Kamjenc (SN). Wosebite koncertne dožiwjenje změja wopytowarjo 8. julija na Kamjenskej Pastwinej horje. Tam wustupi wuspěšna a znata rockowa spěwarka Bonnie Tyler. Z kapału prezentuje wona wšitke swoje hity, kaž „Total Eclipse of the Heart“ abo „Holding out for a hero“, ale tež produkcije z aktualneho albuma „Rock & Honey“, kotryž je wuběrna měšeńca mjez poradźenymi rockowymi spěwami a wulkimi baladami. W připowědźi koncerta mjez druhim rěka, zo je Bonnie Tyler kaž słódne wino: čim starše, ćim lěpše. Lisćiki za Kamjenski koncert dó­stanu zajimcy internetnje pod www. eventim.de abo we wšitkich znatych předpředawanišćach. Telefoniske skazanki su móžne pod čisłom 01806/ 570 070.

Jutře rozsudna hra

Njeswačidło. Přiwisnicy blidotenisa ­njech njeskomdźa sej jutře, 5. meje, do Njeswačanskeje sportownje dojěć. Tam wotměje so kónčna hra stafloweju dobyćerjow 1. wokrjesneje ligi, mjez DJK Konjecy­ a pjatym mustwom MSV Budyšin 04. Započatk budźe w 19 hodź.

Wo Europje rěčeć

Njebjelčicy. We wobłuku lětušeho europskeho tydźenja wotměje so jutře, pjatk, w 20 hodź. w Njebjelčanskim gmejnskim centrumje rozmołwny wječor pod hesłom „Politiku zrozumić – pohlad na Europu“. Referent dr. Ulrich Brückner, čłon rěčenskeje słužby Team Europe, chce z wopytowarjemi wo prašenjach přichoda Europskeje unije a wo jeje šansach rěčeć. Zastup je darmotny. Zajimcy­ njech přizjewja so na Kamjenskej ludowej uniwersiće pod telefonowym čisłom 03578/ 309 630.

4.5.2017–10.5.2017 Budyski filmowy palast: Fast & Furios: wšědnje 17:00 (nimo nj a pó) | štw, pj a pó 19:30 | so, nj, wu a srj 20:00 | pj a so 22:30 Get Out: wšědnje 17:15 a 19:45 | pj 22:15 | so 22:45 Expedition Happiness: štw a pj 20:00 | nj 17:00 Guardians of the Galaxy w 3 D: wšědnje 16:30 a 19:30 | pj, so, nj a wu 14:30 | pj a so 22:15 Abgang mit Stil: wšědnje 17:15 | nj 12:45 Conni & Co.: nj 12:30 | so 14:45 Fifty Shades of Grey: pj a so 22:15 Die Schlümpfe: nj 12:30 | pj, so a wu 14:30 Die Schlümpfe w 3 D: nj 14:30 The Boss Baby: pj, so, nj a wu 15:00 The Boss Baby w 3 D: nj 12:30 Die Schöne und das Biest: pj, nj a wu 14:30 Die Schöne und das Biest w 3 D: so, nj a wu 19:30 King Arthur – Legend of the Sword w 3 D: srj 20:15

Kino-ekstra: Hidden Figures: pó 17:15 a 20:15

Wojerowski CineMotion: Get Out: wšědnje 17:35 a 19:45 | pj a so 22:45 Die Hütte – Ein Wochenende mit Gott: srj 17:30 King Arthur – Legend of the Sword w 3 D: srj 20:05 Überflieger: nj 14:45 Guardians of the Galaxy w 3 D: wšědnje 14:30, 17:15 a 20:00 | pj a so 22:00 Guardians of the Galaxy: wšědnje 19:40 (nimo srj) | pj a so 22:30 Abgang mit Stil: wšědnje 17:30 (nimo srj) Conni & Co. 2 – Das Geheimnis des T-Rex: wšědnje 15:30 | so a nj 13:30 Fast & Furious: wšědnje 16:45 a 19:30 | pj a so 22:15 Die Schlümpfe: wšědnje 14:45 (nimo nj) | so a nj 12:50 The Boss Baby: wšědnje 15:25 | so a nj 12:30 Die Schöne und das Biest: so a nj 12:45

Drježdźany/Budyšin. Po prapředstajenju w lěće 2013 zaklinči našočasny duchowny oratorij „Serbske jutry“ sobotu, 6. meje, w 15.30 hodź. w Drježdźanskej katedrali (něhdyša Dwórska cyrkej) kaž tež njedźelu, 7. meje, we 18 hodź. w Budyskej cyrkwi swjateho Pětra z něhdźe 150 sobuskutkowacymi. Twórba bu składnostnje 150lětneho wobstaća Towarstwa Cyrila a Metoda a wot njeho wudawaneho časopisa Katolski Posoł w Chrósćicach prapředstajena. Při tym jedna so wo zhromadny projekt Towarstwa Cyrila a Metoda a Serbskeho ludoweho ansambla z podpěru serbskich lajskich a cyrkwinskich chórow. Wuměłski nawod ma cyrkwinskohudźbny direktor Friedemann Böhme. Zastup za wobě předstajeni je darmotny, po nimaj proša wo kolektu.