Z wudaća: pjatk, 30 apryla 2021

pjatk, 30 apryla 2021 14:00

Tež Witaj-pěstowarnje posudźować

Kubłanska tematika skutkowanje Rady za serbske naležnosće Sakskeje tuchwilu dale postaja. Tónkróć je wo ewalua­ciju modela 2plus kaž tež wo dalekubłanje kubłarkow w pěstowarnjach šło.

Budyšin (SN). Aktualne prašenja na polu serbskeho a dwurěčneho kubłanja je sakska Rada za serbske naležnosće na swojim posedźenju pod škitnymi naprawami wčera na žurli Budyskeho Serbskeho domu rozjimała. K tomu běchu sej za­stupjerki Serbskeho šulskeho towarstwa a Rěčneho centruma WITAJ přeprosyli, kaž gremij po tym informowaše.

wozjewjene w: Politika
pjatk, 30 apryla 2021 14:00

Hospodarstwo borzdźene

Wiesbaden (dpa/SN). Koronapandemija wuwiće hospodarstwa Němskeje dale borzdźi. Po widźomnym rozrosće w druhej połojcy lěta 2020 je hospodarska wukonitosć lětsa w prěnim kwartalu wo 1,7 procentow woteběrała. To je Zwjazkowy statistiski zarjad dźensa zdźělił. Nowe wobmjezowanja w boju přećiwo rozpřestrěću koronawirusa haća wosebje hosćencarjow, hotelownikow a wobchodnikow. Tež priwatny konsum, hewak kruta zepěra konjunktury, je woteběrał.

Altmaier: Mało chwile

Berlin (dpa/SN). Po wusudźe Zwjazkoweho wustawoweho sudnistwa škit klimy nastupajo widźi hospodarski minister Peter­ Altmaier (CDU) jeno snadne wuhlady, wusud hišće do kónca wólbneje doby přesadźić. Strony měli so spěšnje do­jed­nać, wón rjekny. Sudnistwo bě wčera rozsudźiło, zo ma knježerstwo lěta 2019 wobzamknjene směrnicy za škit klimy konkretizować. Zakoń předpisuje zaměry Němskeje hač do lěta 2030. Sudnistwo kaza­, zaměry tež za čas po tym postajić.

Zběhnu naprawy korony dla

wozjewjene w: Politika
pjatk, 30 apryla 2021 14:00

Akciski plan za muzej

Prěnje konkretne naprawy za walorizaciju serbskeho namrěwstwa běža

Budyšin/Choćebuz (SN/CoR). Awtorski team dźělneho projekta „Wuwiwanje strate­gijow walorizacije“ wědomostneho předewzaća „Hódnoćenje imaterielneho kultur­neho namrěwstwa Delnjeje Łužicy w němsko-serbskim konteksće“ (IKN) – su to dr. Fabian Jacobs a Gregor Schneider ze Serb­skeho instituta kaž tež dr. Lutz Laschew­ski a Daniel Häfner z Łužiskeho instituta za strategiske poradźowanje – je wčera akciski plan za delnjołužiske muzeje a domizniske stwy předstajił. Mjez něhdźe 30 wobdźělnikami prezentacije běchu partnerojo ze zapřijatych muzealnych institucijow kaž tež ze serbskich institucijow.

wozjewjene w: Kultura
Braniborski ministerski prezident Dietmar Woidke (SPD) je wčera před zachodom diakoniskeho poskićowarja Oberlinhaus w Podstupimje kwěćel połožił. Jeho přewodźeštaj Podstupimski wyši měšćanosta Mike Schubert (SPD, naprawo) a socialna mini­sterka Ursula Nonnemacher (Zeleni). W domje běchu srjedu wječor štyrjoch zbrašenych wobydlerjow morjenych a dalšu ćežko zranjenu našli. Podhladna je sobudźěłaćerka domu, kotraž je prawdźepodobnje dušinje chora. Foto: dpa/Soeren Stache

wozjewjene w: Politika

Na wopyće w Kumwałdskim parku miniaturnych tykowanych domow

Originalne Wadečanske wićežne kubło čo. 17 bu w lěće 1661 natwarjene.Tafla skići wopytowarjej přehlad, hdźe ­kotry tykowany dom steji.

Runje tajke začuće posrědkuje za čas korony wopyt parka tykowanych domčkow w Kumwałdźe južnje Budyšina. Woblubowany wulětny cil, někotryžkuli mjenuje jón tež tajny tip, namakaš w jědnaće kilometrow dołhej přidróžnej wsy.

