Na Hrodźišku sej zymu lubić dali
Suchoćina móže wšěch trapić
Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (73)
Chorosće, kotrež so wot čłowjeka na zwěrjo a nawopak přenjesu, tak mjenowane coonosy, dźeń a dale přiběraja. Ze zašłosće su nam hesła kaž AIDS abo koronawirus znate. Njedawno wozjewi so statistika, zo přiběraja pady infekcijow z liškowym šlebjerdakom (Fuchsbandwurm) pola čłowjeka w Europje, předewšěm w Awstriskej, w Šwicarskej, w Francoskej a w Němskej. Při tym njenatyknu so wosoby jenož přez njemyte jahody z lěsa, ale tež přez ekskrementy drobneho skotu. Tohodla měli so psam a kóčkam prawidłownje medikamenty přećiwo parazitam dawać.
Před krótkim sym přinošk wo tuberkulozy pola čłowjeka nadešła. Je to chorosć, kotraž trapješe čłowjestwo přez lěttysacy. Tež dźensa hišće schori a zemrěje wjele ludźi na nju. Při tym njeje dokładnje jasne, hač je so wubudźak suchoćiny (Schwindsucht/Tuberkulose) jednoho dnja wot čłowjeka na howjado abo nawopak přenjesł.
W kruhu swójby warić
Miłoćicy (SN/MWj). Z nowymi temami a wupruwowanymi formatami pokročuje Křesćansko-socialny kubłanski skutk tež w lěće 2026 swoje woblubowane zežiwjenske seminary. Kaž zamołwita za zjawnostne dźěło Uta Große zdźěli, wočakuje zajimcow w klóštrje Marijina hwězda w Pančicach-Kukowje a na Wojerowskej dźěćacej a młodźinskej farmje wotměnjawy program kołowokoło stroweho zežiwjenja.
Rjady seminarow „Zetkanišćo strowe zežiwjenje“, „Zetkanišćo strowota“ kaž tež „Klewernje a kreatiwnje warić“ skića tež lětsa zajimawe impulsy, praktiske pokiwy a móžnosć wuměny. Wšitke terminy a temy za 2026 su hižo jasne a online na wozjewjene. Tam móža so zajimcy tež přizjewić.
Bratrowstwo so schadźowało
Sulšečanska młodźina wo zastaranje na lětnym swjedźenju so starała
Sulšecy (KH/SN). Na swój tradicionalny lětny swjedźeń je towarstwo Bratrowstwo Kulowskeje wosady sobotu do Sulšec přeprosyło. Žurla tamnišeho kulturneho domu bě derje pjelnjena a wopytowarjo so wjeselachu, zo tam znate mjezwoča wuhladaja.
Delansku šulu zeznać
Ralbicy. Dźeń wotewrjenych duri wuhotuje Ralbičanska serbska wyša šula wutoru, 13. januara. Delanscy šulerjo a wučerjo zajimcam swoju šulu předstaja, informuja wo cyłodnjowskich poskitkach a zmóžnja jim samo wopyt wučby. Dopołdnja šulerjo wokolnych šulow do Ralbic přijědu. Wot 17 do 19 hodź. su potom wšitcy dalši zajimcy přeprošeni sej šulu wobhladać. Za staršich přichodneho 5. lětnika je we 18 hodź. na prěnim poschodźe w rumnosći čo. C02 wosebite informaciske zarjadowanje.
Poradźuja wo zesamostatnjenju
Kamjenc. Darmotne informaciske zarjadowanje za wšitkich, kotřiž chcedźa so zesamostatnić, wotměje so jutře, wutoru, 13. januara, wot 16 do 18 hodź. w rumnosćach Kamjenskeje IHK na Haydnowej 2. W seminarnej formje zajimcy zhonja, na čo měli při zesamostatnjenju dźiwać.
