Wojerecy (SN). Porodna stacija Wojerowskeho klinikuma łužiskeje jězoriny zhladuje wćipnje na kónc lěta. Chibazo narodźi so tam hižo wokoło hód 600. dźěćo? Hižo srjedź oktobra móžachu baby a dźěćacy lěkarjo 500. porod w chorowni registrować. „Póńdźe-li tak dale, móhło tu 600. dźěćko hišće do hód na swět přińć“, wjeseli so nawjedowaca baba w klinice Sabine Waschulewski.
1 800 projektow w regionje
Budyšin (SN). Podźěl 18lětnych w Sakskej, tež w Hornjej Łužicy, kotřiž su wot chudoby wohroženi, wučinja něhdźe 15,4 procenty. Podźěl 18- do 25lětnych je samo na 31,5 procentow rozrostł. To je za wobdźělnikow akcije „genialsocial-lokalne“ z přičinu jim pomhać. Wšako su sej předewzali, nimo mjezynarodneje podpěry w Africe abo Srjedźnej Americe tež tudyšim potrěbnym pod pažu přimać. Tuž chcedźa 30 procentow z cyłkownych dochodow lětušeje akcije za něhdźe 1 800 w regionje projektow wužiwać.
Kamjenc (SN/mwe). Nowy jednaćel chorownjow maltezow w Kamjencu a Zhorjelcu je wotsrjedź nowembra Sven Heise. Kaž w nowinskim wozjewjenju katolskeje pomocneje organizacije w Kölnje rěka, „wjedźe Heise towaršnosć do přichoda a ma managementowu zamołwitosć za wobě chorowni. Wón přewozmje w Kamjenskej chorowni swj. Jana runočasnje překupsku direkciju a nawodnistwo stejnišća.“ W Zhorjelskej chorowni swj. Carolusa wostanjetej tutej funkciji dale w dotalnych rukach.
Najebać to, zo je něhdźe 350 sobudźěłaćerjow hojernje w Lessingowym měsće předawanskich planow maltezow dla tuchwilu trochu napjatych, so wšitcy dale dospołnje na swoje dźěło w medicinskim wobłuku, ale tež zwonka njeho koncentruja. K tomu słušeja poskitki za pacientow a wobydlerjow w adwenće.
Demonstruja před dźiwadłom
Choćebuz. We wobłuku swětoweho stawka za lěpšu klimu namołwja tež Choćebuski zwjazk „Cottbus for future“ jutře, pjatk, w 13 hodź. k demonstraciji před měšćanskim dźiwadłom. „29. nowembra budźemy wšitcy njepřijomni – stejimy k swojemu žadanju: klimowa sprawnosć nětko!“, zwjazk připowědźa.
Poprjančki debić a paslić
Ćisk. Ćišćanske kulturne towarstwo přeprosy wobydlerjow sobotu, 30. nowembra, wot 14 hodź. na „hody na Ćišćanskim statoku“. Dźěći změja přiležnosć, w dobrej stwě poprjančki debić. Na hornim poschodźe móža hodownu dekoraciju paslić. Wot 15 hodź. předstaja dźěći domu „Lutki“ mały program.
Maja nowu gratownju
Delnja Kinja. Po dwěmaj lětomaj twara přepodadźa w Delnjej Kinje sobotu, 30. nowembra, w 10 hodź. nowu wohnjowobornu gratownju.