Na luboznje hladanym arealu blisko najwjetšeje wjesneje cyrkwje Němskeje steji 16 miniaturnych tykowanych domow. Twarjene su wone po swojich woprawdźe wobstejacych originalach w měritku 1:5. Někotre z nich maš hnydom we wsy, kaž něhdźe 200 metrow powětroweje linije zdalenu „Mału korčmu“. Tamne su po cyłej Hornjej Łužicy rozdźělene.

wozjewjene w: Předźenak
pjatk, 30 apryla 2021 14:00

Serbskosć ma widźomna być

Młode towarstwo Zahrodka 1921 z.t. w Delnim Wujězdźe nawjazuje na stawizny srjedźołužiskeje wsy

Towarstwo Zahrodka 1921 z.t.

zaměry: wožiwić a pěstować serbsku rěč w Delnim Wujězdźe a woko­linje, slědźić za stawiznami, zestajić informaciski material, zhromadnje dźěłać ze wšitkimi městnymi towarstwami, přewjesć projekty dźiwadło, chór a molowanje, Delni Wujězd wuwiwać na kubłanske stejnišćo z rěčnej charakteristiku

čłonstwo: Towarstwo załožiło je 13 zajimcow, kotřiž dźěłaja we wše­lakich powołanjach, jako zarjadniski fachowc, lěkar, kuchar student, abo su rentnarjo. Dalši zajimcy su witani.

předsydstwo: Předsyda je wjesny předstejićer Frank Knobloch z Delnjeho Wujězda, dalši čłonojo předsydstwa su Angela Kubicki z Lipin (druha předsydka), Simon Rose z Drježdźan (pokładnik), Kirsten Namokel z Delnjeho Wujězda (pisarka), Alexandra Kasimir z Delnjeho Wujězda (přisydnica) a Karsten Herden z Běłeje Wody (přisydnik).

kontakt: Frank Knobloch, Zahrodka 1921 e.V., Hłowna dróha 20 A, 02943 Hamor, wjesny dźěl Delni ­Wujězd, telefon: 01 71/4 13 80 16, ­e-mejlka: .

Žórło: towarstwo Zahrodka 1921 z.t.

wozjewjene w: Předźenak

W serialu „Na serbskich slědach po Praze“­ wjedźe Pražan Marek Krawc čitarjow na městnosće w čěskej stolicy, kotrež maja za nas Serbow wulki wuznam­. Dźensa: Kofejownja Slavia

W bjezposrědnjej bliskosći Wołtawy, ­na křižowanišću dróhow Národní třída a Smetanovo nábřeží zbudźa elegantny palast z wysokimi woknami kedźbnosć wopytowarjow čěskeje stolicy. Je to „Kavár­na Slavia“ – jedna z najznaćišich kofejownjow w měsće.

wozjewjene w: Předźenak
pjatk, 30 apryla 2021 14:00

Altmaier: Ruska wažny partner

Lipsk (dpa/SN). Němske zwjazkowe knježerstwo ma Rusku za wažneho partnera po puću do směra na europski „green deal“, klimoneutralne hospodarjenje hač do lěta 2050. Zwjazkowy minister za hospodarstwo Peter Altmaier (CDU) dopominaše k zahajenju němsko-ruskeje surowiznoweje konferency na to, zo njeje Ruska jenož lětdźesatki dołho spušćomny dodawar zemskeho płuna, ale zo wobsedźi tež hoberski potencial wobnowjomnych energijow z wětřika a słónca. Zemski płun budźe hišće něšto lět trěbny. Jeho potrjeba drje wotpinjenja ja­drowych ­milinarnjow a kónca zmilinjenja wuhla samo hišće přiběra. Na tamnym boku „mosta“ pak steja wobnowjomne energije a „zeleny wodźik“. Altmaier naspomni tež „politiske problemy a napjatosće w mjezynarodnej wikowanskej politi­ce. Je tójšto wužadanjow, kotrež mamy zhromadnje zmištrować.“

wozjewjene w: Politika
pjatk, 30 apryla 2021 14:00

Stacija hotuje so na čas po koronje

Wulka ličba nowych poskitkow za dźěći a młodostnych planowana

Na staciji młodych přirodowědnikow a technikarjow w Běłej Wodźe dyrbja aktualneje koronapandemije dla digitalnje dźěłać. Andreas Kirschke je so z nawodu zarjadnišća Berndom Frommeltom rozmołwjał.

Wobmjezuje korona tuchwilu dźěło z dźěćimi a młodźinu na staciji?

B. Frommelt: Haj, a to masiwnje. Loni wot měrca do meje smy to prěni króć hórko začuwali, wot nowembra mjeztym znowa. Tuchwilu ani jedne z našich dźesać dźěłowych zjednoćenstwow njedźěła, štož dźěći, jich staršich kaž tež čestnohamtskich nawodow dźěłowych skupin jara rudźi. Jeničce dźěłowa skupina digitalna technika pod nawodom Randolfa Rotty internetnje dale běži.

Kak tónle čas přemosćeće?

wozjewjene w: Předźenak
pjatk, 30 apryla 2021 14:00

Wjace namocy

Radebeul (dpa/SN). Wot mobbinga w interneće hač k ćělnym nadpadam: Wučerjo w Sakskej su dale a bóle werbalnym a ćělnym nadpadam ze stron šulerjow a staršich wustajeni. W cyłokrajnym napra­šowanju rozprawjeja wo přiběracej psychiskej a fyziskej namocy přećiwo wuče­rjam, šulskim nawodam a sobudźěłaćerjam w minjenych třoch lětach, informuje Sakski krajny zwjazk wučerjow. Na naprašowanju bě so 1 052 kolegow wšitkich šulskich formow wobdźěliło. Dwě třećinje rozprawjatej wo psychiskej namocy, kaž su to ranjenja, hroženja, wob­ćežowanja a internetne wočornjowanja. Štwórćina je samo ćělnu namóc dožiwiła.

wozjewjene w: Politika

nawěšk