Zasłužbowy křiž spožčiła
To a tamne (13.01.23)
Dla hada we wobjedźe dyrbjachu minjenu póndźelu 20 dźěći we wuchodoindiskej šuli do chorownje. Mortwy reptil su w sudobju ze čóčkami namakali, kotrež buchu dźěćom z rajsom serwěrowane, zdźělichu zarjady w distrikće Birbhum w zwjazkowym staće Westbengalen. Jedne z dźěći so hišće lěkuje, jeho staw pak njeje žiwjenjastrašny. Wo kotry had so jedna, njejsu wozjewili.
Wulke dźěle kozy w kófrje pućowaceho je cłownistwo na Mnichowskim lětanišću namakało. Mjaso – 16 kilo z nopami, nutrinami a nohami – bě jako dar zapakowane a njechłódźene, kaž cłownistwo dźensa rano dźěli. Tute pak njebě prawidłow zwěrjaceje mrětwy dla dowožowanja kmane a so tuž sćaza a na kóšty 36lětneho wobsedźerja, kotryž bě z Kameruna po puću, zniči. Podawk sta so hižo spočatk lěta, bu pak hakle nětko znaty.
Wobšudnistwo ludźo za zło bjeru
W rozmołwje ze zapósłanču Kathrin Michel (SPD)
Dobre lěto je socialdemokratka Kathrin Michel z Kamjenca zapósłanča Zwjazkoweho sejma Němskeje. Jako čłonka etatoweho wuběrka ma wona wulku zamołwitosć. Runje tak ju změna strukturow a aktualna situacija w Budyskim wokrjesu jimatej. Axel Arlt je zapósłanču zetkał.
Knjeni Michel, kak wažne su Wam jako zapósłanča rozmołwy z wobydlerjemi?
K. Michel: Naše wobydlerske rozmołwy su so wot započatka derje radźili. Njejsmy pak na to čakali, zo něchtó přińdźe. Smy tych přeprosyli, kotřiž su mi list pisali, abo su we wobydlerskich běrowach zazwonili, tež w socialnych syćach so rozhorili. Tajkich ludźi maš dosć. Smy sej prajili, zo kóždu a kóždeho přeprošamy, kiž chce swoju naležnosć přednjesć. Z nimi rěču, to je za mnje wona sel w poliwce.
Njespokojnych takrjec spytaće změrować?
SPD wuradźuje w klawsurje
Berlin (dpa/SN). Frakcija SPD w zwjazkowym sejmje schadźowaše so dźensa w Berlinje na swojej zazběhowej dwudnjowskej klawsurje. Najwjetša z třoch knježerstwowych frakcijow zaběraše so z poziciskimi papjerami wo europskej industrijowej strategiji a pospěšenju planowanskich a přizwolenskich postupowanjow. Jutře dźe potom wo wonkownu, swójbnu a młodźinsku politiku. Zwjazkowy kancler Olaf Scholz wěnuje so w swojej narěči „Lětu přewróta časow“ w zwisku z wójnu w Ukrainje.
Zhoni wo połoženju w Tigray
Addis Abeba (dpa/SN). Wonkowna ministerka Annalena Baerbock (Zeleni) je před pozadkom wot Ruskeje forsěrowaneje zežiwjenskeje krizy dwudnjowski wopyt w Etiopiskej zahajiła. W stolicy Addis Abeba zetka so politikarka Zelenych dźensa z prezidentku Sahle-Work Zewde k rozmołwje. Sahle-Work je wot 2018 prěnja prezidentka kraja. Baerbock při wopyće poboku bě francoska wonkowna ministerka Catherine Colonna.
Wuchowarjo Italsku docpěli
Policija je dźensa z rumowanjom wot klimowych aktiwistow ...
Stupace kóšty
BRN njebudźe
Kriza socialnych bydlenjow?
Berlin (dpa/SN). Zjednoćenstwo zwjazka wotnajerjow, twarskeho dźěłarnistwa kaž tež socialnych a branšowych zwjazkow žada sej hladajo na bydlensku krizu wosebite zamóženje we wysokosći 50 miliardow eurow za socialny bydlenjotwar. Ze srědkami měł so wočakowany „kolaps na socialnych bydlenskich wikach“ wotwobarać, zdźěli iniciatiwa dźensa. Něhdźe tři štwórćiny sumy ma Zwjazk njesć, zbytk kraje.
Loni bu jeničce něhdźe 20 000 socialnych bydlenjow twarjenych. Zwjazkowe knježerstwo předwidźi poprawom twar lětnje 100 000 zapłaćomnych bydlenjow. Zo by so twar pospěšił, žada sej zwjazkarstwo nimo wosebiteho zamóženja zniženje nadhódnotoweho dawka za socialny bydlenjotwar wot 19 na sydom procentow. Towarstwa a zwjazki předstajichu dźensa studiju Hannoverskeho Pesteloweho instituta a Kielskeho twarskeho slědźenskeho instituta ARGE, kotruž su zdźěłać dali. W studiji warnuja před jasnym přiwótřenjom krizy na bydlenskich wikach.
Ćeže změny strukturow
Wuwiće we Łužicy trjeba wjac hač młode swójby
Grodk (dpa/bb/SN). Za wuspěch změny strukturow we Łužicy dyrbitej temje wodowy etat a infrastruktura kubłanja po měnjenju komunow na politiskej agendźe cyle horjeka stać. Hewak hrozy strach, zo změna wuhloweho regiona k trajnemu a dale žiwjenjahódnemu regionej zwrěšći, warnuje rěčnica łužiskeho kruha za braniborske komuny Christine Herntier (njestronska) w rozmołwje z powěsćernju dpa. Tutej ćežišćowej temje potrjechitej južnu Braniborsku a wuchodnu Saksku w jenakej měrje.
Premije za šulski personal
Drježdźany (dpa/SN). Pedagogojo a šulscy asistenća w Sakskej su loni za swoje wukony płaćenja bonusa cyłkownje 12,2 milionow eurow dóstali. „Za dobre šule su dźensniši dźeń přeco husćišo multiprofesionalne teamy trěbne, kotrež na dobro šulerkow a šulerjow za jedyn postronk ćahnu“, rozłoži kultusowy minister Christian Piwarz (CDU). Za swoje wuběrne dźěło bychu sej pedagogojo towaršnostne a financne připóznaće zasłužili. Po podaćach kultusoweho ministerstwa su cyłkownje 6 614 premijow wudźělili. Wysokosć jednotliweje premije ležeše mjez 800 a 3 600 eurami na wosobu.
Pjenježne premije so lětnje wosobam a skupinam rozdźěluja, kotrež su so nimo swojeje poprawneje dźěławosće za swoju šulu abo šulerki a šulerjow wosebje zasadźeli. Wučerki a wučerjo móža płaćenje bonusa runje tak dóstać kaž kubłarki a kubłarjo, šulske asistentki a asistenća abo šulske wjednistwa. We wothłosowanju z personalnej radu na šuli rozsudźi so wo tym, štó premije dóstanje a hač so jednotliwje abo za skupinske dźěło wudawaja.
