Łužica ma potencial
Wopory holocausta počesćili
SPD słabnje, AfD sylna
Berlin (dpa/SN). Dobre tři tydźenje do wólbow zwjazkoweho sejma bědźi so SPD ze spochi woteběracej nahladnosću mjez wolerjemi. Samsny čas bywa AfD dale sylniša. Po naprašowanju instituta YouGov spaduje SPD ze zwjazkowym kanclerom Olafom Scholzom na čole w tak mjenowanym njedźelnym prašenju wo štyri na nětko 15 procentow. Wuslědk AfD so porno tomu wo štyri procenty na 23 polěpši. Strona wostanje tak druha najsylniša móc po CDU/CSU, kotraž wo jedyn na 29 procentow přiběraše.
Zeleni jako koaliciski partner spadowachu na 13 procentow, FDP ma tři procenty.
To a tamne (29.01.25)
Wěčnje parkowace awto při Berlinskim lětanišću BER su nětko tola na druhe městno přesadźili. Tole zdźěla wobhospodar parkowanišća. Hišće wčera rěkaše, zo njeje tole z prawniskich přičin móžne. Awto steji mjeztym cyłe lěto na parkowanišću, hdźež płaći hodźina 23 eurow. Jězdźidło wostanje na zawrjenym dworje, doniž njejsu wobsedźerja zwěsćili a prašenja popłatka zrjadowali. Te wšak je so na 200 000 eurow nakopiło.
Nachribjetnik połny bananow je w Berlinje zasadźenje policije zawinował. Swědk wobkedźbowaše muža, kiž bě na swój nachribjetnik padnył. Při tym žórleše so žołta maćizny z wačoka, štož zdaše so mužej chětro podhladne. Z nachribjetnika wisacy kabl a klinkacy budźak w toši běchu swědkej doskónčny dopokaz, zo jedna so wo bombu. Policija je muža změrowała, jeho kedźbliwosć při wšěm chwaleše.
W Herrentalu na wopory spominali
Tarifowe jednanja zahajene
Frankfurt (dpa/SN). Dźěłarnistwo železnicarjow EVG a Němska železnica stej dźensa jednanja wo nowym tarifowym zrěčenju zahajiłoj. Po woli EVG měli jednanja hišće do wólbow zwjazkoweho sejma wotzamknjene być. Tež Zwjazkej słušacy koncern prócuje so wo bórzomny wuslědk. Dźěłarnistwo žada sej 7,6 procentow wjace mzdy a jónkrótnu přiražku 500 eurow. EVG zastupuje 192 000 přistajenych, za kotrychž tarif płaći.
Ruske nadběhi wotwobarane
Kijew (dpa/SN). Ruske wojerske jednotki tuchwilu spytaja, wjacore małe kupy we wuliwje rěki Dnjepr na juhu Ukrainy zdobyć. Ukrainske jednotki su minjeny tydźeń 19 nadběhow wotwobarali, kaž zakitowanske ministerstwo zdźěli. Ruske wójsko chce w tutej kónčinje ćišć na ukrainske jednotki zwyšić. Te maja na wšitkich dźělach fronty přiběrajcy problemy. Kónc tydźenja su započeli, wšitke dźěći z města Pokrowsk ewakuować, dokelž so ruske jednotki spochi bliža.
USA dźěło z WHO skónčili
Ze žarowanskim pochodom po Drježdźanach je něhdźe tysac sakskich ...
SPD: Murja k AfD njesmě chabłać
Danska starosća so Trumpa dla
Kritiscy zastojnicy USA pušćeni
Washington (dpa/SN). Justicne ministerstwo USA je po informacijach medijow wjacorych sobudźěłaćerjow pušćiło, kotřiž běchu na přepytowanjach přećiwo nowemu prezidentej Donaldej Trumpej wobdźěleni. Komisariski justicny minister James McHenry dwěluje, zo potrjecheni zastojnicy „agendu prezidenta swěrnje přesadźa“, rozprawja mjez druhim nowina Washington Post. Nowu justicnu ministerku Pam Bondi dyrbi senat hišće wobkrućić. Tak dołho McHenry ministerstwo nawjeduje.
Trumpowy předchadnik Joe Biden bě zhromadnje z justicnym ministrom Merrickom Garlandom wurjadneho přepytowarja Jacka Smitha zasadźił. Tón měješe nadawk, wobchadźenje Trumpa z tajnymi dokumentami po skónčenju zastojnstwa 2021 přepytować, runje tak kaž jeho pospyty, wuslědk prezidentskich wólbow 2020 na swoje dobro změnić.
Smith bě swoje dźěło po wólbnym dobyću Trumpa 5. nowembra 2024 skónčił. Po jeho słowach je z wašnjom, zo přećiwo amtěrowacym prezidentam njepřepytuja. Hewak bychu Trumpa drje wólbneho wobšudnistwa dla zasudźili.
