Slepjanski folklorny ansambl měješe spočatk měrca hłownu a wólbnu zhromadźiznu. Alfons Wićaz je so z jeho wjelelětnym organizatoriskim nawodu Wolfgangom Kotisekom rozmołwjał.
Kajku bilancu je ansambl sćahnył?
W. Kotisek: Wot lěta 1973, potajkim wot załoženja našeho ansambla, hač do kónca 2016 mějachmy 1 247 wustupow. K tomu přińdźe tójšto internych programow, kaž na jubilejach. Tehdy běchu wšitcy naši čłonojo ze Slepjanskeje wosady. Dźensa su woni tež ze zdalenišich kónčin, z 18 wšelakich wsow a městow. Najdale jězdźitaj trubkar a basist z Hamburga a Lipska. Z Ćisowa je swójba Zahrodnikec z klarinetu, huslemi a dudami zastupjena. Mamy studentow a wukubłacych. Dyrbimy tuž tójšto wobkedźbować, zo móhli tež zhromadne proby přewjesć. Loni wuhotowachmy pjeć wustupow. Smjerće mojeje mandźelskeje dla smy wjetšu přestawku zapołožili. Nětko chcemy aktiwity zaso zesylnić.
Kak radźi so wam najebać tele zdalenosće ansambl hromadu dźeržeć?
Krabatowe towarstwo za regionalne wuwiće dwurěčneje Łužicy chce swoje zwiski do domizny Krabata, chorwatskeho a słowjenskeho regiona Žumberak zesylnić.
Chrósćicy (AK/SN). „Ze swojej wobstejacej syću partnerow a ze swojimi nazhonjenjemi chcemy mjez turistikarjemi we Łužicy a w Žumberakskim regionje posrědkować“, podšmórny předsyda Krabatoweho towarstwa Reiner Deutschmann wčera na hłownej zhromadźiznje towarstwa w Chrósćicach. „Zaměr je dołhodobny kooperaciski projekt přez europski spěchowanski program Leader mjez łužiskim Krabatowym regionom a chorwatsko-słowjenskej namjeznej kónčinu. To je wulke wužadanje, ale móžemy je zmištrować.“ Prócować chcedźa so tohorunja wo zwiski mjez Budyskim wokrjesom a komunami w regionje Žumberak. Tole měła předewšěm iniciatiwa wjesnjanostow być.
Pěskecy (JK/SN). Zo móže před wjace hač 30 lětami spisany roman tež dźensa hišće ludźi zahorić, pokaza so na spodobne wašnje zawčerawšim w Pěskečanskim sportowym domje. Nimale 50 wjesnjanow a hosći z wokolnych wsow je přeprošenje Pěskečanskeje sportoweje jednotki na čitanje Křesćana Krawca sćěhowało. Spisowaćel z Hrubjelčic bě so hižo před dlěšim časom z čłonom sportoweje jednotki Křesćanom Žurom na to dojednał, ze swojeho romana „Wočakńmy nalěćo“ w Pěskecach čitać. Pozadk bě, zo hraje roman tež bjesposrědnje w Pěskecach a wokolinje. Čiły zajim za čitanje zbudźichu přidatnje wobrazy ze stawiznow Pěskec, kotrež běštaj Siegfried Althaus a Jurij Pjetaš zestajałoj. Před wobrazowej sćěnu stejo sej wjesnjenjo dopomnjenki wuměnichu, wuwědomjejo sej wažnosć tajkich dokumentow.
Na pjatkownym rozmołwnym zetkanju Koła serbskich spisowaćelow (KSS) informowaše jeho předsyda Benedikt Dyrlich přitomnych čłonow spočatnje wo połoženju Zwjazka serbskich wuměłcow a jeho kołow.
Budyšin (SN/DoŠ). Tak njeje bracha kruteje přistajeneje mocy dla organizacija projektow zwjazka tuchwilu zaručena. Tohodla leži mjez druhim čitanski projekt „na lodźe“, a cyle wohroženy je lětuši 39. swjedźeń serbskeje poezije na česć Jurja Chěžki. „Přiwšěm je so přihotowanski wuběrk swjedźenja trójce zetkał, wjacore rozmołwy z mnohimi partnerami wjedł. Koncept je Załožbje za serbski lud zapodaty“, rjekny Dyrlich.
Wšitkim na dźěle Domowiny zajimowanym skići třěšny zwjazk serbskich towarstwow přidatny serwis. Jutřiša 18. hłowna a wólbna zhromadźizna budźe přez livestream wusyłana.
Zajutřišim wuzwola delegaća 18. hłowneje zhromadźizny Domowiny we Wojerecach nowe zwjazkowe předsydstwo třěšneho zwjazka. Čłonske župy a towarstwa su tychle kandidatow namjetowali:
Župa „Jakub Lorenc-Zalěski“ z. t.
1. Manfred Hermaš
2. Diana Maticowa
3. Stephanie Bierholdtec
4. Maria Pěčkec
Župa Delnja Łužica z. t.
1. William Janhoefer
2. Jenifer Dünnbierowa
3. Maximilian Hassatzky
4. Kito Ela
5. Kathrin Šwjelina
6. Collett Šampatisowa
Župa „Handrij Zejler“ Wojerecy
1. Enrico Šołta
2. Marcel Brauman
Župa „Jan Arnošt Smoler“ Budyšin
Jana Pětrowa
Župa „Michał Hórnik“ Kamjenc 1. Zala Cyžowa
2. Bjarnat Cyž
3. Marko Kliman
Maćica Serbska/Maśica Serbska z. t.
Marka Cyžowa
Serbske młodźinske towarstwo Pawk z. t.
1. Franciska Grajcarekec
2. Alena Pawlikec
Serbske šulske towarstwo z. t.
Marlis Młynkowa
Serbski Sokoł z. t.
Milan Funka
Spěchowanski kruh za serbsku ludowu kulturu z. t.
dr. Fabian Jacobs
Towaršnosć za spěchowanje Serbskeho ludoweho ansambla z. t.
Katrin Suchec-Dźisławkowa
Towarstwo Cyrila a Metoda z. t.
1. Marja Michałkowa
2. Jan Nuk
Budyšin (SN/at). Domowinje přisłušace župy a towarstwa namjetuja 18 kandidatkow a 14 kandidatow, kotřiž nastupja zajutřišim, sobotu, na 18. hłownej zhromadźiznje we Wojerecach k wólbam noweho zwjazkoweho předsydstwa třěšneho zwjazka. Połojca kandidatow požada so prěni raz wo mandat. Stajnje třoch nowačkow namjetujetej župje „Jakub Lorenc-Zalěski“ a Delnja Łužica. Dweju noweju nominuja Kamjenska župa „Michał Hórnik“, Serbske młodźinske towarstwo Pawk z.t. a Zwjazk serbskich studowacych – župa „Jan Skala“. Z nowym wobličom chcedźa tohorunja Maćica Serbska, Spěchowanski kruh za serbsku ludowu kulturu z.t., Zwjazk serbskich spěwarskich towarstwow z.t. zastupjene być.
Delegaća hłowneje zhromadźiny rozsudźa wo 27 čłonach zwjazkoweho předsydstwa, wo předsydźe a městopředsydomaj. Wotpowědnje čłonstwu změje župa Kamjenc porno minjenej wólbnej periodźe dwaj přidatnej mandataj, župje Delnja Łužica a „Jakub Lorenc-Zalěski“ kóžda jedyn. Woteběraceho čłonstwa dla změje Budyska župa mandat mjenje.