Nowy solarny park ma nastać
Brězowka (AK/SN). Fotowoltaikowy park mjez Dźěwinom a Brězowku bě jedna z temow, z kotrejž je so Dźěwinska gmejnska rada na swojim prěnim posedźenju w nowym lěće zaběrała. Inwestoraj a twarskej knjezaj stej firmje ToRa z Mužakowa a MET ze Šwicarskeje. Na 39 hektarach ma fotowoltaikowy park z wukonom hač do 67,2 megawattaj nastać. Wob lěto wočakuja wunošk we wobjimje 51 gigawattowych hodźin. Park přizamknu na 110 kilowoltow sylny milinowód, kiž tam w bliskosći nimo wjedźe. Do projekta ma so nimo toho baterijowy skład zapřijeć. Na te wašnje njebudu žane dołhe kable trěbne, tak zo hodźi so potencial parka połnje wučerpać, gmejna Dźěwin na swojej internetnej stronje zdźěla. Gmejna a wobsedźerjo ležownosćow předewzaće podpěruja.
Młodostni Radworskeho młodźinskeho kluba běchu zawčerawšim ...
Krótkopowěsće (12.01.26)
Dwubój mjez CDU a AfD
Zły Komorow. Alexander Erbert (CDU) a Antje Ruhland-Führer (AfD) staj druhe rozsudne koło wólbow krajneho rady wokrjesa Hornje Błóta-Łužica docpěłoj, kotrež so 25. januara wotměje. Erbert je 48,8 proc. hłosow zdobył, Ruhland-Führer 43,6. Na třećim městnje wčerawšich wólbow běše dr. Evgeni Kivman strony za škit zwěrjatow. Na wólbach wobdźěli so 43,1 procent 190 000 wólbokmanych.
Na lěsnym pućiku znjezbožił
Wjazońca. W lěsu pola Wjazońcy je 23lětny minjeny tydźeń te swojim awtom smjertnje znjezbožił. Jězdźidło bě do wjacorych štomow zrazyło, kotrež běchu pódla lěsneho puća składowane, informowaše nětko Zhorjelska policajska direkcija. Njezbožo bě so štwórtk wječor abo pjatk rano stało. Swědk je policiju zazwonił, dokelž bě pjatk připołdnju awto nadešoł. Policija pad přepytuje.
Sakska Lěwica sylnje rozrostła
Dobyćerjo hodowneje křižowki
Znowa smy tójšto dopisow z wuhódanjom hodowneje křižowki Serbskich Nowin dóstali, w kotrychž bě prawje napisane „Do Božej nocy zwony du“.
Redakciska fortuna je rozsudźiła, štó tónraz myto dobudźe. Stajnje dwaj zastupnej lisćikaj za premjeru ptačokwasneho programa Serbskeho ludoweho ansambla 17. januara w Radworju připósćelemy Antoniji Šěnec w Drježdźanach a Alojsej Handrikej w Serbskich Pazlicach.
Zastupnej lisćikaj za premjeru noweje hornjoserbskeje inscenacije Němsko-Serbskeho ludoweho dźiwadła „Skazany pryzlak“ 14. februara w Budyšinje dóstanje naš čitar Jurij Žur z Hrubjelčic.
Bratrowstwo přeprošuje
Sulšecy. Towarstwo Bratrowstwo přeprošuje swojich čłonow a wšitkich dalšich zajimcow na lětny swjedźeń sobotu, 10. januara, w 19 hodź. do Sulšečanskeho kulturneho doma. Program wuhotuje Smjerdźečanska rejwanska skupina. Po tym budu reje z kapału „all-ready“. Zastupny lisćik płaći sydom eurow, w předpředani pjeć eurow. Hosćom poskićuja wječer, proša pak wo skazanku.
Astrofyzika w hospodźe
Chrósćicy. Po hodownej a nowolětnej přestawce program Kulturneje zymy w Chróšćanskej putniskej hospodźe jutře, sobotu, pokročuje. Wot 19.45 hodź, přednošuje tam młody fyzikar Jan Winša z Drježdźan. Wón skutkuje w Astrocentrumje Łužica, kiž chce w Delanach podzemski labor natwarić. Wědomostnik wo tym porěči, kajki budźe Astrocentrum Łužica wupadać, wo čim ma so tam slědźić a što to za Serbow woznamjenja. Přednošk skići hosćom wuhlad do astrofyzikaliskeho přichoda Łužicy. Kedźbu! Za sobotu popołdnju připowědźene dźěćace kino dyrbi tónraz priwatnych swójbnych přičin dla wupadnyć.
Delansku šulu zeznać
