Pokiwy (07.07.17)
Bjez słowow a na lutni
Mały Wjelkow. Tónle kónc tydźenja maja w Małowjelkowskej sotrowni zajimawy program spřihotowany. Wirtuoznaj pantomimaj chcetaj jutře w 20 hodź. publikum cyle bjez słowow a nimale bjez rekwizitow zakuzłać. Ze zynkami sitary (družina lutnje) hudźbnik Mario Faust nazajtra, 9. julija, připosłucharjam w sotrowni wot 14 hodź. tradicionalnu indisku hudźbu přednjese.
Radować so a chłóšćić
Bórkowy. Jutře a njedźelu, 9. julija, wotměja so na Bórkowskim swjedźenišću 16. błótowske rjemjeslniske a burske wiki. Wikowarjo wabja mjez druhim z wonjacymi burskimi chlěbami, słódnymi marmeladami, ze sadom a zeleninu, lanym wolijom a čerstwje dźěłanej butru. Kowarjo, hornčerjo, kryjerjo sćinoweje třěchi a dalši předstaja swoje rjemjesło, a wo wotměnjawy program ze serbskimi rejemi a spěwami je tež postarane. Třeći króć wotměja njedźelu wot 10 do 16 hodź. historiske skótne wiki.
Koncert w rjanym ambienće
Skupina hosći z francoskeje Elsaskeje je dźensa Budyšin wopytała. ...
„Zimmi“ a „Ede“ připowědźenaj
Rozhłós (07.07.17)
njedźelu hornjoserbsce
11:00 Łužica tutón tydźeń z powěsćemi tydźenja a pokiwami
11:20 Lěćo, słónco, prózdniny – doma, doma, rjenje je
12:00 Katolske nabožne wusyłanje
(farar Gabriš Nawka)
po tym zbožopřeća
delnjoserbsce
12:30 Aktualny magacin z powěsćemi a live-wusyłanjom wo łužiskim derbyju serbskeju koparskeju wubrankow z Dešnjanskeho sportnišća
13:00 Dowolowe impresije
13:30 Nabožne wusyłanje
(Bernd Pittkunings)
po tym zbožopřeća
Pokiwaj (06.07.17)
Změny wobkedźbować
Kamjenc. Wopytowarjo koncerta Bonnie Tyler 8. julija na Kamjenskej Pastwinej horje měli wobkedźbować, zo parkowanske městna při statnej dróze S 100 k dispoziciji njejsu, dokelž tam dróhu wutwarjeja. Za to je w Lückersdorfje wotpowědnje wulke parkowanišćo zarjadowane. Štóž je na chorobny stoł pokazany, móže so w měšćanskim zarjadnistwje pod telefonowym čisłom 03578/ 379 201 přizjewić a dóstanje tam dowolnosć, zo smě na Pastwinu horu jěć.
Wo lěwicowym lěhwje
Budyšin. „Wšelakorosć lěwicoweho lěhwa a jeho róla za čas Španiskeje republiki“ rěka hesło přednoška, kotryž je jutře, pjatk, we 18 hodź. w Budyskim wobydlerskim běrowje Lěwicy na Šulerskej 10. Přednošować budźe swobodny historikar dr. Alexandre Froidevaux z Berlina. Wón je čłon rozmołwneho koła za stawizny załožby Rosy Luxemburg a awtor knihi wo španiskim dźěłaćerskim hibanju. Moderaciju wječora změje publicist Sieghard Kozel. Wšitcy zajimcy su wutrobnje přeprošeni.
Do kina (06.07.17)
6.7.2017–12.7.2017 Budyski filmowy palast: Das Pubertier: wšědnje 14:15, 18:30 (nimo srj) a 20:30 (nimo srj) | srj 18:45 a 20:45 Conni & Co. 2 – Das Geheimnis des T-Rex: wu a srj 10:00 Ich – Einfach unverbesserlich 3: wšědnje 14:00 a 16:15 Ich – Einfach unverbesserlich 3 w 3 D: wšědnje 15:15, 17:45 a 20:15 | nj, wu a srj 13:00 | pj a so 22:30 Auf der anderen Seite ist das Gras viel grüner: srj 19:45 The Boss Baby: nj, wu a srj 12:15 Girls’ Night Out: pj a so 22:15 Transformers: The Last Knight w 3 D: wšědnje 16:15 a 19:30 | pj a so 22:30 Baywatch: nj, wu a srj 12:30 | štw 19:30 | pj a so 22:30 Gregs Tagebuch – Böse Falle: wšědnje 17:00 (nimo pó) | wu a srj 10:15 Bob der Baumeister – Das Mega Team: nj, wu a srj 12:15 Pirates of the Caribbean – Salazars Rache: pj, so, nj a wu 19:30 | pó 14:30 Überflieger – Kleine Vögel, großes Geklapper: wšědnje 15:00 (nimo pó) | wu a srj 10:30 Hanni & Nanni – Mehr als beste Freunde: wu a srj 10:15
Kino-ekstra: Mit siebzehn: pó 17:15 a 20:15
Hižo z dobrym wašnjom w Budyskim Němsko-Serbskim ludowym dźiwadle ...
