Dźěła přetorhnjene
Madrid (B/SN). W putniskim měsće Aparecida nastawa tuchwilu najwjetši wuměłski projekt na fasadźe katedrale. Tam předstajeja bibliske stawizny. Stworił je naćisk słowjenski měšnik a wuměłc Marko Rupnik, kiž bu njedawno splažneho znjewužiwanja dla doskónčnje z rjadu jezuitow wuzamknjeny. Tak su dźěła na mozaiku najprjedy raz přetorhnjene.
Łaćina hamtska rěč
Vatikan (B/SN). Oficialna hamtska rěč we Vatikanje je łaćina. Hač do II. Vatikanskeho koncila běše łaćina liturgiska rěč we wšěch cyrkwjach. 1976 wutworichu załožbu Latinitas, zo by wona wuwiće rěče rjadowała. Oficialne dokumenty, kaž encykliki, wuchadźeja we łaćonšćinje, samo na X, dotalnym Twitteru, su wozjewjenja łaćonske. Předleža jeničce lisćiny z 15 000 słowami z lěta 1992. Nowotwórby słowow zamołwja Pontificia Academia Latinitatis.
Wulki pokład
Woidke: Na wopory njezabyć
Podstupim (dpa/SN). Hladajo na 62. róčnicu twarjenja murje je braniborski ministerski prezident Dietmar Woidke (SPD) wčera napominał, na wopory režima NDR a historisku njeprawdu ženje njezabyć. „Wjednistwo SED je ludźi w NDR zamurjowało. Ludźo, kotřiž spytachu ćeknyć, su za to w najhóršim padźe ze swojim žiwjenjom zapłaćili“, wuzběhny wón na zarjadowanju w Teltowje.
Prezidenta wobskoržuja
Niamey (dpa/SN). Nowi knježićeljo w Nigeru chcedźa něhdyšeho prezidenta kraja, Mohameda Bazouma, wulkopřerady dla wobskoržić. Tole zdźěli dźensa rěčnik militantneje Junta. Nimo Bazouma maja so tež druzy před sudnistwom wusprawnjeć. Wčera hišće běchu nowi knježićeljo zapadoafrikanskeho kraja wotewrjeni za rozmołwy ze zwjazkom krajow zapadneje Afriki „ECOWAS“. Tutón bě sej swobodu za něhdyšeho prezidenta žadał, kotrehož su pučisća před třomi tydźenjemi zajeli.
Weil namjet kritizuje
Połoženje lěsnych a kerčinowych wohenjow w zwjazkowym staće USA ...
Ličba plajtow po koronje zaso spochi přiběra
Wiesbaden (dpa/SN). Ličba předewzaćelskich insolwencow w Němskej spochi přiběra. W juliju je nimale štwórćina (23,8 procentow) firmow wjace próstwu wo rjadowanu insolwencu stajiło hač lěto do toho. To zdźěli zwjazkowy statistiski zarjad minjeny pjatk na zakładźe dotal předležacych datow. Tak je wuwiće minjenych lět dale postupowało, statistikarjo zwěsćeja. Hižo w juniju běchu rozrost plajtow wo 13,9 procentow zličili. Předewzaća maja konjunkturne wosłabjenje, wysoke kóšty energije a materiala kaž tež přiběrace kóšty kreditow w zwisku z wysokimi danjemi za hłowne přičiny insolwencow. Fachowcy pak přiwšěm wo žołmje plajtow rěčeć nochcedźa.
Najwjace insolwencow mějachu we wobłukomaj wobchad a składowanje. Slědowachu hospodarske posłužby kaž firmy za dźěło na čas. Najmjenje plajtow su pola energijowych zastaraćelow zličili.
Nowe mysle za wěstotu trěbne
Podhladny mjeztym zajaty
Přičina wohenja w Großröhrsdorfskej cyrkwi žadyn techniski defekt njebě
Wulke Rědorjecy/Großröhrsdorf (dpa/SN). Přičina wohenja w Großröhsdorfskej ewangelskej cyrkwi bě po informacijach policije zapalerstwo. Mjeztym bu 40lětny jako podhladny zajaty, policija zawčerawšim zdźěli. Muž je njeskutk mjeztym přiznał. Woheń bě baroknu cyrkej w nocy na 4. awgust zničił. Wčera je něhdźe 150 ludźi open-air Božu słužbu na farskim dworje wosady swjećiło. To běchu prěnje kemše po wohenju. Farar Stefan Schwarzenberg dźakowaše so wšitkim zasadźenskim mocam wohnjoweje wobory a techniskeho pomocneho skutka kaž tež wosadnym. Powěsć, zo jedna so wo zapalerstwo a zo bu podhladny zajaty, dyrbja wosadni najprjedy předźěłać. Wjele ludźi je z toho wuchadźało, zo bě přičina wohenja techniski defekt.
Politikar na čas?
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: n. n. 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (14.08.23)
W durjach tčacy wostał je paduch w durinskim měsće Bad Langensalza. 25lětny pospyta pozdatnje so přez wokno do pincy wjaceswójbneho domu zadobyć. Při tym so wón wobsuny a zaklini so w durjach. Wobydlerjo wołachu policiju wo pomoc. Tuta přichwata a jeho wuswobodźi. Nětko ma so wón z jednanjom wosebje ćežkeho padustwa dla bědźić.
Jako wódna knježna zasłuži sebi 40lětna Andrea Wolfert swoje pjenjezy. Poprawom wšak chcyše so wona z babu stać, před lětami pak spjelni sej wona jako wódna knježna žiwjenski són. Cyłe lěto wustupuje mać třoch dźěći w kupjelach abo na dźěćacych narodninach. Trend, kotremuž sćěhuje tež Wolfert, mjenuje so mermaiding (mermaid=wódna knježna). Přiwšěm njeje powołanje jeno wjeselo, Wolfert wuzběhny. Powołanje je ćělnje napinace a strašne.
Kraj reparatury bórze podpěra
Drježdźany (SN/at). Sakske knježerstwo z toho wuchadźa, zo móža wobydlerjo wot 1. oktobra próstwu wo tak mjenowany bonus reparatury dla zapodać. To wuchadźa z wotmołwy na małe naprašowanje zapósłanca Franza Sodanna (Lěwica) nastupajo „zwoprawdźenje financneje podpěry za wuporjedźenje elektriskich a elektroniskich nastrojow“. Po sakskim dwójnym etaće 2023/2024 je za kóžde lěto 1,25 milionow eurow předwidźanych. Tónle bonus móža jenož połnolětni wobydlerjo a połnolětne wobydlerki z hłownym bydlenjom w Sakskej wužiwać.
Ručež je reparatura za elektriske a elektroniske nastroje dokónčena a zličbowanka předleži, móže so próstwa na bonus w spěchowanskim portalu Sakskeje natwarneje banki zapodać, rěka dale we wotmołwje knježerstwa. Minimalna suma zličbowanki je 75 eurow. Maksimalna podpěra wučinja 200 eurow za jednu reparaturu. Połojcu wudawkow za dźěłowy čas, narunanki a nadhódnotowy dawk spěchuja. Firmy, kotrež chcedźa so na reparaturowym bonusu wobdźělić, měli so přizjewić. Čłonstwo w IHK abo rjemjeslniskej komorje je za to jeničke wuměnjenje.
