Z wudaća: pjatk, 21 februara 2020

Pólska strona PiS prezidentski wólbny bój za „kandidata sonow“ zahajiła

Waršawa. Pólska hotuje so z wotmachom na wólby prezidenta, kotrež budu 10. meje. Minjenu sobotu je knježaca narod­no-konserwatiwna strona Prawo a sprawnosć (PiS) wólbny bój oficialnje zahajiła – cyle po ameriskim wašnju.

PiS bě swojich přiwisnikow do wulkeje hale „Expo 21“ we Waršawje zwołała, kotraž­ ma 3 000 městnow. Ludźo přijědźechu z busami z cyłeho kraja. Na kóncu dyrbjachu mnozy wonka stejo wostać, štož zbudźi mjez nimi njespokojnosć. Za to­ bě nutřka wšitko za wulku show spřihotowane. Hala bě z hoberskimi chorhojemi w barbach Pólskeje wupy­šena. Atmosfera runaše so ameriskemu wólbnemu bojej.

Wulce zahorjeni su přitomni prezidenta Andrzeja Dudu witali. Pod wyskom swojich přiwisnikow wón připo­wědźi, zo chcył dalše pjeć lět najwyše zastojn­stwo kraja wukonjeć. Tak chcył wšitko činić­, zo by so Polakam lěpje šło.

Dokelž gmejnske kasy dźensniši dźeń přede­rje pjelnjene njejsu – to wšak wone hišće ženje njeběchu – dyrbja komuny po no­wych pućach kročić, chcedźa-li na přikład wohnjowym wobornikam nowe hašenske jězdźidło kupić. Zo je tajke w Smječkecach trěbne, njeje žane prašenje. Wšako běchu tam dotal takrjec z oldtimerom po puću, z kotrymž pak mjeztym tež hižo jězdźić njesmědźa. Tunje tajke awto wězo njeje. Něhdźe štwórć miliona eurow wone płaći. Hdyž pak hnydom štyri komuny zhromadnje hašenske jězdźidła skazaja, móža wone při płaćiznje něštožkuli wuzbytkować. Nimo toho dóstanu 20 procentow přidatneho spěchowanja, štož je na kóncu šwarny fenk. Nó haj, tak cyle nowa tale forma lutowanja runje njeje. Po samsnym wašnju dźě tež tu a tam susodźa zhromadnje tepjenski wolij skazaja a na te wašnje tón abo tamny euro lutuja. Ćim lěpje, hdyž tež města a gmejny nětko tak mysla. Marian Wjeńka

Wjacore knihi je wona wo swojich slědźenjach wudała a slědźi dale za historiskimi nowosćemi a tym, štož je w Serbach skerje mjenje znate. Rěč je wo Trudli Malin­kowej, kotraž swjeći dźensa w Budyšinje pjećašěsćdźesaćiny.

21. februara 1955 narodźi so wona Grofic swójbje w Chasowje. Po šulskim wukubłanju – 1973 bě wona na Serbskej rozšěrjenej wyšej šuli maturu złožiła – da so najprjedy na nakładnisku knihikupču wukubłać. Hakle po tym nastupi na Lipšćanskej uniwersiće studij zubneje mediciny a skutkowaše po jeho wuspěšnym zakónčenju jako zubna lěkarka w sprjewinym měsće.

Dźensa před 125 lětami zemrě w Hodźiju pěsnjerka Mila Imišowa, mandźelska sławneho fararja Hendricha Jaroměra Imiša. Wona bě so 26. měrca 1827 Pfulec kublerskej swójbje w Přišecach pola Budyšina narodźiła. Jeje bratr Křesćan Bohuwěr bě profesor, rěčespytnik a słownikar, wuda 1866 wulki Pfulec Hornjołužiski serbski słownik. Mila Pfulec bě 1847 runje załoženej Maćicy Serbskej přistupiła a basnješe tehdy rjad pěsnjow, w kotrychž so za serbske narodne wozrodźenje horješe. Wo nju jako mandźelsku su so mnozy młodźi serbscy intelektualni prócowali. Wona pak rozsudźi so za Wóslinčanskeho fararja Imiša, na kotrehož so 1851 wuda. Wot lěta 1858 bydleše z mandźelskim na Hodźijskej farje a staraše so sobu wo serbskich studentow, kotřiž w prózdninach na Serbskim homelitiskim seminarje wuk­nje­chu. Jeje mandźelski jón nawjedowaše. W Hodźiju pisaše nabožinske pěsnje a lyriku za dźěći. Jeje spěwy a pěsnje wuń­dźechu jako přidawk k zběrce lyriki fararja Jana Wałtarja „Za dušu a wutrobu“.

W pincy Kamjenskeje Słodarnje přednošuje awtor Kai von Kindleben z Gothy dźens za tydźeń, 28. februara, w 19 hodź. wo lěsach­ Rudnych horin kaž tež wo legendach kołowokoło wojaka, pašowarja a žiwjenskeho wuměłca Karla Stülpnera (1762–1841). Na přednošk přeprošatej Kamjenske stawizniske towarstwo a Lessingowa biblioteka. Foto: Kai von Kindleben

Pjatk 21.2. 19:00 „Hip. Fancy. Art.“ Modowa přehladka a live-hudźba w Budyskim Kamjentnym domje

  19:30 Žonjace póstnicy Serbskopazličanskeho karnewaloweho towarstwa w Njebjelčanskej „Bjesadźe“

