Za kompromisom pytał
Jerusalem (dpa/SN). W Israelu je wot prawicarsko-radikalneho knježerstwa planowane přetwar justicy w rozsudnej fazy. Prezident Izchak Herzog je w poslednim wokomiku spytał, kompromis mjez knježerstwom a opoziciju k wjele diskutowanemu předewzaću namakać. Wčera wječor zetka so wón k tomu z ministerskim prezidentom Benjaminom Netanjahuwom a nawodu opozicije Jairom Lapidom. Parlament je runočasnje marathonowe posedźenje zahajił. Snano dóńdźe hišće dźensa k wothłosowanju.
Dźakuje so pomocnikam
Kijew (dpa/SN). Po ruskich nadpadach na přistawne město Odessa je so ukrainski prezident Wolodymyr Zelenskyj wobydlerjam a mjezynarodnym zwjazkarjam dźakował. W swojim widejowym poselstwje Zelenskyj rjekny: „Dźakuju so wšěm, kotřiž steja po boku Odessy.“ Wosebje dźakowaše so wón pomocnikam lěkarskeje słužby, lěkarjam a zamołwitym města na juhu kraja. Ruski nadpad bě mjezynarodnje raznu kritiku zbudźił.
Žane rubiško – zawod zawrjeny
Danski kolesowarski profi Jonas Vingegaard (2. wotlěwa) je druhi raz ...
Hórki wuspěch opozicije
Ruska chce ukrainske žito narunać
Moskwa (dpa/SN). Něšto dnjow po jednostronskim zběhnjenju zrěčenja wo dodawanju ukrainskeho žita ze stron Ruskeje je prezident Wladimir Putin připowědźił, zo je Ruska zwólniwa, ukrainske posyłki žita narunać. „Směm wam přilubić, zo je naš kraj kmany, ukrainske žito na komercielnym kaž tež na bjezpłatnym zakładźe narunać, čim bóle, dokelž wočakujemy lětsa dalše rekordne žně“, piše Putin na internetnej stronje Krjemla za afriske medije składnostnje bližaceho so wjerška Ruskeje z afriskimi krajemi přichodny štwórtk w ruskim Pětrohrodźe.
Najebać wot zapada wukazane sankcije chcyła Ruska dale „energisce“ afriskim krajam žito, žiwidła, hnojidła a druhe wudźěłki słać, dale rěka. Loni je Ruska 11,5 milionow tonow žita do Afriki eksportowała, prěnich šěsć měsacow tutoho lěta nimale dźesać milionow tonow.
Dotalne zrěčenje je swój humanitarny zmysł zhubiło, Putin piše. „Ukrainske žito su sej ameriske a europske koncerny přiswojili a z profitom dale předawali.“
Merz zbudźa raznu kritiku
Wuprajenja předsydy CDU Friedricha Merza k AfD wjele diskutowane
Berlin (dpa/SN). Přesyda CDU Friedrich Merz je ze swojimi wuprajenjemi nastupajo móžne zhromadne dźěło z AfD na komunalnej runinje raznu kritiku ze swójskeje strony žnjał. Berlinski knježacy měšćanosta Kai Wegner piše internetnje: „AfD znaje jenož spřećiwjenje a pačenje. Kak měło to zhromadne dźěło wupadać? CDU njemóže, nochce a njebudźe ze stronu dźěłać, kotrejež model je hida, pačenje a wumjezowanje“. Porno tomu widźi AfD wuprajenje Merza pozitiwnje a chcyła zhromadne dźěło z CDU zmóžnić.
Merz bě w lěćnej rozmołwje ze sćelakom ZDF znowa potwjerdźił, zo njebudźe unija z AfD kooperować. Wón wobmjezowaše pak tole na „zakonjedawarske ćělesa“, potajkim na europsku, zwjazkowu a krajnu runinu. Hdyž w Durinskej krajneho radu a w Saksko-Anhaltskej měšćanostu AfD wuzwola, su to demokratiske wólby, Merz měnješe. „Tole dyrbimy tola akceptować. Wězo dyrbja w komunalnych parlamentach za pućemi pytać, kak chcyli město, kraj a wokrjes zhromadnje wuwiwać.“ Što je dokładnje z tym měnił, njeje w rozmołwje nadrobnišo rjekł.
Za wohnjowej murju
Porjedźenka
To a tamne (24.07.23)
Zapozdźenje měšćanskeje železnicy japanskeje stolicy Tokija je wusahowaca powěsć w medijach kraja. Skóncowanych signalow dla su dźensa rano wjacore ćahi wupadnyli. Byrnjež defekt spěšnje porjedźany był, bě jězbny plan „chětro přemjetany a dojězdźowarjo sylnje potrjecheni“, medije rozprawjeja. Ćahi w Japanskej su k 99 procentam dypkownje. Před lětami bě so železnica zamołwiła, dokelž bě spěšnik 20 sekundow přepozdźe wotjěł.
Po skónčenym pytanju za rubježnym zwěrjećom w Kleinmachnowje južnje Berlina wočakowachu dźensa analyzu fachowcow k přepytowanju zwěrjećich slědow. Po tutym puću chcychu skónčnje zhonić, za kajkim zwěrjećom su zamołwići poprawom pytali. Wobydlerjo rěčachu wo lawicy. Móžno pak tež je, zo jednaše so wo dźiwje swinjo. Wot minjeneho štwórtka knježeše tam alarm.
„famil-o-mat“ woblubowany
Wjetšinje je AfD prawicarska
Berlin (dpa/SN). Wjace hač połojca ludźi w Němskej ma AfD za prawicarsko-ekstremnu stronu. Tole pokazuja wuslědki reprezentatiwneho woprašowanja slědźenskeho instituta YouGov w nadawku powěsćernje dpa. Po tym ma 57 procentow wuraz „prawicarsko-ekstremna“ za prawy při wopisowanu AfD. 19 procentow ma AfD za byrgarsku-konserwatiwnu stronu. Dźewjeć procentam ludźi steji AfD „wosrjedź towaršnosće“.
Zasadźuja brojacu so municiju
Kijew/Moskwa (dpa/SN). W zakitowanskim boju přećiwo Ruskej zasadźuje Ukraina po informacijach Běłeho domu we Washingtonje dwělomnu brojacu so municiju. „Woni zasadźuja ju na přiměrjene wašnje a efektiwnje“, rjekny direktor za komunikaciju narodneje wěstotneje rady knježerstwa USA John Kirby. Zasadźenje municije so mjeztym na ruske zakitowanske stejnišća a na jeje ofensiwne manewry wuskutkuje, wón rjekny. Brojaca so municija je mjezynarodnje zasudźena.
Netanjahu reformu zakitował
