Gaza a Ukraina podawkaj lěta
Wospjet ćežke nadpady na města
Kijew (dpa/SN). Po ćežkich ruskich powětrowych nadběhach na Ukrainu póndźelu rano rozprawjeja wjacore města a regiony kraja wo škodach a zranjenych. Tak bu na we wulkoměsće Saporiššja bydlenski dom wobškodźeny. Dohromady pjeć zatřělow registrowachu, kaž zdźěli regionalny wojerski zarjad. W měsće Nowomoskowsk maja dohromady 24 zranjenych, wot nich su pjeć dźěći, wozjewi sćelak Suspilne.
Z města Charkiw přizjewichu štyri zatřěle. Wosebje industrijne zawody su tam potrjechene, zdźěli měšćanosta Ihor Terechow. Na social media platformje Telegram pisaše wón wo jednej zranjenej. Wohnjowi wobornicy palace so twarjenja zhašechu. W městačku Smijiw w regionje Charkiw dyrbjachu wjacore ludźi z rozwalinow domskeho wuchować.
Ruske lětadła nadběhowachu w rańšich hodźinach třeći raz w běhu poslednich dnjow z wulkim kombinowanym nadběhom Ukrainu. Při tym wužiwachu nimo balistiskich raketow a dalšich tež truty, zdźěli wójsko Ukrainy.
impresum
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje a marketing:
Patricia Róblowa 577 273
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (08.01.24)
Swětowy rekord w puzzlowanju nastajił je 62lětny Hans-Joachim Schaadt w posaarskim Oberkirchenje. K tomu dyrbješe něhdyši hórnik 54 000 dźělow w 136 dnjach na wobraz zestajeć. Dotalny rekord bě 137 dnjow. Schaadt puzzlowaše wot 1. oktobra 2023 na hoberskim wobrazu a je wčera po 99 dnjach pod wulkim wyskom wopytowarjow w swjedźenskej hali w Oberkirchenje swój projekt zakónčił. Schaadt bě puzzle před lětomaj wot swojeje swójby jako hodowny dar dóstał. Po tym bě wón na rekordny pospyt přizjewił a so cyłe lěto přihotował.
Twarožka na burgeru dla je muž w delnjobayerskim Landshuće dospołnje kontrolu zhubił. Wón biješe sobudźěłaćerjej z pjasću do mjezwoča a mjetaše jědź do kuchnje. Policija dyrbješe zapřimnyć a roznjemdrjeneho změrować. Mužej hrozy nětko pokuta ranjenja ćěła dla.
Wobličenje přepruwować
Berlin (dpa/SN). Wašnje wobličenja wobydlerskeho pjenjeza měło so po měnjenju zwjazkoweho financneho ministra Christiana Lindnera (FDP) přepruwować. Hladajo na wočakowanu inflaciju bě normalna sadźba wobydlerskeho pjenjeza 1. januara sylnje přiběrała, rjekny Lindner nowinarjam. „Tohodla dyrbimy metodu wobličenja přepruwować, zo njebychmy inflaciju nadhódnoćili.“ K zahajenju noweho lěta bě wobydlerski pjenjez wo dwanaće procentow rozrostł.
Blinken znowa po puću
Washington (dpa/SN). Wonkowny minister USA Antony Blinken jědźe hladajo na wójnu w Gazaskim pasmje přichodne dny znowa do Bliskeho wuchoda. Planowane su wopyty w Turkowskej, Grjekskej, Jordaniskej, Kataru a Egyptowskej, rěčnik ministerstwa zdźěli. W srjedźišću steja prócowanja wo polěpšenje humanitarneje pomocy a k pušćenju zastajencow, kotřiž su hišće w rukach Hamas. Israel chce Blinken namołwjeć, napjatosće w palestinskich kónčinach wottwarić.
New York skorži migrantow dla
Wohnjowy wobornik kontroluje nasyp pěskowych měchow w ...
Gaza dale bjez Židow
Ratarjo Habecka blokowali
Ockholm/Berlin (dpa/SN). Roznjemdrjeni ratarjo su tomu zadźěwali, zo móže wicekancler Robert Habeck (Zeleni) na pobrjohu Sewjerneho morja přewoznu łódź wopušćić. Burja běchu wčera w přistawje w Schlüttsielu městno blokowali, hdźež měješe přewoz dojěć. Habeck dyrbješe so tuž na haligu Hooge wróćić. Po informacijach policije jednaše so wo sto demonstrantow. Něhdźe 30 policistow bě zasadźenych, kotřiž wužiwachu tež popjerjowy spray. Burja protestuja přećiwo skrótšenjam ratarskich subwencijow.
Zwjazkowe knježerstwo mjenowaše blokadu wohańbjacu. Rěčnik knježerstwa Steffen Hebestreit rěčeše wo „přiběracych hrubosćach politiskich formow“. Blokada přećiwo Habeckej rani prawidła demokratiskeho mjezsobneho wobchadźenja, wón internetnje piše.
Hladajo na masiwne protesty ratarjow přećiwo planowanym skrótšenjam ratarskich subwencijow je zwjazkowe knježerstwo reagowało. Dawkowe poćežowanja jězdźidłow dla chcedźa zběhnyć a dawk na diesel časowje rozdźělić.
Proces přetorhnjeny
To a tamne (05.01.24)
Hodowne štomy picuja tež lětsa zaso w Berlinskim zwěrjencu a coologiskej zahrodźe zwěrjatam. Jehlinowcy su elefantam wosebita chłóšćenka, zwěrjency zdźěleja. Tołstokóžniki wužiwaja rostliny, zo bychu sej tež chribjet drapali, zuby rjedźili a sej masažu popřeli – runja druhim zwěrjatam. Zamołwići picuja jenož hodowne štomy, kotrež njejsu we wobchodach předawali. „Priwatne dary štomow njemóžemy bohužel přijimować.“
W hodownym dowolu so zminyło je so 255 jatych w Brazilskej. Jatych běchu k hodam nachwilnje z jastwow pušćili. Woni pak njejsu so, kaž bě předpisane, zaso wróćili. Elektroniske puta jeći njemějachu, dokelž by za to sudniski wukaz trěbny był. Nachwilne pušćenje k hodam chłostanski zakonik kraja předwidźi. Wuwzate su strašni złóstnicy. Cyłkownje su 1 785 jatych do dowola pósłali.