Sobotu 22.2. 14:00 32. norski ćah k žonjacym póstnicam po Kulowje

  14:00 Póstnicy za dźěći Serbskopazličanskeho karnewaloweho towarstwa w Njebjelčanskej „Bjesadźe“

  16:00 9. kulturna zyma w Chróšćanskej putniskej hospodźe: Ćeta Monika baje bajku „Njebojazny Jan“

  19:30 2. kapičkowy wječor Serbskopazličanskeho karnewaloweho towarstwa w Njebjelčanskej „Bjesadźe“

  19:45 9. kulturna zyma: Přednošk Markusa Bjeńša „Serb w Južnej Africe“ w Chróšćanskej putniskej hospodźe

Njedźelu 23.2. 9:30 Dwurěčne ewangelske kemše w Gołkojcach

Póndźelu 24.2. 13:30 Wulki róžowopóndźelny ćah norow po Kulowje

  19:30 Póstnicy k róžowej póndźeli Serbskopazličanskeho karnewaloweho towarstwa w Njebjelčanskej „Bjesadźe“

Wutoru 25.2. 15:30 Dźeń wotewrjenych duri we Łazowskej šuli

  19:00 Přednošk wo wobhospodarjenju lěsow w suchich časach w Njeswačanskej přirodoškitnej staciji

njedźelu hornjoserbsce

11:00 Łužica tutón tydźeń, mjez druhim wo modowej přehladce w Kamjentnym domje a wo žonjacych póstnicach w Kulowje

11:30  Póstniske žorty

12:00 Nabožne wusyłanje

 (Tomasz Dawidowski)

po tym zbožopřeća

delnjoserbsce

12:30 Aktualny magacin, mjez druhim wo hłownej zhromadźi­znje Choćebuskeje Domowinskeje skupiny

13:00 Prěni telefon na wsy

13:40 Nabožne wusyłanje

 (Hartmut Leipner)

po tym zbožopřeća

Čaporowe wiki za dźěći

Wojerecy. Wojerowski dźěćacy a młodźinski centrum NATZ zarjaduje jutře, 22. februara, wot 14 do 17 hodź. we wobydlerskim centrumje na Wojerowskej Hrodowej druhi raz čaporowe wiki za dźěći. Mjez druhim móža sej tam ludźo dźěćacu drastu kupić a ju měnjeć, tež dźěćace knihi a hrajki.

Serbsko-němska namša

Gołkojce. Zajutřišim, 23. februara, swjeća w Gołkojčanskim wosadnym domje w 9.30 hodź. serbsko-němsku namšu. Liturgiju nawjeduje farar Klaus Natho. Po kemšach wotkryja ponowjenu wopomnjensku taflu za fararja Karl Eduarda Haussiga w cyrkwi. 25. februara 1870 zemrěty, bě za wudaće prěnjeje serbskeje biblije hłownje sobu zamołwity.

Na zapust do Błótow

Tšupc. W překrasnej delnjoserbskej wsy hornich Błótow Tšupcu swjeća kónc tydźenja 195. zapust a 64. karnewal. Dźensa zahraje tam kapała nAund wot 19 hodź. k rejam, a něhdźe w 20.45 hodź. je tradicionalna poloneza. Jutře, 22. februara, tam młodźi a stari hižo wot 7.30 hodź. po wsy campruja, a wječor su znowa­ reje. Njedźelu potom swjeća wot 13.30 hodź. póstnicy při přistawje.

Politiska popjelna srjeda

Přewjedu EVSE-turněr

8. dorostowy koparski turněr přewjedźe energijowy zastaraćel EVSE ze Salowa lětsa sobotu, 13. junija, wot 10 hodź. w Ralbicach. Hewak bě turněr zwjetša w Kulowje. Wuhotowar wurisanja budźe Sokoł Ralbicy/Hórki. Koparske cyłki młodźinow D a F smědźa so pola EVSE w Salowje hač do 13. měrca přizjewić.

Wopačny datum podaty był

Nowinska zdźělenka, zo nastupi prěnje wolejbulowe mustwo Viktorije Worklecy 22. februara doma, njetrjechi. Worklečenjo wotměja načolnu partiju w swójskej hali hakle jutře za tydźeń, 29. februara. Wot 14 hodź. hraje serbska šestka přećiwo ST Kupoji-Nowej Łuce a wot 16 hodź. přećiwo TSV Niederoderwitzej. Dalše hry:

29.02. 14:00 VV Žitawa 09 III –

  Viktoria Worklecy (ž)

29.02. 14:00  VV Žitawa 09 II –

  HZ Pančicy-Workl. II (ž)

29.02. 14:00 OSC Lubij –

  HZ Pančicy-Worklecy (ž)

Přichodny tydźeń dalši trening

Serbska koparska wubranka młodźiny D trenuje 26. februara we Worklecach dale­ za tak mjenowany Galand-cup, ha­lowy turněr 28. februara w Kamjencu.

Kopaja zaso wo dypki

Za tójšto koparjow so přihotowanska faza na 2. połseriju hrajneje doby kónči, Wot jutřišeho su tuž zaso dypkowe hry.

22.02. 14:00 Jednota Kamjenc –

Wodorunje: 3 dwanaće měsacow, 5 spo­dobna, 6 pomocnica při porodźe, 7 zežiwidło, 10 hara wo ničo, 13 dźěl bydlenja, 14 dźěl helikoptera, 15 Zehe serbsce

Padorunje: 1 połkupa Čorneho morja, 2 cyłk słowow, 3 chemiske pospytnišćo, 4 čěske město husitow, 8 Pocken serbsce, 9 stary muž, 11 přećiwo, 12 ratarsko-