28.11.–4.12.2019 Budyski filmowy palast:
Die Eiskönigin 2 w 3D: wšědnje 14:30 (nimo pó a srj), 17:30 a 20:00 | so a nj 11:45 | pj a so 22:45 Die Eiskönigin 2: wšědnje 14:00 (nimo pó a srj) a 17:00 | so a nj 11:30 a 14:30 Last Christmas: wšědnje 17:00 a 19:45 Das perfekte Geheimnis: wšědnje 17:15 (nimo pó) a 20:00 | štw, pj a wu 14:45 | pj a so 22:30 Der König der Löwen: so 11:45 | pj a nj 14:15 Joker: wšědnje 19:45 (nimo pó) | pj a so 22:30 Shaun das Schaf – Der Film: UFO-Alarm: so a nj 12:15 Maleficent – Mächte der Finsternis: nj 11:45
Kino-ekstra: Systemsprenger: štw, so a wu 14:15 | pj a so 22:30 Deutschstunde: pó 17:15 a 20:15
Wojerowski CineMotion: Die Eiskönigin 2 w 3D: wšědnje 15:00 a 17:30 (nimo so a nj) | nj 10:30, 13:00, 15:30 a 18:00 | so 12:45, 15:15 a 17:45 Die Eiskönigin 2: wšědnje 14:30, 17:00 a 19:30 (nimo pj, so a nj) | pj 15:30, 18:00, 20:30 a 23:00 | so 12:15, 14:15, 14:45, 17:15, 19:45 a 22:15 | nj 12:15, 14:45, 15:00, 17:15 a 19:45 Angry Birds 2 – Der Film: so 12:00 Last Christmas: wšědnje 14:40 a 19:50 (nimo so, nj a srj) | so a nj 20:10 | srj 15:30 a 19:45 Das perfekte Geheimnis: wšědnje 15:15, 17:40 a 20:10 (nimo so a nj) | so 14:30, 16:45 a 19:30 | nj 14:30, 17:30 a 20:00 Der König der Löwen: nj 12:20 Joker: pj 22:35 | so 22:00 Le Mans 66 – Gegen jede Chance: wšědnje 16:45 (nimo so, nj a srj) | so a nj 17:00 Shaun das Schaf – Der Film: UFO-Alarm: nj 10:10 Testimony: wšědnje 22:00 (nimo so a nj) | so a nj 22:20 Der Glanz der Unsichtbaren: srj 17:25 Die Addams Family: so a nj 12:30 Everest – Ein Yeti will hoch hinaus: nj 10:20 Hexe Lilli rettet Weihnachten: nj 10:00 Hustlers: wšědnje 20:00 (nimo so a nj) | pj 22:25 | so 20:15 a 22:45 | nj 20:30
To hišće dožiwiła njejsym! Zastupich, kaž přeco, do měšćanskeje hale, do organizatoriskeho srjedźišća Choćebuskeho filmoweho festiwala, zo bych sej w tamnišim medijowym centrumje swoje žurnalistiske podłožki wotewzała – dokal pak so wobroćić? Jako jenička steju před snano dźesać přizjewjenskimi městnami. Rozhladuju so a so němsce prašam: „A na koho mam so nětko wobroćić?“ Na to mi młoda žona serbsce wotmołwi: „Pójće prosće ke mni!“
Mjeztym 9. zetkanje syće Łužycafilm wotmě so we wobłuku 29. Choćebuskeho filmoweho festiwala 8. a 9. nowembra. Dohromady něhdźe 30 ludźi wobdźěli so na najwšelakorišich diskusijach wo stawje łužiskeho filma, na dźěłarničce přichoda, na rozmołwje z producentom „Błótowskeje kriminalki“ Wolfgangom Esserom a na předstajenju aktualnych projektow.
Syć łužiskich filmowcow su w lěće 2015 załožili. Mjeztym ma wona wjace hač 60 čłonow, kotřiž so prawidłownje zetkawaja – jónu nazymu na Choćebuskim, jónu nalěto na Nysowym filmowym festiwalu. Nimo festiwalow je sej syć Załožbu za serbski lud kaž tež Sakski filmowy zwjazk jako partnera zdobyła, ma štyrjoch čestnohamtskich rěčnikow a internetnu stronu. Zakładne dźěłowe struktury za wuměnu tuž su.
Tež lětsa bě wuměna mjez filmowcami – k tomu wězo słuša, jako zakład sej najnowše produkcije kolegow wobhladać – wažna a wunošna. Jasne je, zo wuměnjenja za tworjenje filmow we Łužicy hišće tajke njejsu, kaž měli być. Spěchowanje projektow w serbsko-němskej Łužicy pobrachuje – tele žałosćenje ćehnješe so kaž mantra po jednotliwych zetkanjach.
Kopańca, wokrjesna liga, stafla 2
Łaz/Běły Chołmc – Lubuš/Bluń 4:1 (2:1)
1. HZ Łaz/Běły Chołmc 13 41 : 16 34
2. FSV Łuty 13 45 : 28 31
3. ST Hlinowc 13 41 : 17 30
4. Traktor Malešecy 13 42 : 18 26
5. HZ Lubuš/Bluń 13 29 : 17 23
6. SJ Njebjelčicy 13 29 : 17 20
7. HZ Hórnikečanski jěz. 13 35 : 30 18
8. ST Radwor 13 22 : 25 17
9. SJ Chrósćicy II 13 26 : 36 17
10. ST Wulka Dubrawa 13 21 : 25 16
11. SZ Wóslink/Skaskow 13 21 : 29 16
12. HZ Wojerowski FC II 13 24 : 26 14
13. SV Haselbachtal 13 27 : 33 13
14. Módro-běli Minakał 13 33 : 43 9
15. Nadrózna Hrabowka 13 19 : 43 8
16. HZ Rakecy II/Šćeńca 13 9 : 61 1
ST 1922 Radwor
– Hlinowski SC 2:2 (2:1)
Zestawa domjacych: Grenzemann – Kral, Robel (61. Zähr), Bauer, Wjeńka, Wjacławk, Nuk, Winar, Omran (61. Buša), Schulze, Reineke