktorowu wobruč mjetać a so po wodowym suwadle suwać. Po dwěmaj hodźinomaj wopokaza so mustwo „High5“ z Worklec jako najlěpše. Za nim sćěhowaše mustwo z Noweje Wjeski. Runočasnje přewjedźechu pisany dźěćacy swjedźeń ze wšelakimi stacijemi a woblubowanej krosnowanskej žerdźu. Z tym wobradźichu małym wopytowarjam wulke wjeselo.
