Z wudaća: pjatk, 07 awgusta 2020

njedźelu hornjoserbsce

11:00 Łužica tutón tydźeń z powěsćemi tydźenja, hudźbu a aktualnymi podawkami

11:20 Dowolowe pokiwy

11:45 Dowolowe hity našich słowjanskich susodow

12:00 Nabožne wusyłanje

(farar Měrćin Deleńk)

po tym zbožopřeća

delnjoserbsce

12:30 Postrow za dźěći a aktualny magacin, spočatk noweho šulskeho lěta w Braniborskej

13:00 Dyrdomdej małeho błudnika

13:40 Nabožne wusyłanje

­(Manfred Hermaš)

po tym hudźba tydźenja a zbožopřeća

Na hornčerske wiki

Hózk. Jutře a njedźelu wotměja so w Hózku tradicionalne hornčerske wiki. Wobaj dnjej wot 10 do 18 hodź. zetkaja so na dworje při Starym wódnym młynje hornčerjo z cyłeje Němskeje, zo bychu swoje wudźěłki poskićeli. Po zwučenym wašnju zastarujetej Domanic swójba hosći z ćopłymi jědźemi a hospoza Gunda Gleinig ze samopječenym a čerstwym tykan­com. Wo dobru naladu stara so „spěwacy hornčer“ z Trjebuza (Trebus).

Rjemjesło wokoło cyrkwje

Choćebuz. Mjeztym 10. raz zarjaduje Choćebuske staroměšćanske towarstwo jutře wot 11 do 17 hodź. na Hrodowym a cyrkwinskim naměsće, blisko syna­go­gi, wuměłske a chłóšćenske wiki. Nimo regionalnych rjemjeslnikow poskićeja tam tež nadregionalni wuměłcy wot mo­ler­stwa přez ćišć a debjenki hač k teksti­lijam swoje produkty.

Filmowe nocy w młynje

Čorny Chołmc. We wobłuku filmowych nocow w Čornochołmčanskim Kra­batowym młynje pokazaja jutře w 21 hodź. film „Enkel für Anfänger“ (FSK 6). Zajutřišim móža sej nad 16lětni na samsnym městnje a samsnym času film „The Gentlemen“ wobhladać.

Swójbna ekskursija

Pytaja dalše testowe wosoby

Za studiju „restart-19“ Uniwersity Halle­ je so dotal 1 384 za trěbnych 4 200 wo­sobow přizjewiło. Tež sportowče a spor­towcy chcedźa so mjenujcy spěšnje zaso k normaliće wróćić. Tohodla podpěruje TeamSportSachsen slědźerski projekt „restart-19“, zaběracy so z rizikom na­tyknjenja z koronawirusom. 4 200 młodych a strowych wobdźělnikow móže so za­ simulaciju zarjadowanja w Lipsku přizje­wić. Slědźerski projekt „restart-19“ Uniwersity Halle ma zaměr, riziko na­tyk­njenja z wulkozarjadowanjom w hali simu­lěrować a při tym wuměnjenja pře­slě­dźić, pod kotrymiž hodźeli so wulkozarjadowanja najebać pandemiju přewjesć, bjeztoho zo by ludnosć wohrožena była. Studija přewjedu 22. awgusta wot 8 do 18 hodź. www.restart19.de

Koparske testowe hry

07.08. 18:30 SJ Chrósćicy –

  HZ Łaz/Běły Chołmc

08.08. 11:30 FSV Oderwitz 02 –

  FSV Budissa Budyšin

08.08. 14:00 FC Grimma –

  Jednota Kamjenc

08.08. 14:00 SJ Njebjelčicy – Lok Slepo

08.08. 14:00 Traktor Malešecy –

  ST Bart 90

09.08. 12:30 SJ Chrósćicy II –

  Zeleno-běli Sepicy

09.08. 14:00 ST Hbjelsk –

  ST 1922 Radwor

09.08. 15:00 SJ Chrósćicy –

  FV Biskopicy II

Druhi Hornjołužiski trail

W přichodnych tydźenjach móža sej šulerjo po cyłej wuchodnej Sakskej nowe busowe­ jězdźenki za přichodne šulske lěto wobstarać. Za něhdźe 30 000 młodych pasažě­row to rěka, zo dóstanu mjez druhim wot Regiobusa Hornja Łužica a wot Wojerow­skeje wobchadneje towaršnosće město dotalnych papjerjanych jězdźenkow digitalne chipy w jednotnym layouće. Foto: VVO/Lars Neumann