Čitajće w nowym rozhledźe (30.06.17)
Prezident Europskeho parlamenta Antonio Tajani wotmołwja tydźensce wosobinsce na jedne z prašenjow, kotrež wobydlerki a wobydlerjo parlamentej sćelu. Jeho sobudźěłaćer Markus Warasin wopisuje, kak to wotběži: „Na prašenja wobydlerjow wotmołwja swójska parlamentowa słužba. Nimo něhdźe 6 000 namołwow wo podpěru dóstachmy w aprylu 121 listow z prašenjemi na prezidenta. Často jewja so podobne temy: Něhdźe 35 procentow prašenjow bě k brexitej, dalšich něhdźe 30 procentow k migraciji. Tež ćežišćo wonkowneje politiki so husto jewi. Ze słužbu za naprašowanja wupytamy zwjetša wjetše prašenja za prezidenta. Wón raz jednu, raz tamnu temu sam wobdźěła. K mjeńšinam njemějachmy dotal hišće žane prašenja, ale měło-li tajke přińć, budźemy so wězo z nim zaběrać.“
Protyka (30.06.17)
Pjatk 30.6. do 2.7. Wjesny swjedźeń w Nowej Wjesce
Konferenca Ewangelskeje akademije Mišno „Wot Błótow k Łužiskim horam – serbske zetkawanja“ w klóštrje Marijinym dole we Wostrowcu
19:00 Wotewrjenje wustajeńcy Joachima Bethmanna w Biskopičanskej galeriji Carla Lohsy
Sobotu 1. a 2.7. Serbski ewangelski cyrkwinski dźeń w Tšupcu
13:00 Swójbne pućowanje we Wuježku ze serbskim klankodźiwadłom na Pawlikec statoku (16 hodź.)
Njedźelu 2.7. 6:30 Wotjězd busa na Serbski ewangelski cyrkwinski dźeń do Tšupca z parkowanišća na Schliebenowej w Budyšinje
10:00 Swjedźenske kemše na Serbskim ewangelskim cyrkwinskim dnju w Tšupcu z prapremjeru „Graduale“ Albina Mollera
10:00 Swójbny a lětni swjedźeń we Wulkodubrawskej Margarećinej hěće
14:00 Rejwanski čaj w Małowjelkowskej sotrowni
15:00 2. hrodowy koncert w Njeswačidle
15:00 Hudźbny swjedźeń a piknik w Mužakowskim Pücklerowym parku
15:00 Wotewrjenje wustajeńcy w Dešnjanskim domizniskim muzeju wo žiwjenju Serbow po reformaciji
15:00 Koncert z Kurta Schlosserowym chórom na Biskopičanskej Butrowej horje
Pokiwy (30.06.17)
Swjeća jubilej
Nowa Wjeska. Ze swjedźenskim kóncom tydźenja swjeći Nowa Wjeska jutře a njedźelu 400. róčnicu wobstaća. Jutře, sobotu, su wot 15 hodź. předewšěm mali wjesnjenjo a jich hosćo na dźěćacy swjedźeń přeprošeni. Wječor su reje z diskoteku a live-hudźbu. Wjeršk budźe njedźelu w 14.30 hodź. swjedźenski ćah, kotryž steji pod hesłom „Wot wowčernje k srjedźišću.“
Elektroniske zynki w sotrowni
Mały Wjelkow. We wobłuku kulturneho lěća předstaji Drježdźanski spěwar a komponist Tobias Herzz Hallbauer jutře w Małowjelkowskej sotrowni elektroniske zynki. Započatk je w 20 hodź. Nazajtra, 2. julija, hraje na samsnym městnje duwo Kračkowskij. Zaklinča ruske romancy, klasiske kompozicije a francoske šansony kaž tež moderna hudźba. Koncert započnje so w 14 hodź.
Wo dźiwich zelach
Dołha Boršć. Spěchowanske towarstwo hornjołužiskeje holanskeje a hatneje krajiny přeproša zajimcow jutře, sobotu, wot 14 do 17 hodź. na zelowe pućowanje. Na seminaru móža wobdźělnicy w Dołhoboršćanskej přirodoškitnej staciji wjele wo dźiwich zelach Hornjeje Łužicy zhonić. Dalše informacije pod tel. čo. 035 8 93/50 8 571
