Wšitcy měli rěčnicy měra być
Bonn (B/SN). Předsyda komisije Swětowa cyrkej Němskeje biskopskeje konferency, arcybiskop Ludwig Schick, ma křesćanow kaž tež muslimow za „rěčnikow měra“. Biskopja ze starosću wobkedźbuja, zo njepřećelstwo a předsudki mjez křesćanami a muslimami přiběraja.
Bamž Armenskej impulsy dał
Rom (B/SN). Junijski wopyt bamža Franciskusa je Armenskej dał impulsy za měrliwe rozrisanje konflikta w Hórskim Karabachu. Pućowanje bamža ma „wulki regionalny wuznam“, rjekny armenski pósłanc w Berlinje Ashot Smbatyan. Jako posoł měra a hłós swědomja žněje swjaty wótc připóznaće po cyłym swěće.
Zrěčenje TTIP přepruwować
Brüssel (B/SN). Biskopska EU-konferenca COMECE a Biskopska konferenca USA sej žadatej, zo ma so zrěčenje wo swobodnym wikowanju TTIP po socialnych a ekologiskich kriterijach přepruwować. Swobodne wikowanje móže być lěpšina a přinošować k lěpšemu přichodej, praještaj předsydaj wobeju konferencow, kardinal Reinhard Marx a arcybiskop Joseph Edward Kurtz. TTIP ma być na dobro staćanow, wosebje tych chudych.
Biskop hinduwej jěrcheń darił
Předsydu wotwolili
Konstanz (dpa/SN). Wokrjesny zwjazk strony AfD w Konstanzu je swojeho dwělomneho předsydu Wolfganga Gedeona wotwolił. Wumjetuja jemu antisemitizm. Čłonska zhromadźizna AfD bě „po konstruktiwnej diskusiji“ wobzamknyła, spočatk septembra předsydstwo znowa wuzwolić, wokrjesny zwjazk dźensa rano na swojej internetnej stronje zdźěli. Debata wokoło antisemitiskich wuprajenjow Gedeona bě k pačenju frakcije AfD w Badensko-württembergskim krajnym sejmje wjedła.
Wjacori ciwilisća morjeni
Damaskus (dpa/SN). Při nalětach koalicije, wojowaceje přećiwo teroristiskej milicy Islamski stat, je po informacijach wobkedźbowarjow čłowjeskich prawow wčera znajmjeńša 21 ciwilistow žiwjenje přisadźiło. Bomby běchu dwě štwórći sewjerosyriskeho města Manbidsh trjechili. Na město, w kotrymž knježi IS, měrja so jednotki syriskeje armeje a z njej zwjazane milicy. W Manbidshu je po informacijach UNO něhdźe 70 000 ciwilistow, za kotrychž je połoženje dźeń a strašniše.
May wopyta Merkel
Naprašowanja su žórło idejow
Sakski hospodarski minister Martin Dulig turistikarjow wopytał
Budyšin (SN/BŠe). Region mjez Drježdźanami a Zhorjelcom, Žitawu a łužiskej jězorinu ma wjele wosebitosćow. „Tu njeje žana tema, wo kotruž njezamóžemy so starać“, podšmórny dźensa dopołdnja nawoda Budyskeje turistiskeje informacije Jens-Michael Birke. Sprjewine město bě prěnja stacija lětnjeje tury sakskeho hospodarskeho ministra Martina Duliga (SPD). Lětsa wěnuje wón swoju třidnjowsku turu turizmej, zo by so wo hospodliwosći, mjezynarodnosći a kwaliće serwisa wobhonił. Wězo je tež mjezy překročace dźěło dalše wažne ćežišćo, wo kotrymž chce minister z turistikarjemi rěčeć. „Mi je wažne so z ludźimi na městnje rozmołwjeć. Chcu wědźeć, što su jich aktualne wužadanja“, bě Dulig hižo do zahajenja swojeje tury rjekł.
Ze sekeru ludźi nadpadnył
Za smjertne chłostanje
Trump taktěruje
Nowu stronu załožił
Wopory wobkrućene
To a tamne (19.07.16)
250 kilogramow ćežkeho muža z awta wuswobodźiła je wohnjowa wobora njedaloko Kaiserslauterna w Pfalcy. 60lětny bě sej na parkowanišću w awće wusnył. Při tym suny so ze sedła a so tak zatłusny, zo njemóžeše so hižo sam wuswobodźić. Tež wohnjowa wobora měješe swoju lubu nuzu. Jako mužej strowotne problemy hrožachu, wobornicy třěchu awta wotrězachu. Muža dowjezechu do chorownje. Akcija traješe něhdźe štyri hodźiny.
Wopačne ćěło pochowali su w šwicarskim Sittenje. Prawdźepodobnje běchu ćěło w centralnym instituće zaměnili. Hakle jako chcyše pochowanski institut zemrěteho wotewzać, dyrbjachu zwěsćić, zo je mjeztym druhdźe pochowany. Dyrbjachu kašć tuž zaso wuryć a jón korektnje pochować, kaž nowiny rozprawjeja. Za přiwuznych zemrěteju bě zaměnjenje ćěłow wulki šok.
Transporter po puću k ISS
Cape Canaveral (dpa/SN). Z něhdźe 2 000 kilogramami wšelakich zastaranskich tworow a wědomostneje techniki je priwatny swětnišćowy transporter „Dragon“ k swětnišćowej staciji ISS wotlećał. Raketa typa Falcon-9 je minjenu nóc na swětnišćowym dwórnišću Cape Canaveral w staće USA Florida wuspěšnje startowała, kaž ameriski swětnišćowy zarjad NASA zdźěli. „Dragon“ ma zajutřišim, srjedu, k ISS dolećeć.
Maas njespokojom
Berlin (dpa/SN). Zwjazkowy justicny minister Heiko Maas (SPD) internetnemu portalej Facebook wumjetuje, zo přilubjenja w boju přećiwo hidźe w interneće njedodźerži. W lisće wodźacym zamołwitym komunikaciskeho koncerna w Berlinje a Londonje skedźbnja Maas hišće raz na wuslědki wuradźowanja zhromadneje dźěłoweje skupiny. „Wuslědki wašich napinanjow njewotpowěduja tomu, štož smy sej dorěčeli“, časopis Spiegel Maasa cituje. Wón sej žada, hidypołne komentary dokładnišo wotstronić.
Johnson moderatny był