Wodorunje: 3 jednory grat za syčenje, 5 posledni grjekski pismik, 6 druhi grjekski pismik, 7 ze štomami wobdata dróha, 10 kniha zemjepisnych kartow, 13 Fall, Sturz serbsce, 14 stolica Marokka, 15 wokno w słowjanskich rěčach

Padorunje: 1 hudźbne znamjo, 2 nic horje, 3 zwjeršna drasta, 4 nic bratr, 8 sakske město, 9 žro, 11 přitulny, posłušny, 12 nasyćeny

Pjeć tydźenskich campow za wočerstwjenje a dźěło z konjemi Helmec ratarski zawod­ w Jitku tuchwilu poskića. Stajnje po dźe­saćoch so dźěći a młodostni na jednym tajkim lěhwje wobdźěleja. Woni přenocuja w stanach a su tak cyły čas z přirodu wusko­ zwjazani. Mjez mało hólcami, kotřiž tónle poskitk wužiwaja, staj Žurec bratraj z Worklec. Wonaj w Jitku tež prawidłownje jěchać zwu­čujetaj. Foto: Feliks Haza

Po wjace hač šěsć lětach prócowanja wo pohrjebny lěs pola Kamjenca zda so cil nětko cyle bliski być. Jedne wažne prašenje pak dyrbja hišće rozrisać, kaž z njedawneho wobzamknjenja Kamjenskeje měšćanskeje rady wuchadźa.

Na nowej twarskej štwórći najskerje lětsa prěnje parcele předadźa

Pančicy-Kukow (SN/MWj). Na jednym z centralnych městnow w Pančicach­Kukowje budźe přichodnje puć wutwarjeny a chódniki ponowjene. Potrjechena je statna dróha S 105 wot amploweho křižo­wanišća nimo lěkarskeho domu a apoteki hač k wjesnej kromje do směra na Jaworu. Za to wotzamknje gmejna planowanske zrěčenje z krajnym zarjadom za dróhotwar a wobchad (LASuV), kaž su gmejn­scy radźićeljo na swojim wčera­wšim posedźenju jednohłósnje schwalili.

Kóždolětnje organizuje młodźinski klub Konjecy/Šunow w pózdnim lěću DSF-party, swjedźeń němsko-serbskeho přećelstwa. Při wšěch koronowych wobmjezowanjach jón tež lětsa wu­pad­nyć dać nochcedźa. Tohodla wumys­li­chu sej organizatorojo wosebity koncept­ hygieny.

Šunow (SN/pdź). Koronapandemije dla bě lětsa w Serbach lědma swjedźenjow. Mejemjetanja, wjetše narodninske fety a wjesne swjedźenje su wotprajili. Wosebje serbska młodźina je pobrachowacych zarjadowanjow dla kónc tydźenja často wostudu pasła. Je so tež prašała, hač budu­ lětsa wulke a znate zarjadowanja w Serbach, kaž su to na přikład Summer-ending-openair we Wotrowje abo DSF-party w Konjecach. Dołhož njeje sej Wotrowski klub hišće cyle wěsty, hač zarjadowanje přewjedźe, je so młodźina z Konjec a Šunowa nětko oficialnje za swój najwjetši event lěta rozsudźiła.

Kontrola wuspěšna była

Wojerecy. Dobry čuch mějachu policajscy zastojnicy, jako su předwčerawšim wječor na Wojerowskim Lipjecskim naměsće dwě wosobje kontrolowali. Pola 24lětneho muža a 20lětneje žony namakachu kristaline wopojne srědki. Nimo toho měješe młoda žona nastroje za konsum drogow, tak mjenowany jednoručny nóž a koleso z pobrachowacym rami­kowym čisłom při sebi. Uniformowani wšitko sćazachu. Nimo toho při­zjewichu tři delikty, z kotrymiž so nětko kriminalna policija bliže zaběra, mje­nujcy podhlad na njedowolene wobsydstwo wopojnych srědkow, přeńdźenje přećiwo zakonjej wo brónjach a podhlad potajerstwa (Hehlerei).